LU:KKC 16:2 - ANU LUGOD N. T. (BSI)

² Odo bv bvm goga:to odokkc bvm luto, ‘Sc okkon nok agomcmjc ngo tadbegdu:nc? Nok kvnam adgabnamlok kanggabya:ncdcm so:pc bi, kapila:nc no kanggapya:ncpc itvla:ma:bong,’

LU:KKC 16:2 ပူးပေါင်းရင်းမြစ်များ

LUNGOR LUNAM 20:12

Odokkc ngo adji:nclang bottcncm, sinckvdv:dcm ka:begto, migom tedko kcra:do, odokkc potinkvdv:dcm tamge:dopc. Potin borkonkoda tamge:to, okodc turnckvdv:dok potindc:ji. Odokkc cdc sinckvdv:dcm kcbangcm ba:to okodcm potindo attagji, okodcm bulu gerkaji.

1 PITOR 4:10

Kapc appvng aman ako ako pa:tonc, cdcm akonkc lcgangc akonc agercm gernatoka, angu angu aya:lokkcm Ru:ncpvnckc ainc attar kanggabya:ncmpc:

1 PITOR 4:5

cmpige:la bulu Bvm isabcm bipa:ycku sc:kobv cdc turnckvdv:dcmnang sinckvdv:dcm kcbangcm bangkupc cmna mosv:sudagji.

1 TIMOTI: 5:24

Tani: akelok pa:pkvdv:dc ka:begdannamc, kcba:-ba:namlo:pc lukandag, cmpige:la akelok pa:bc lcdupc lendag.

1 TIMOTI: 4:14

Nok aman du:ncdcm mc:ya-mc:sayoka, okodcm cdvlo nom lungor lunamkokki bitungaji cdvlo abv:nc kvdv:dok kcba:dc buluk alakkvdv:dcm nokkolo pigapkaji.

2 KORINTIANGKVDVNG 5:10

Kapila:nc ngolu Kristokc kcbang bangko tedkodo appvngc aincmnang aimangcm pa:ycpc, bv okkom amvrki ikaji cdcmpc.

1 KORINTIANG KVDVNG 4:5

Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

1 KORINTIANG KVDVNG 4:2

Odokkcsinda kanggab-daggab-ya:ncdc cdcsin du:pa:yc jc bulu mc:dapsirsirpa:yc.

1 KORINTIANG KVDVNG 1:11

Kapila:nc cdcm ngom Kloedok tani:kvdv:dokki lubitag jc noluk ara:lo pamvnsunamc dung, ngok bvrokvdvnga.

ROMANKVDVNG 14:12

Cdcmpidag ngolukkolok appvngc av avkc inamgvnamlok kvnamcm Ru:ncpvncmc kvbipa:ycku.

LU:KKC 12:42

Odo Ru:tumbv luto, “sc:kobvn cmpcmvlo mc:jvgncla: mc:jvg kinncdc, sc:kom bvk ru:tumdc Bvk okumdok appv:dok ka:bomdagbomncpc togc:lvgycnc, bulum dodvlo donamcm bidopc?

LU:KKC 12:20

Cmpige:la Ru:ncpvncbv bvm luto, ‘C:i monbanga! Siyumkc yumcscm nok yalodcm bompakycku; odokkc nok mosv:nam attarkvdv:dc, sckkcpc cdcbulu iycn?’

METIU 12:36

“Ngo nolum lubidung tani:kvdv:dc ka:ma:tadma:pc lunam appvng gompirkvdv:dokkcm bottcru:nc kcba:ba:do longcdo kvnamcm kvkanbipa:ycku.

METIU 20:8

“Odokkc yumc ayir a:namc, angur arvgdok ru:tumdc bvk ka:ya:moya:ncdcm luto, ‘Ager gerya:nckvdv:dcm goga:tok odokkc buluk gerrc murkong kvdv:dcm bitok, lcddarkodokkc biya:bomna gerangarpo:ncdo:pc.’

LU:KKC 16:1

Bv odokkcsin agom tadjvgla gvmvnnc tani:kvdv:dcm luto, “mircmnc ami ako dungai, sckkc okum kanggapya:nc dunggaji, odokkc cd tani:dc attarcm mose moyedung cmna bvkkolo:pc lungcngcm lua:bito.

LU:KKC 16:3

Odo cdc kanggapya:ncdc avdc lusuto, ‘Ngo okkom iyya:kun ngok ru:tumdc ngok kvnam adgabya:nam agerdcm ngokkolokkcm la:pakkumvlo? Ngo among tagpcgom pv:namkopc tagla:mang, odokkc ngo kogopcgom anyi:dag.