LU:KKC 16:15 - ANU LUGOD N. T. (BSI)

¹⁵ Cmpige:la Bv bulum luto, “Nolu cdc tani: kangkolo ainc cmna lusunckvdv:dc, cmpige:la Ru:ncbv noluk asinkvdv:dcm kinabdag; kapila:nc tani: kcra:lo okodcm bottapakpc lusuycnc Ru:ncpvnckc kangkolo cdc kvnggv:pc tayumpcnamc.

LU:KKC 16:15 ပူးပေါင်းရင်းမြစ်များ

METIU 23:5

Buluk ager appv:dcm amme ka:ycpc cmnangong gerdag; kapila:nc bulu tabijkvdv:dcm bottapc gcdag odokkc buluk gasorkvdv:dcm tu:bcm araipc mcdag,

METIU 6:16

“Odokkc cdvlo nolu menna doma:pc du:donc, nappangcm napvnarc:ma:pc kangkosuyoka, agom lc:sula lunckvdv:dcmpc, kapila:nc bulu dumsi migmom ka:nyi:modag buluk menna du:namdcm tani:kvdv:dc ka:begycpc cmna. Aropakpc, ngo nolum lubidung, buluk amancm bulu pa:toibong.

METIU 6:2

“Cdcmpidag nolu cdclo ammem atvko cmpc biycnc, noluk kcra:lo oko dumdumcmsin mango:yoka, agom lc:sila lunckvdv:dc kumko okumno odokkc nogorlok lambc lambclo, tani:kvdvngc bulum luyitycpc cmna kumgo:dag. Aropakpc, ngo nolum lubidung, bulu buluk amancm pa:toibong.

METIU 6:5

“Odokkc cdvlo nolu kumdonc, nolu agom lc:sila lunckvdv:dcmpc iyorungka; kapila:nc bulu kumko okum okumno odokkc nogorlok lambckvdv:dok r:uyi ru:yilo dagsa:la kumnamcm kumnv:dag, bulum tani:kvdv:dc ka:ycpc cmna. Aropakpc, ngo nolum ludung, buluk amancm bulu pa:toibong.

LU:KKC 10:29

Cmpige:la bv, avdc avdcm aidag cmna lusupc cmna, Jisumc luto, “Odokkc ngok kumrvko:rvkvdv:dc sc:kon?”

LU:KKC 11:39

Odokkc Ru:tumbv bvm luto, “Su:pak c:i Parisi:kvdvnga nolu bati:loklang arcmlok ru:yidcm vrpu:do, cmpige:la ara:bo nolu luyir lukanclang aima:nc asinangc.

LU:KKC 18:11

Parisi:dc dagrobge:la avdc scmpc kumsuto, ‘Ru:ncpvnna, ngo nom aipai cmdung jc ngo amitani:ycmpc imang, yadla attar lango:binckvdv:dcmpc, kaboma:pc kcba:ba:nc, aminc:ng langgo:nc, odokkc sc migom murkong urkumsunc scmpcsinci imang.

LU:KKC 18:14

Ngo lubidung, sc amisc aidag cmna lunampc ila akondcmyam aiya:la gvkangku; kapila:nc sc:kobvi avyc bottapc lubonsuycnc bvm adji:moyc, cmpige:la sc:kobvi adji:ycnc bvm bottcmoyc.”

LU:KKC 18:21

Odokkc bv luto “cdc appv:dcm ngo ya:me:dokkcbong lukamdcmpci ila dung.”

LU:KKC 18:9

Bv sc kvkanbinam do:yv:scmsin kvbito sc:kobulu akedc avc avycm dormokannc cmna mc:sudagai odokkc ammem yodpakdungai:

LU:KKC 20:20

Cmpila bulu Bvm kanggabbomto odokkc kinmango:pc gagnc tani:kvdv:dcm mclvgto, sc:kobulu aiyo:nc tani:ycmpc lcngkantoji, jc Bv okodcmci luycji bulu tadgabdag cmna mc:ycpc cmna, odomvloyam Bvm amo:ru:tumdok ka:bomkolo:pc tolvgla:dopc cmna.

LU:KKC 20:47

Sc:kobulu tumbonc:ngkvdv:dok okumkv-dv:do dopak-tv:pak bidagji odokkc araipc kumnamcm kumdagji. Bulu bottarya:nc mokemomarcm pa:ycku.”

JO:N 2:25

kapila:na Bv tani: appv:dcm kinapdagai odokkc tani: lcgangc sc lukanbinam kvdv:scm mapcnam kamangai; kapila:nc Bv avdc tani:lo okko du:ji kindagai.

JO:N 21:17

Bv lckoda lcumnapc tawuto, “Simona, Jo:nkc aowa, no ngom aipc mc:dagyc?” Pitorbv mc:nyv:la mcngkang lcga:dc bvm “No ngom aipc mc:dang?” cmna lcwumkopc tawula:yam. Odokkc bv Bvm luto, “Ru:tuma, no appvngcm kindag; no kindag jc ngo nom aipc mc:dag.” Jisubv bvm luto, “Ngok bera sobenkvdv:dcm kanggabla dogo:molangka.

AGER KVDVNG 1:18

(Cdcmpidodcm tani:dc bvk germur ager gerla pa:nam mo:takko rcto; odokkc mittukdc tu:yi:la kcdledla bv kvdvsukodo odadsula dadporkang odokkc bvk aki:dok rokki: appv:dc budsurra lengkang.

AGER KVDVNG 1:24

Odokkc bulu kumge:la luto, “Ru:tuma, sc:kono tani: appv:lok asincm kinabdagji,

AGER KVDVNG 15:8

Odokkc Ru:ncpvncbv sc:ko asincm kindagji bulum lukancm lubito, ngolum bikamarcmpc Angunnc Yalodcm bulum bige:la;

ROMANKVDVNG 3:20

Kapila:nc oko taniycmsin Bvk kangkolo ainc cmna lujvg lurodok agerkokki luma:yc, lujvg-lurodokki pa:b kinam a:la:yam.

ROMANKVDVNG 8:27

Odokkc sc:kobv tani:kvdv:dok asinkvdv:dcm madagji Yalodok mc:namdcm kindag, kapila:nc mc:jvgla kumnc tani:kvdv:dok lcga:pc Yalodc Ru:ncpvnckc asin mcngkamdcmpc kumbidag.

1 KORINTIANG KVDVNG 4:5

Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

1 PITOR 3:4

cmpige:la cdc lc:sula du:nc asin ara:bok tani:dokki yogpakma:ncdok asin ansvngclang agamnc yalodok avn gcrung gcbangki cdcmpc v:rmotoka, okodc Ru:ncpvnckc kangkolo airu:pc arc kadagji.

1 PITOR 5:5

Cdcmv:pc nolu cdc ame:ya:nkvdv:dc abv:nckvdv:dok lukamcm tadtoka. Nolu avyc avycm attarpc gctoka, kapcnc, nolu appvngc asinc akonc akoncm ansv:la “Ru:ncpvncbv bottapc mc:sunckvdv:dcm motumdag, cmpige:la asinc agamnckvdv:dcm ayangcm bidag.”

LUNGOR LUNAM 2:23

Odokkc mondoli: appvngkvdv:dc kinyc jc ngo Bv sc:kobv mc:namclang asinangcm mago:dagji, odokkc ngo noluk appvngcm ako akko:pc noluk ager gernamdcmpc pa:pcnamdcmpc biyc.