LU:KKC 5:24 - ANU LUGOD N. T. (BSI)

²⁴ Ckvdaggom nolu kindopc cmna Tani:kc Awodokkc pa:bcm mc:yinsula:nanc ilang-gvlang dung cmna” Bv attungko sipaknc tani:dcm luto “Ngo nom ludung, darobtoka, nok asubcm la:sa:toka odokkc okumpc gvkangkuka.”

LU:KKC 5:24 ပူးပေါင်းရင်းမြစ်များ

LUNGOR LUNAM 1:13

odokkc cdc saki: tvgcngkvdv:dok ara:do tani:lok awokoncmpc, arainc rvbvko gcnckonc odokkc avn tongali: bvk angkc:dcm jinrcgsunckonc;

AGER KVDVNG 14:10

“Darobtok nok alcdokki dagrasula.” Odo bv sumrobkang odokkc lambc gvgongkang.

AGER KVDVNG 9:40

Cmpige:la Pitorbv bulum appv:dcm urrenamlvgto odokkc lcbvng tuma:ngge:la kumto; odokkc sima:do:pc kangkutsuge:la bv luto, “Tabitanga, darobtok.” Odo bvk amigcm bv pongge:la tedtungkang.

AGER KVDVNG 9:34

Odokkc Pitorbv bvm luto, “Aeneasa, Jisu Kristobv nom csa:modakku; darobtok odokkc nok asubcm yedsa:tok.” Odokkc vgcmpc bv oddung darobkang.

AGER KVDVNG 5:31

Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna.

JO:N 17:2

no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

JO:N 11:43

Bv cdvlo lutoji, Bv bottcru:pc jcla gogto, “Lajarua gvlentok.”

JO:N 5:27

Odokkc Bvm kcbangcm ba:la:dopc sottom bito, kapila:nc Bv tani:kc Awodc.

JO:N 3:13

Sc:kosin taycng amo:pc gvsa:langkumang taycng amo:tokkc sc:kobv gvikaji: bv:ma:mvlo, tani:kc Awodc:ma:mvlo.

LU:KKC 8:54

Cmpige:la bvk alagcm sogapage:la Bv scmpc lula gogto, “Ko:ncnga, darobtok.”

LU:KKC 7:14

Odokkc Bv gva:la jo:nanc ra:sagdcm gakkvto, odokkc jo:nckvdv:dc aso:pc kvgcmna dagla dungkang. Odokkc Bv luto, “C:i ya:meya, ngo nom ludung, darobtok.”

LU:KKC 5:13

Odokkc Bvk alagcm laglento, odokkc bvm ri:yitto, scmpc lula, “Ngo mc:dag narcngtoka.” Odokkc oddung bvk ngero ro:namdc aikangku.

METIU 28:18

Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

METIU 26:64

Jisubv bvm luto, “No:na cdcmpc lutonc. Ckvdaggom ngo nom ludung, su:pakkolokkc nolu tani:kc Awodcm Ru:ncpvnckc lagbvgpc tedla du:dopc ka:begyc, odokkc taycngamo:tok mukkangki gvidokupc.!”

METIU 25:31

“Cdvlo tani:kc awodc Bvk migangki, odokkc appvng taycng among lutad lunckvdv:dokki gvyckunc odo Bv Bvk migangki migom dungkodo du:ycku.

METIU 16:13

Odokkc cdvlo Jisubv Kaesarea Pilipi: jilado:pc gvtonc, Bvk agom tadjvgla gvmvnnc tani:kvdv:dcm tawuto, “Tani:lok awodcm tani:kvdv:dc okko cmdang?”

METIU 9:6

Ckvdaggom tani: Awodokkc mo:pvso pa:bcm mc:yinsula:nanc dung cmna nolu kinycpc.” Bv alc alagc cngunma:pc kinc tani:dcm luto– “Darobtok, nok asubdcm la:sa:sutok odokkc okumpc gvkangkuka.”

METIU 4:24

Cdcmpila Bvk aminc Siria amo:do gvbungkang, odokkc bulu kinc-ramnc tani: appv:dcm bvkkolo:pc gvangamboto, sc:kobulu angu angu kinamc kadagaji odokkc dvgnamc, uipa:namc, simadc maddaganc, odokkc intungko sipaknckvdv:dcm, Bv csangammotoku.

LU:KKC 5:18

Odokkc ka:toka, tani:ckkcnc attungko sipaknc tani:ako gvabotungai, odokkc bulu bvm ara:pc gva:bola Jisukc kcra:do lc:pc cmna mato;

LU:KKC 5:23

Okodc lupc lupoya:dang, ‘Nok pa:pkvdv:dcm mc:yinamsubitobong,’ cmnamdcmyc cdcmanggom ‘Darobtoka odokkc lambc gvtoka’ cmna lunamdcmyc?