LU:KKC 6:49 - ANU LUGOD N. T. (BSI)

⁴⁹ Cmpige:la sc:kobv cdcmbulum tadge:la lukamdcmpc ima:ycji cdc mogcngko kama:pc okum monc tani:koncmpc idag; okodcm csarc nvnga:tonc, odokkc vgcmpc cdc dvrtapkang, odokkc cdc okumdc dvrmvg dvrsvgdankang.”

LU:KKC 6:49 ပူးပေါင်းရင်းမြစ်များ

METIU 23:3

Cdcmpidag lukamdcmpci ilang odokkc kanggap tadgaplang okodcmci bulu nolum luycji, ckvddaggom bulu okkom idagnc cdcmpcmang; kapila:nc bulu Ru:ncpvnckc agom luyirdag, ckvdaggom lukamdcmpc imang.

1 JO:N 2:19

Bulu ngolukkolokkc gvlenpakkang, cmpige:la bulu ngolukkcmangai; kapcnc bulu ngolukka:mvlo, bulu ngoluk lcdulo du:mvntvya:pc; cmpige:la bulu gvlenkang, jc cdc kinpoycpc cmna jc bulu ngolukkcmang.

JO:N 15:2

Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

LU:KKC 12:47

“Odokkc cdc ager gerncdc sc:kobv bvk ru:tumdok mcngkamcm kindagaji, ckvdaggom mosv:sutoma:ji cdcmanggom bvk mcngkampc agercm gertoma:ji, kvnggv:pc dvngkosupa:ycku.

LU:KKC 6:46

“Kapila nolu ngom ‘Ru:tuma, Ru:tuma,’ cmna gogdon, odokkc ngo okodcm lulvgdoji cdcm ima:pc?

MARKKC 4:17

Odokkc bulukkc ayvkc appvrc kasumang; cmpige:la asudowongko du:dag; odokkc, cdvloi asin mc:dvrmc:songc cdcmanggom ipusire:yc lenycnc agomdok lcgangc, oddung bulu avkc kumnamcm mcpakdag.

2 PITOR 2:20

Kapcnc jodi, bulu mo:pvsok napv-narc:ma:namdokkc ngoluk Ru:tumkc kinnam agomdokki dugpvtsuge:la odokkc Mopvtnc Jisu Kristobv, bulu lckoda odobulu yetsudag odokkc mopvkosudag, cdc du:tcrkc du:nam dagnamdc cdc dungangarpo:nam dcmyam aiyangarma:pc ido.

1 TISSALONIANG 3:5

Kapcnc sok lcgangc, cdvlo ngo cmpcsin menrasula:toma:bo:ji, ngo mclvgto jc ngo:jen noluk mc:jvgdcm kinna:ycpc, kapcnc pcsonam lcgangc jc kapcji ila cdc ka:bomc:bomoncdc nolum ka:bomc:bomoto odokkc jc ngoluk ager gernamdc cmmumpc iycpc.

AGER KVDVNG 26:11

Odokkc kumko okum okumkvdv:do kvnggv:pc bulum dcmto-moto odokkc bulum imur incpc cmna ankvla kangkvto; odokkc buluk birudi:pc kvnggv:pc ipusire:la aglvngcm lv:to, ngo bulum amikc amo:lo:sin mogvtmomatto.

AGER KVDVNG 20:29

Ngo kindag jc ngok gvpakdoku lcdulo aima:nc ra:ng ikiyc noluk ara:lo duga:ycpc, kcrc:dcm aima:ru:pc iycpc;

LU:KKC 19:27

Cmpige:la sc ngok mirukvdv:dok lcga:pc, sc:kobulu buluk migompc ngom itoka cmna mc:ma:ycji, bulum so:pc gva:boge:la ngok ka:de:pc papagamtoka.’ ”

LU:KKC 19:14

Cmpige:la Bvk avkc mo:di: tani:kvdv:dc bvm tayumto odokkc bvk lcdudo lutad luncko scmpc lula mclvgto, ‘Ngolu sc tani:scm ngoluk migompc idopc imolv:mang.’

METIU 24:10

Odokkc odo bojcrungc mcpagamyc, odokkc akoncm akonc miru alaglo tolvgmvnsuyc, odokkc, akoncm akonc tayummvnsuyc.

LU:KKC 6:48

bv okum monc tani:koncmpc idag, sc:ko o:rv:pc aru:dcm ngundagji, odokkc moko amo:dcm vlv:tayclo modagnc; odokkc cdvlo pu:mi: assc gvla pu:sangka:ji, asidc bidla cdc okumdcm nvnga:to, odokkc cdcm bidkukla:tomang, kapila:nc cdcm kvnggv:pc motungai.

LU:KKC 7:1

Tani:kvdv:dc taddopc Bvk agom appv:dcm lungapge:la Bv Kapernaumpc gvangkang.