37 odokkc tumbopc du:la bv dv:tak nyiyingkolang appikopc idagaboi. Bv kumko okumdokkc gvkumangai, menna dungge:la longgcmna: yummcm kumna.
Odokkc Bvm bulu luto, “Jo:nkc agom tadjvgla gvmvnnc tani:kvdv:dc lckko: lckko:lo menna dungge:la kumdag, odokkc cdcmv:pc Parisi:kvdv:dok agom tadjvgla gvmvnnc tani:kvdv:dc:sin, cmpige:la nokkckvdv:dc tv:dag-dodag.”
Doma:tv:ma:pc dungge:la kumdag lcdudcm odokkc buluk tayc:lo alagcm pigabge:la kumto odokkc bulum mcpaglvgto.
Odokkc cdvlo bulu mondoli: appv:lo buluk lcgangc abv:nc ka:sv:ncm agercm togc:lvgotonc, doma:pc menna kumnamki, bulu Ru:tumkolo tolvgto sc:kom bulu mc:jvgtoji.
okodo:pc ngoluk vyvngkolang anyi ope:kvdv:dc pv:pc cmna mc:la du:dagji, bulu yumc-ro:pc kumna:yam. Odokkc cdc mc:namdok lcgangc ngom Jiwukvdv:dc lugcngko ludag, O Migom!
Sc:kobv aroru:pc tumbonc:ngcji, odokkc atcro:pc lc:paktonc, bvk mc:tincm Ru:ncpvnckolo mc:tintobong odokkc kumna konamno odokkc kumnam kvdv:dcm longc yumcpc itvdag;
Sc:kobv mopvycji, ngo bvm ngok Ru:ncpvnckc kumko okumdok kuntapc moyc; cdvlosin bv odokkc gvlenkuma:yc, odokkc ngo bvkkolo ngok Ru:ncpvnckc amincm adlvgyc, odokkc ngok Ru:ncpvnckc nogordok amindcm, cdc anu Jerusalemdcm okodc ngok Ru:ncpvnckc taycng amongtokkc gvidagji, odokkc ngok avkc amincm.
Cdcmpidag bulu Ru:ncpvnckc migom dungkodo dung, odokkc Bvm longc yumcpc agercm gerdag Bvk kumko okum ara:do; odokkc sc:kobv migom tedkodo tedycji bulum Bvk du:mvnkokki du:rasumoyc.