LU:KKC 12:22 - ANU LUGOD N. T. (BSI)

²² Odokkc Bvk agom tadjvgla gvmvnnc kvdv:dcm luto, “Cdcmpidag ngo nolum lubidung, noluk turra du:namkvdv:dok lcgangc mcngkesula siyoka, nolu okkom doyya:ncm, cdcmaggom noluk amvrkvdv:dok lcgangc okkom gcycncm cmna.

LU:KKC 12:22 ပူးပေါင်းရင်းမြစ်များ

LU:KKC 12:11

Odokkc cdvlo bulu nolum kumko okumkvdv:do:pc odokkc migom donc kvdv:do:pc odokkc ilang gvla:nckvdv:do:pc nolum gva:boycnc, okkomna lubipcnamcnc cdcm mc:dvryoka cdcmpcmanggom nolu okkom lupcnammcji;

LU:KKC 12:23

Kapila:nc turra du:namdc donamcmyam bottcya:nc, odokkc amvrdc gcnam bomnamcmyam bottcya:nc.

LU:KKC 12:29

“Odokkc okkom nolu doiya:ncm odokkc okkom tv:yan cmna mayoka, cdcmanggom asinc mc:dvr-mc:so:yoka.

1 KORINTIANG KVDVNG 7:32

Ngo nolum mc:dvr mc:so:lokkc mc:satsutoka cmna mc:dag. Midangcm moma:nc tani:dc Ru:tumkc ager lcgangc mcngkesula gerdag, Ru:tummc kapc mc:lvgsumopcikc cmna;

PILIPIANG KVDVNG 4:6

Ru:tumbv pvnga:du:bong. Atv lcgangc mcngkesula siyoka, cmpige:la appvng lcgangc kumnamkokki aipai bila: bila: noluk turcnamdcm Ru:ncpvnckolopc lutoka.

HIBRIUKVDVNG 13:5

Noluk turnamdo murkongcm aipc mc:bola mc:yoka, odokkc nolukkc okko du:ji cdcmong mc:tv:sula du:langka; kapcnc Bv luto, “Ngo cdvlosin bila:ma:pc ima:yc cdcmanggom nolum mcma:yc.”