LU:KKC 6:27 - ANU LUGOD N. T. (BSI)

²⁷ “Cmpige:la ngo tadla du:nckvdv:scm ludung, noluk mirukvdv:dcm Aipc mc:langka, sc:kobulu nolum tayumdagnc bulum aipc ila:sa:langka, sc:kobulu nolum pelvgdagnc bulum aipc mc:lvglangka,

LU:KKC 6:27 ပူးပေါင်းရင်းမြစ်များ

1 TISSALONIANG 5:15

Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.

LU:KKC 6:35

Cmpige:la noluk mirukvdv:dcm aipc mc:langka, odokkc ainc agercm gerrangka, odokkc murkongcm bipo:langka, okkomsin pa:latkupc cmna mc:ma:pc; odokkc noluk amanc bojcru:yc, odokkc Appvng Udbo:ya:pc Du:ncdok omma:pc iyc; kapila:nc ainc agerko ibincdcm mcngkinma:ncdcmlang avwongkcpc mc:suncdcm ayangabodag.

GALATIANG KVDVNG 6:10

Cdcmpidag cdcmpcmvlo, ngolukkc aipc gerpo dung, kajc ngolu appvng tani:lo:pc aincm gerrai, odokkc ncrkvgpc cdc sc:kobulu mcjvgnamlok crangkvdv:do:pc gvlai.

MARKKC 4:24

Odokkc Bv bulum luto, “Ansulangka nolu okkom taddoji; nolu okoki kvla biycnc odok kvddvngko nolu pa:yc, odokkc nolu bojcyangkoda pa:yc.

AGER KVDVNG 10:38

kapc Najaretdok Jisumc vrtoji Angunnc Yalodokki odokkc ilang-gvlangkokki; kapc gvgongkaji ainc ager gergo:la odokkc csa:molangkula uipa:nam appv:dcm, kapila:nc Ru:ncpvncbv bvk lcdulo dunggai.

AGER KVDVNG 7:60

Odokkc bv lcbvng tumangge:la bottcru:pc jc:la luto, “Ru:tuma, sc pa:pscm buluk aminno adlvgyoka.” Odokkc bv cdcm lunamci, bv migjcmkang.

LU:KKC 23:34

Odo Jisubv luto, “Abba, bulum mc:yinsutoka; kapila:nc okkom idu:song bulu kinmang.” Odokkc bulu Bvk gcnam attarkvdv:dcm orpansupc cmna ko:riycm crto.

LU:KKC 8:18

Ansutoka cdcmpila kapc taddoji; kapila:nc sckkc du:nc bvm bojcyangkoda biyc, odokkc sckkc kama:nc, bvkkc okodc dung cmna mc:dagnc cdcmsinci la:pakycku.”

LU:KKC 8:15

Odokkc ainc amo:do dc:yi:nckvdv:dokkcpc, bulu cdc sc:kobulu, agomdcm taddagnc, cdcmbulum aiyo:pc asinbo mc:jupla lc:dagnc, odokkc mcnggaptvla du:namki a:ycm e:modag.

LU:KKC 8:8

Odokkc akedc ainc amo:lo dc:yingkang odokkc sangkang, odokkc lvngko anyikopc a:yc engkang.” Bv cdcm luge:la, Bv jc:la luto, “Sckkc tadnanc yerungc du:nc, bvm tadmotoka.”

LU:KKC 6:22

“Tani:kvdv:dc cdvlo nolum tayumycji nolu gernc-pu:nc, odokkc bulu cdvlo nolum angupc du:moycji odokkc nolum aima:pc luycji, odokkc nolum amincm aisi:ma:nc cmna minycji, Tani:kc Awodok lcgangc!

3 JO:N 1:11

Aipc mc:bomsunam kvdvnga, aima:ncdcm ka:yv:sula gvyoka cmpige:la aincdcm ka:yv:sula imvngvmvnnangka. Sc:kobv aincm idagji Ru:ncpvnckc; sc:kobv aima:ncm idagnc Ru:ncpvncmc kangkvmang.

AGER KVDVNG 16:28

Cmpige:la Poulbv bottapakpc jc:la lusangkang, “No avyc mokesuyoka, kapila:nc ngolu sc appvngc dung.”