2 Kapila nolu yodnam longcdo lujvg lurodok lukampc ipcma:namdcm idu:n?
Cmpige:la Parisi:kvdv:dc cdcm kangge:la, bulu Bvm luto, “Ka:tok, nok agom tadjvgla gvmvnnc tani:kvdv:dc yodnam longcdo lujvglurodo okkom ipcma:namc cmna lutagnc idung.”
Odokkc cdda:na Jiwudi:kvdv:dc kapila Jisumc ipusire:ycm ikaji, kapila:nc Bv Ager germa:pc yodal du:do longcdom cdcm gerto.
Odokkc Parisi:kvdv:dc Bvm luto, “Ka:tok, kapila no yoddo longgcm okodcm lujvglurodok lukampc ipa:ma:nc cdcm idang?”
Odokkc Bvm bulu luto, “Jo:nkc agom tadjvgla gvmvnnc tani:kvdv:dc lckko: lckko:lo menna dungge:la kumdag, odokkc cdcmv:pc Parisi:kvdv:dok agom tadjvgla gvmvnnc tani:kvdv:dc:sin, cmpige:la nokkckvdv:dc tv:dag-dodag.”
“Kapila nok agom tadjvgla gvmvnnc tani:kvdv:dc ta:to-ya:yok longcdok igodgvgoddcm tadma:pc ibat-siyatdang? Kapila:nc bulu cdvlo dodonc buluk alagkvdv:dcm vrpu:sumang.”