LU:KKC 24:19 - ANU LUGOD N. T. (BSI)

¹⁹ Odo bv bulum tawuto, “Okko kapika:n?” Odo Bv bulum luto, “Najaretolok Jisukc agomcmna, sc:kobv Ru:ncpvnckc kangkolo:lang appvng tani: kangkolo agerlo:la agomlok, lungor lunna:ji

LU:KKC 24:19 ပူးပေါင်းရင်းမြစ်များ

METIU 21:11

Odo yadkunsunc tani:kcrc:dc luto, “Galilolok Najaretdokkc Ru:nckc agom lungorbinc Jisubv sc:na.”

AGER KVDVNG 7:22

Odokkc Mose:mc Igiptolok appvng kinnam agomcm luyirgvyirtungai, odokkc bvk agom lukolo:lang agerlo airu:pc kindagai.

AGER KVDVNG 2:22

“Israelsok tani:kvdvnga, sc agom kvdv:scm tadtoka: Najaretdok Jisubv, Ru:ncpvnckokki nolukkolo du:jonsumoto bottcru:nc ager germola odokkc mcngapla:ma:nam agercmlang odokkc kanggod kvdv:dokki okodcm noluk ara:lo Ru:ncpvncbv Bvkkokki gertoji, nolusin avyc kindagnc cdc Jisudcm.

JO:N 6:14

Cdvlo tani:kvdv:dc cdc kanggod lcngkannamdcm ka:toji, bulu luto, “Sc:ru:bongkc aropakpc mo:pvso:pc gvpcnc lungor luncdc!”

JO:N 4:19

Nc:dc Bvm lubito, “Miganga ngo kindung jc no lungor luncko.

JO:N 3:2

Cdc tani:dc Jisukolo:pc yumckoncm gva:to odokkc Bvm luto, “Rabbi, ngolu kindag jc no Ru:ncpvnckolokkc gvnc Luyirncko; kapila:nc sc:kosin sc nok kanggod kvdv:scm ila:mang, Ru:ncpvnbv Bvk lcdulo du:mvnma:mvlo.”

LU:KKC 7:16

Odo appvngc pcssamkang; odokkc bulu Ru:ncpvncmc aipai cmto, scmpc lula, “Bottcru:nc lungorluncko ngoluk ara:so lenkang!” Odokkc “Ru:ncpvncbv Bvk tani:kvdv:dcm kangkapc gvito!”

AGER KVDVNG 10:38

kapc Najaretdok Jisumc vrtoji Angunnc Yalodokki odokkc ilang-gvlangkokki; kapc gvgongkaji ainc ager gergo:la odokkc csa:molangkula uipa:nam appv:dcm, kapila:nc Ru:ncpvncbv bvk lcdulo dunggai.

JO:N 7:52

Bulu luto, “No:sinnci Galildokkcn? Makvtopcn odokkc no ka:begycpc oko lungor lunncsin Galildokkc lenpcnc kamang.”

MARKKC 1:24

Odokkc bv jcsangkang, “Najaretsok Jisuno ngolum okkom inaycn? (Nokkoki ngolu okkom iycn) No ngolum mopitkapci gvdu:n, ngo kindag no sc:konc, Ru:ncpvnckc Angunnc Akodc.”

LU:KKC 24:18

Odokkc buluk akonc, Klepas cmnamkonc, Bvm lubito, “Jerusalemso:pc kangkapc gva:nc nowwoi silomclo oko okko idu:ji cdcm kinma:ncdc?”