LU:KKC 23:2 - ANU LUGOD N. T. (BSI)

² Odokkc Bvm bulu imur murncko cmna lurrobbomkang, scmpc lula: lula, “Ngolu sc tani:scm ngoluk amongkc ope:scm aima:pc ibodopc pa:to, odokkc Kaesarmc murkong bima:dopc lulvgdag ngolum, odokkc ludag Bv avdci Kristo migombv.”

LU:KKC 23:2 ပူးပေါင်းရင်းမြစ်များ

JO:N 19:12

Odokokki Pilatbv Bvm mclennvgkupc cmna mato, cmpige:la Jiwukvdv:dc jc:robbomkang. “No sc tani:scm mclennvgkumvlo, no Kaesarkc aipc mc:nc ajoncimang; sc:ko avyc migompc mc:suycnc Kaesarkc agom lukampc tadma:pc incpc idag.”

LU:KKC 23:14

odokkc bulum lubito, “Nolu sc tani:scm ngokkolo:pc sc:ko tani:kvdv:dcm aima:pc imurko ila gvbonckoncmpc gva:botak; odokkc noluk kangkolo luka:la kangge:la, ka:tok noluk lugc:lvgnam atv imurkosin Bvkkolo pa:tomang;

AGER KVDVNG 24:5

Kapila:nc ngolu sc tani:scm ya:bc-bclc:la yanga:nc kinamcmpc pa:to, Jiwu appv:lo imoncko mo:pvsok appv:lo, odokkc Najarene kcra:dok gvgcpo:ncdc.

JO:N 18:30

Bulu bvm lubito, “Sc tani:sc aima:nc ager germa:nckka:mvlo, ngo Bvm togclvgma:ya:pc.”

MARKKC 12:17

Jisubv bulum luto, Kaesarmc bipcnam attarkvdv:dcm Kaesarmc bitok, odokkc Ru:ncpvnckc attarkvdv:dcm Ru:ncpvncmc bitoka.” Odo bulu mc:la mcngapla:tomang cdcm.

METIU 22:21

Bulu luto, “Kaesarkc.” Odo Bv bulum lubito, “Cmpcmvlo Kaesarkc bipcnam attarkvdv:dcm Kaesarmc bitok, odokkc Ru:ncpvnckc bipcnam attarkvdv:dcm Ru:ncpvncmc bitok.”

AGER KVDVNG 24:13

Bulukkolok akosinci nokkolo:pc su:pak ngok agomcm lukanna lubila:mang.

LU:KKC 23:5

Cmpige:la bulu airu:pc scmpc lula lomkang, “Bv tani:kvdv:dcm luwurlvgdag, Judiang appv:do luyirgo:la, Galildokkc so amo:so:pci.”

METIU 17:27

Ckvdaggom, bulum imursuma:dopc siycngpc gvkang odokkc boroki:ko ku:ta:ka, odokkc ku:sangarpo:nam ongodcm sogaplang, odokkc odok nappa:dcm kingkamvlo no adoli: apirko pa:ycpc; cdcm la:lang odokkc bulum ngok lcga:pc odokkc nok lcga:pc bilang.”

METIU 27:11

Odokkc Jisubv amo:ru:tumdok kcra:lo dagto; odokkc amo:ru:tumdc Bvm tawuto, “No Jiwudi: kvdv:dok Migomdci?” Jisubv luto, “No:na cdcmpc ludagnc.”

MARKKC 15:2

Odokkc Pilatbv bvm tawuto, “No Jiwukvdv:dok migomdci?” Odo Bv bvm lubito, “No:na cdcmpc ludu:nc.”

JO:N 18:29

Cmpige:la Pilatbv bulukkolo:pc gvlento odokkc luto, “Oko lugcngcm nolu sc tani:scm lujcmna luge:la gva:botang?”

ROMANKVDVNG 13:7

Buluk appv:dcm buluk dorpcnam kvdv:dcm dorla, kajonangcm sc:kobulum kajonangcm dorpcnammcji, migomcm dorpcnam murkongcm sc:kobulum migom dorpcnam murkongcm dorpcnammcji, mcnggcnammcm sc:kom mcnggcpcnamcji, itosa:toka sc:kom ipcsa:pcnammcji.