LU:KKC 6:35 - ANU LUGOD N. T. (BSI)

³⁵ Cmpige:la noluk mirukvdv:dcm aipc mc:langka, odokkc ainc agercm gerrangka, odokkc murkongcm bipo:langka, okkomsin pa:latkupc cmna mc:ma:pc; odokkc noluk amanc bojcru:yc, odokkc Appvng Udbo:ya:pc Du:ncdok omma:pc iyc; kapila:nc ainc agerko ibincdcm mcngkinma:ncdcmlang avwongkcpc mc:suncdcm ayangabodag.

LU:KKC 6:35 ပူးပေါင်းရင်းမြစ်များ

JO:N 13:35

Odokkina appvng tani:yc kinyc jc nolu ngok agom tadjvgla gvmvnnc tani:yc, nolukkc akoncm akonc aipc mc:mvnsunamc du:mvlo.”

2 KORINTIANGKVDVNG 8:9

Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.

JO:N 15:8

Odokki ngok Abubv amin gvdag, odomvlo nolu bojcrungko a:yc gcdopc cmna, odokkc ngok agom tadjvgla gvmvnnc tani:yc cmna lcngkancm ibiyc.

AGER KVDVNG 14:17

Cmpidaggom bulu Bv avdc lukan luma:pc mctomang, kapila:nc Bv nolum aincm ibito odokkc nolum taycng amo:tokkc pcdongcmna: a:yc e:monc dv:tag ayircm bito, noluk asinkvdv:dcm mc:lvgsudopc donam tv:namkila: mc:pomcngankokki.”

LU:KKC 1:32

“Bv bottcru:nckopc iyc, odokkc Tayc:rung yangkotok Du:ncdok Awodc cmna gogyc: Odokkc Ru:tum Ru:ncpvncbv Bvm Bvk abu Dawidkc migom dungkodcm biyc,

MARKKC 5:7

Odokkc bottapakpc bc:dopc jc:la, bv luto, “Okkom no ngom inaycn, Jisua, Appvngcm Bottcya:nc Ru:ncpvnna? Ngo Ru:ncpvncmc petomna nom pesubidung, ngom mogvtmomatyoka.”

METIU 5:9

“Lckomokunc kvdv:dc aipc luitpcnamc, kapila:nc bulum Ru:ncpvnckc aowangc cmna gogycku.

LU:KKC 6:36

Ayangabopc Mc:ncpc Ilang, Noluk Abub Ayangabokammcmpc.

2 TIMOTI 3:2

Kapcnc tani:kvdv:dc avycm aipc mc:ncpc iyc, murkongcm aipc mc:ncpc, lubonsunnc, ngowong cmna mc:sunc, keker-jengerla lunnc, buluk ancabukvdv:dok lunam tadma:nc,