LU:KKC 12:15 - ANU LUGOD N. T. (BSI)

¹⁵ Odokkc Bv bvm luto, “Ansutoka, odokkc ka:bomc:bonam appv:lokkcm avyc ansula du:langka; kapila:nc tani:akolok turnamdc bvk bojcrungko attar kanamsv:nam-dokkimang.”

LU:KKC 12:15 ပူးပေါင်းရင်းမြစ်များ

MARKKC 7:22

amilo gvma:-la:ma:dapc imvn-gvmvnsunamc, dopso:nammc, mokenammc, amikc nc:ngcm la:binammc, yadnamc, ka:bomc:bogo:la gvnamc pa:lv:nammc, aima:n agerc, ncsunammc, lume:pc aimang cmna lugo:nammc, bottapc lusunamc, monba:-ba:namc.

LU:KKC 12:16

Odokkc Bv bulum kvkanla kvbinam do:yvngko kvbito, scmpc lula, “Mircmnc tani:akolok amo:lo airu:pc arvgc aikangai;

LU:KKC 16:14

Parisi:kvdv:dc sc:kobulu murko: mc:bodagaji, cdc appv:dcm tatto, odokkc bulu Bvm luka:la luto.

LU:KKC 21:34

“Cmpige:la nolu avyc avkc lcgangc ansutoka ckvma:mvlo noluk asinkvdv:dc dose-doyela:lang tvngvr:dowursunam mcngkolo mc:dutsuyc odokkc sc turnamkvdv:sok agomcm mc:yoka, odokkc cdc longcdc nolum vgcmpc ketelebcmpc scbgabyc;

LU:KKC 8:14

Odokkc ta:ng alcgolok dcnga:nc kvdv:dc kapc ika:nc, buluk lambclo gvtvla du:la turra du:dosok mitcmircmcm odokkc mc:pomcngancm mcnggo:la mc:motsula du:dag, odokkc buluk a:yckvdv:dc jv:mang.

1 KORINTIANG KVDVNG 6:10

cdcmanggom dopsongkvdv:dcm, cdcmanggom dorvkvdv:dcm, cdcmanggom rotkudnc kvdv:dc Ru:ncpvnckc migom doko mo:pvdok du:sonsukuncpc ima:yc. Odokkc noluk akke cdcmpinnckkai.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

2 TIMOTI 3:2

Kapcnc tani:kvdv:dc avycm aipc mc:ncpc iyc, murkongcm aipc mc:ncpc, lubonsunnc, ngowong cmna mc:sunc, keker-jengerla lunnc, buluk ancabukvdv:dok lunam tadma:nc,

HIBRIUKVDVNG 13:5

Noluk turnamdo murkongcm aipc mc:bola mc:yoka, odokkc nolukkc okko du:ji cdcmong mc:tv:sula du:langka; kapcnc Bv luto, “Ngo cdvlosin bila:ma:pc ima:yc cdcmanggom nolum mcma:yc.”

2 PITOR 2:14

Buluk amikkvdv:dc ami miycng la:binammongcm kanggodanna du:nc, pa:p ipc cdvlosin pv:ma:dopc. Bulu aso:pc du:jo:ma:nc yalokvdv:dcm yadgo:dag. Bulukkc dorvdonyodopc mcngkainam asinc dung.

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.