LU:KKC 22:2 - ANU LUGOD N. T. (BSI)

² odokkc dormo ager gernc kvdv:dok bottarya:nc kvdv:dc:lang agom adgabnc kvdv:dc Bvm kapc mokepcikc cmna mago:to; kapila:nc bulu tani:kvdv:dcm pcsodagai.

LU:KKC 22:2 ပူးပေါင်းရင်းမြစ်များ

JO:N 11:57

Bv:jc dopundojar dokoso:pc gvma:ycnc? Cdcmpidodcm dormo ager gernckvdv:dok bottarya:ncdc odokkc Parisi:kvdv:dc lulvgkko luto jc sc:koiyc Bv okolo du:ji ka:begycmvlo, bv bulum kinmopa:yc, odojen bulu Bvm ycnggabla:ycpc.

LU:KKC 20:19

Abvg adgabnc kvdv:dc:lang dormo ager gernckvdv:dok bottarya:nckvdv:dc odo ayirardo bvm alagki sogappc cmna mcngkvto, cmpige:la bulu tanikvdv:dcm pcsokang; kapila:nc buluk agom lukampc luma:pc cdc kvkanbila kvnam do:yv:dcm kvto cmna bulu tadkinsuto.

METIU 12:14

Cmpige:la Parisi:kvdv:dc gvlentoku odokkc Bvm kapc mokepcikc cmna, bulu kcvgpc ru:suto.

AGER KVDVNG 4:27

“Kapila:nc aropakpc sc nogorso nok ager gerya:nc Jisukc agom birudi:pc yadkumsukang, sc:kom no vrtungaji, Herodmclang Pontiudok Pilatmc anyipakdc, Ru:ncmc kinma:nc kvdv:dokki lckopc odokkc Israeldok tani:kvdv:dcm,

METIU 21:38

Cmpige:la cdc arvg inc kvdv:dc awodcm kangge:la, bulu ayv ayvkvdv:dc lusuto, ‘Sc:ma:lang ro:yampokc ru:tumdc; kai bvm mokelai odokkc bvk pa:pcnamkvdv:dcm la:lai.’

METIU 26:2

“Nolu kindag lo:nyi lcdulo Gvbo:la gvnam donamtv:namdcm pvnga:du:bong, odokkc tani:kc Awodcm kuruslo pvtkedopc mcpaklvgyc.”

MARKKC 14:1

Gvbadla gvnamdok odokkc Komirang ilvgma:pc donam tv:nam longcdok lo:nyiko po:pai cdc. Odokkc dormo ager gergcnc kvdv:dok bottarya:nc kvdv:dc odokkc ainc agom poyirnckvdv:dc Bvm kinmango:pc, odokkc Bvm mokepc cmna mago:la dungai;