LU:KKC 11:41 - ANU LUGOD N. T. (BSI)

⁴¹ Cmpige:la ara:bok atvkvdv:dok lcgangc kogo:ncm binamcm bido; odokkc ka:toka appvng atvdci noluk lcgangc narc:dag.

LU:KKC 11:41 ပူးပေါင်းရင်းမြစ်များ

LU:KKC 12:33

Noluk attar du:nc appvngcm kopagamtok, odokkc kogo:ncm binamkvdv:dcm bitoka, akuma:nc sogcncm nolu avkcm avyc mosv:sutoka, taycngamo:tok jidma:nc murkong lcngkumnancko, okolo oko dopsongcsin gva:ma:ji odokkc tabvncsin pvdmvgma:ji.

JAKOB 1:27

Ru:ncpvnckc odokkc Abudok kcra:lo narc:nc odokkc imur siyarma:nc dormodc sc: anc abu kama:nckvdv:dcm buluk du:g gvddom kangkapc gvnamc odokkc tumbonc:ng kvdv:dcm buluk du:ggvddom, odokkc rcngamsokkc akonc narc:pc:sc:pc du:sunamdc.

TITUS 1:15

Angunncdokkcpc appvngci angundag, cmpige:la aima:ncdokkcpc odokkc mc:jvgma:ncdokkcpc okodc:sinci angunmang, buluk asinrungkvdv:dci odokkc mcngcsagcmc:namkvdv:dci mcngkcrcp-mc:mcrcpdag.

HIBRIUKVDVNG 13:16

Ainc agercm gerpc mc:yamc:sayok odokkc nolukkc okko du:ji cdcm bisupc, kapcnc cdcmpinc palvgnam kvdv:dc Ru:ncpvncmc mc:lvgsumodag.

AGER KVDVNG 10:15

Odo cdc gomugdc lckoda bvkkolo:pc pvngangkang, “Ru:ncpvncbv okodcm narc:motoji, cdcm no cmmumc cmna lupa:ru:ma:yc.”

LU:KKC 16:9

“Ngo nolum lubidung, nolu dormokama:pc pa:nam murkongki ajon jondag, odomvlo cdvlo cdc gvngapycmvlo cdcbulu nolum cdvlosin yogma:nc dungkodo torvgsuycku.

HIBRIUKVDVNG 6:10

Kapcnc Ru:ncpvncbv cdcmpinc aro kama:ncmang noluk agercmnang aipc mc:namdc okodcm nolu Bvk lcga:pc aipc kumnc tani:kvdv:dcm lcngkantoji, kapc nolu su:paksin idoji.

2 KORINTIANGKVDVNG 8:12

Kapila:nc jodi mosv:sunamdc du:yc, cdcm torvgsula:nampc ido tani:akolokkc okko duji cdcmpc okko bvkkc kama:ji cdcmpcmang.

LU:KKC 19:8

Odokkc Jakkaeu:bv dagrobge:la Ru:tummc luto, “ka:tok, Ru:tuma, ngok attarkvdv:dok orpongko opankvdv:dcm biyc; odokkc sc:kaiycm yadgo-mogo:la atvko langkamvlo, ngo odokyam lcppi:ko bojcya:pc bilatycku.”

LU:KKC 18:22

Odokkc cdvlo Jisubv cdcm tattoji, Bv bvm luto, “Ager abangko su:paggom no pv:ramdu:da, nokkc oko okko du:nc appv:dcm kopaktok odokkc opankvdv:dcm ortok, odokkc taycng amo:to nokkc murkongc du:yc; odokkc gvtok, ngok lcdu lcdulo.”

METIU 5:42

Sc:ko nolukkolok kowa:ycnc bvm bilang, odokkc nokkolok nara:nc tani:ycm bima:pc mclvyokuka.

IPESIANG KVDVNG 4:28

Dopso:dcm dopso:moyobongka, cmpige:la cdcmyam bvm agercm germotoka, bvk alakdokki ainc agerko imola, odomvlo jen bv cdc sc:kobulu modagji bisula:ycpc.

AGER KVDVNG 11:29

Odokkc agom tadjvgla gvmvnnckvdv:dc, appvngc av avkc ilang gvla:nammcmpc, Judia:dok du:nc bvrrang kvdv:do:pc dogangcm bisupc cmna ru:sula mclvgto;

METIU 26:11

Kapila:nc bv ngom kangkannc atvko ngom ibito. Kapila:nc nolu lo:dvscm opan-ki:pankvdv:dcm pa:tvyc, cmpige:la nolu lo:dvscm ngom pa:tvma:yc.

AGER KVDVNG 24:17

“Su:pak cdcmpinamc ngo dvtag tagnyi tagum lcdupc ngok opvnsok lcgangc da:n ckkclang tolvgla binamckkc bomtungku.

MARKKC 7:19

cdc asin ara:bo:pc a:ma:la:yam cmpige:la bvk aki: ara:pcmvn, odokkc gvbadla gvdagnc?” (Cdcmpc bv appvng donam tv:namcm narc:dag cmna lukanbito.)