LU:KKC 18:19 - ANU LUGOD N. T. (BSI)

¹⁹ Odokkc Jisubv bvm luto, “No kapila ngom airu:nc cmna gogdon?

LU:KKC 18:19 ပူးပေါင်းရင်းမြစ်များ

JAKOB 1:17

Appvng ainc aman binamkvdv:dc odokkc appvng aiyo:pc ainc bipaknam amanc tayc:tokkc, pva:lok Abukotokkc gvido sckkolo mcngumcnge:yc kamang cdcmanggom langkonsunam, lcgangc.

HIBRIUKVDVNG 7:26

Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

LU:KKC 11:13

Nolu cdcmpcmvlo, sc:kobulu aima:nc, noluk ommangkvdv:dcm kapc ainc amancm bipcnammcji kindo, cdcm cddvko bojcya: pc taycng among Abubv Angunnc Yalodcm sc:ko koycnc bvm biycnc!”

LU:KKC 1:35

Odokkc taycng lutad luncdc bvm luto, “Angunnc Yalodc nom pa:yc, odokkc Tayc:rungyankotok owudya:nardok ilang-gvlang ugyumdc nom vgtidyc. “Cdcmpidag cdc opcnam ko:dcm angunnc cmna luyc, “Ru:ncpvnckc Awodc cmna.

LU:KKC 18:18

Odokkc ya:me:opc migom donckonc Bvm tawuto, “Airu:nc Luyirna, turyarla turnamdcm pa:pc ngo o:ko ipcnammcn?”

LU:KKC 18:20

Sc:kosin Ru:ncpvnckc atcrma:mvlo aincmang. No lujvgluro kvdv:dcmbulum kindag: ‘aminc:ng la:biyoka, tani:ycm mokeyok, dopso:yoka, lume:pc amikc agomcm kcba:lo lukanbiyoka, nok ba:bomna: owycm mcnggclangka.’ ”