30 ‘Sc amisc mosa:to, odokkc mopvntomang.’
Odokkc ngolu mc:dag noluk appvngc c:mo:pinc kvnggv:pc mc:namcm pv:namkopc mc:tindokkc du:tcrdo:pc du:ma:sisscm lcngkanka:langka cmna,
No avycm avyc ka:sutoka, jc no okodok lcgangc agercm gertonc cdcm yogmoma:ycpc, cmpige:la pv:namkopc amancm pa:ycpc.
cdcmpidag ngok dormo kancdc mc:jvgkokki turyc, odokkc jodi bv lamkupc ngedtedyc, ngok yalosc bvkkolo mc:poma:yc.”
odokkc pcdo:dc owangkang, pu:mi: asidc tclubbomkang, odokkc csardc sara:la cdc okumdcm nvnga:to, odokkc cdc dvrpenkang; odokkc cdc mosv:langkuma:dopc dvrmvg dvrsvgkang.”
Cdcma:mvlo, cdvlo mosa:namdcm mogabycji, odokkc mopvnma:mvlo, cdcm ka:nc appv:dc bvm moki:moatrobbomyc, scmpc lula,
“Cdcmpcmanggom oko migomdc, mimag mokolo akon migomdcm momvnsukapc gvpc, tedtungge:la bvk lv:ying vyvng mimagmonckvdv:dokki lv:ying vyvng anyidc moa:dodcm mopvsula:ycnci mopvsula:ma:ycnci mc:mi:la ka:ma:nc du:n?
