LU:KKC 6:20 - ANU LUGOD N. T. (BSI)

²⁰ Odokkc Bvk agom tadjvgla gvmvnnc tani:kvdv:dcm Bv bcrsa:la kangge:la luto: “Opankvdv:dc gernc-pu:nc, kapila:nc Ru:ncpvnckc migom doko mo:pvdc nolu:kkc.

LU:KKC 6:20 ပူးပေါင်းရင်းမြစ်များ

JAKOB 2:5

Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

2 KORINTIANGKVDVNG 8:9

Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.

LU:KKC 12:32

“Pcsoyoka, adjio:nc kcrcnga, kapila:nc cdc noluk Abukc aipc mc:pola nolum migom doko mo:pvdcm bipc cmna mc:du:bong.

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

LUNGOR LUNAM 2:9

“Ngo kindag nok asinc mc:dvrra mcnggcsula du:namdcm odokkc nok opannammcm kindag (cmpige:la no mircmdag) odokkc lume:pc lugc:namdcm sc:kobulu ludagji jc bulu Jiwuyc odokkc cdcmpige:la Jiwumang, cmpige:la Satandok kumko okumcbulu.

2 KORINTIANGKVDVNG 6:10

opanncmpc innc, ckvdaggom bojcrungcm mircmmonnc; okkosin kama:ncmpc innc, odokkc ckvdaggom appvngc dung.

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

2 TISSALONIANG 1:5

Cdc Ru:ncpvnckc dormokanam kcba:ba:namdok lcngkanc, jc nolum Ru:ncpvnckc migom doko amo:dok lcga:pc arckancpc imoycpc, okodok lcgangc nolu du:gcm pa:du:ji–

1 TISSALONIANG 1:6

Odokkc nolu ngolukkclang Ru:tumkc iko gvkolo gvmvnncpc ikang, kapila:nc nolu kvnggv:pc du:glo agomdcm torvgsuto, Angunnc Yalodokki mc:pomola.

2 KORINTIANGKVDVNG 8:2

Kapila:nc kvnggv:pc ipusire:pa:namlok ankang ka:namki, buluk pv:namko kvnggv:pc mc:namclang okokosin kama:sv:ma:namdc bulukkcpc kanamsvnamlo bojcyangkang.

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

LU:KKC 14:15

Tcbuldok tednc tani:kvdv:dok akonc cdvlo cdcm tadbegtoji, bv Bvm luto, “Ru:ncpvnckc migomdokodo sc:kobv pitangcm doyckunc bv gerncpu:nc!”

LU:KKC 13:28

Odokkc noluk a:yckvdv:dcm dokcrcbamsuyc cdvlo nolu Abrahamkc, Isahakkc, Jakobkc odokkc Ru:ncpvnckc migom doko mo:pvdok lungor lunc appv:dc Ru:ncpvncmc ka:begyc odokkc nolu av avkvdv:dcm nv:lenlvgdopc ka:dodcm nolu kabyc.

LU:KKC 4:18

“Ru:tumkc Yalodc ngokkolo dung, kapila:nc Bv ngom opannckvdv:dcm tadponc do:yv:dcm lutaddopc vrtung. Bv ngom makana:lo lvgla lc:namkvdv:dcm mclvgkunamcm odokkc miglunckdv:dcm ka:begkunamcm lutaddopc ngom mclvgtag, sc:kobulum nv:jcmna lc:tagnc bulum motudokupc,

METIU 11:5

miglunckvdv:dc ka:begdungku odokkc lambcgvla:ma:pc ngedgo:nckvdv:dc gvla:dungku, ngero:-ro:namkvdv:dc narcngkangku odokkc ru:benckvdv:dc tadbegamkangku, sinckvdv:dcm turabmodungku, odokkc opankvdv:dcm tadponc lutaddcm lubidung.

LU:KKC 16:25

“Cmpige:la Abrahambv luto, ‘Awosa mc:pa:langka nok turra du:dagdo no ainc ainc attarcm pa:to, odokkc Lajaru:bv cdcmv:pc aima:nc attarcm pa:to; cmpige:la su:pak bvm so mc:pomotakku, odokkc no su:pak ipusire:ycm pa:dungku.

METIU 5:1

Yadkumsunc tani:kvdv:dcm ka:la, Bv adi: tayc:do:pc re:sa:to, odokkc Bv teda:nammc Bvk agom tadjvgla gvmvnnc tani: kvdv:dc Bvkkodo:pc gva:to.