6 Odo bulu cdcm lulatsubila:tomang.
Kapila:nc bulu oko agomcmsin tawupc a:ng pvtamang.
Cmpige:la bv oko kinnampa:namdokki odokkc yalodokki lurasutoji bulu lupvsula:tomang.
Kaila:nc ngo nolum nappangkala kinnamko biyc, okodcm noluk agom tadma:pc lunc akosin lurasula:ma:yc cdcmanggom lukepla:ma:ycji.
Odokkc bulu tani:kvdv:dok kangkolo Bvk okkom lutoji odok lcga:pc sogap la:tomang; ckvdaggom Bv agom lutadnamdcm tadngaksula bulu aso:pc dungkang.
Bv cdcm lunamci, Bvk agom lukampc tadma:nc appv:dcm anyingamsumoto; odokkc tani:appv:dc Bvk bottapaknc mcngapla:ma:nam ager gernamkvdv:dokki airu:pc mc:pamkang.
Odokkc Bvm sc:kosin agom apirkosin lulatsula:tomang, cdcmanggom odo longcdokkc Bvm atv taunam agom apirkosin taupc asinc pvta tomang.
