KOLOSIANG 3:8 - ANU LUGOD N. T. (BSI)

⁸ Cmpige:la su:pak cdc appv:dcm yoppagamtoka: aglvng sa:namc, dungko-ycko kama:pc aglv:nammc, mc:nyi:mvnsunammc, lume:pc ammem lugc gcnam, odokkc ya:nc agom noluk nappangkvdv:dokki lunamc.

KOLOSIANG 3:8 ပူးပေါင်းရင်းမြစ်များ

IPESIANG KVDVNG 4:29

Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc.

IPESIANG KVDVNG 4:22

Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki.

IPESIANG KVDVNG 5:4

Ya:nc agomc du:mangka:langka, cdcmanggom lutum-lulumna lunam agomcm, cdcmanggom mcngcsagcma:pc lunamc, okodc:bulu aima:ji; cmpige:la cdcmyam aipai binamc dungka:langka.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

IPESIANG KVDVNG 4:26

Aglvngc sa:langka cmpige:la pa:bcm ima:pcka; do:nyidc owa:ma:dapc nok aglvgcm sangasumolangka.

HIBRIUKVDVNG 12:1

Cdcmpidag, ngolum cddvnc bottcnc mukkangcmpinc lukanbinnc du:ribomnam kvdv:dc du:namc, kajc ngolu mcma:ru:pc ngoluk kcra:pc dugpcnamdcm dugnamdcm dugtvla du:lai, ngoluk dugpo:ncdcmlang mc:jvgdcm mc:pvtbonc,

KOLOSIANG 3:9

Akonc akoncm lume:ycm luka:mvnsuyok, nolujc aku scu-sobabdcm gctobong.

1 PITOR 2:1

Cdcmpidag appvng ka:ru-ka:mangnammcm mc:pagamtoka odokkc yadgo:pagongcm odokkc mc:jubmcngkabma:nc asincm odokkc Ka:ruka:mangcm odokkc appvng lume:pc lujcmnam lunamcm.

2 KORINTIANGKVDVNG 12:20

Kapila:nc ngo pcsopc mc:dag jc kapcji ila ngo okodcm mc:ma:ji cdcm nolum pa:ycpc, odokkc nolujen ngomjen pa:ycpc nolu okodcm mc:ma:ji; jc kapcji ila pamvnsunamc lenycpc, ka:lv:ma:namc, aglvngc avyongkcpc mc:namc, lume:pc aima:p lunamc, luman manna lunam agomc, ngo:na cmna lusunammc; odokkc u:jeru:yerra du:namc.

1 KORINTIANG KVDVNG 3:3

Kapila:nc nolu su:paksin adinamvrdokkc. Kapila:nc cdvloi ncka:mvnsunammclang pamvnsunamc nolukkolo du:ji nolu adin amvrdokkcma:lang, odokkc cmmum tani:ycmpc ima:sa:ma:lang?

METIU 5:22

Cmpige:la ngo nolum lubidung jc sc:kobvi avkc bvrodcm aglvng sa:ycnc bvmsin tadjvgtarrom kcba:lo tapcnampc ido; sc:kobvi avkc bvrodcm aisi:ma:nc cmna luycnc bvm bottaru:nc kcba:lo tadjvgtarrom tadpcnampc iyc.

GALATIANG KVDVNG 5:15

Cmpige:la nolu akonc akoncm rckka:mvnsuyc odokkc metka:mvnsuyc ansulanka jc nolu akonc akonkokki mokemvnsumangka.

ROMANKVDVNG 13:13

Kajc ngolu avyc pva:lokkcmpc ilang-gvlai, apo: tv:ladola: tvngvrsunc ajon jongo:ma:pc, amikc mimc langgo:la odokkc ka:bomc:bogo:ma:pc, pamvnsugo:ma:pc odokkc ncka:mvnsuma:pc.

JU:D 1:8

Ckvdaggom cdc ikamgvkamv:pc cdc tani:kvdv:dc buluk ma:nying mangkolo adin amvrdcm narc:ma:pc imodag, lulvglunc migom amidcm tadka:ma:pc lugc gcdag, odokkc aipc amin gvnckvdv:dcm aima:pc lugcdag.

2 PITOR 2:18

Kapcnc cmmum aima:nc agomcm botta bottapc lubonsula lula, bulu tani:lok adinamvr ka:bomc:bonamki yadgo:pago:la sc:kobulu kapci kapciyc: dugpvtsutonc sc:kobulu imursiyarlo turra dungaji.

JAKOB 2:7

Cdcbuluma:lang sc:kobulu mcnggcru:pcnam amindcm aima:nc cmna ludagnc okodcm nolum minnvgtagnc?

1 TIMOTI: 1:20

odokbuluk ara:dok Himenaeiubv odokkc Alekjandarbv, sc:kom ngo Satanlo:pc tolvgto jc bulu nindaima:ycpc.

1 TIMOTI: 1:13

ngo po:pcbong Bvm nindaikagom odokkc ipusire:ka odokkc luka:la luka; cmpige:la su:pak ayangcm pa:tobong kapila:nc ngo kinma:pa:ma:ru:pc mc:jvgma:pc gerto, odokkc ngoluk Ru:tumkc

GALATIANG KVDVNG 5:26

Kajc ngolu asinc bottaya:pc mcsuyoka; akoncm akonc aglvng sa:moyoka, akoncm akonc ncka:mvnsuyoka.

GALATIANG KVDVNG 5:20

monam moimangcm kumgo:nammc, morunammc, mirupc imvnsunamc, pamvnsunamc, ka:ruka:ma:nammc, aglvng sa:namc, atcgongkcpc mc:sunammc, lukermvnsunammc, kcra:pc dagrobla lunamc,

MARKKC 7:22

amilo gvma:-la:ma:dapc imvn-gvmvnsunamc, dopso:nammc, mokenammc, amikc nc:ngcm la:binammc, yadnamc, ka:bomc:bogo:la gvnamc pa:lv:nammc, aima:n agerc, ncsunammc, lume:pc aimang cmna lugo:nammc, bottapc lusunamc, monba:-ba:namc.

LUNGOR LUNAM 16:9

tani:kvdv:dcm kvnggv:pc amnamki ugbomdungai, odokkc bulu Ru:ncpvnckc amindcm pelvgto sc:kokc cdc ipusire:dok joar kinamramnamdok tayc:do ilanggvlangc dungai, odokkc bulu asinc mc:dvrra mc:latsutokumang odokkc Bvm amincm gvmotomang.

JU:D 1:13

siycnglok bottcru:nc asi lu:nc, buluk avkc anyingcm pimpudcm tayc:pc lu:sa:monnc; dcnggo:nc takarc odokki lcgangc bclc ui aru:bcm lo:dvlongkvlo:pc mc:danna lc:tagji.

2 PITOR 2:7

kvnggv:ru:pc lume:lula bipodc a:la aima:pc ager gernckvdv:dokki.

IPESIANG KVDVNG 4:25

Cdcmpidag, lume:agomcm mcge:la, kajc appvngc kumrvko:rcm aro-agomcm lulai, kapila:nc ngolu akonc akonlok adinamvrc.