KOLOSIANG 3:5 - ANU LUGOD N. T. (BSI)

⁵ Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

KOLOSIANG 3:5 ပူးပေါင်းရင်းမြစ်များ

ROMANKVDVNG 8:13

adin amvrdok lukampc turpc–kapila:nc nolu jodi adinamvrdokkcmpc turmvlo nolu siyc, cmpige:la Yalodokki adin amvrdok inamgvnam ager gernam kvdv:dcm sikolo mokemvlo nolu turyc.

GALATIANG KVDVNG 5:24

Odokkc cdc sc:kobulu Kristokcpc idagji Jisukcjc adin amvrdcm kurusdo pvtketo odok mc:nam sagnam dc:mang.

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

1 PITOR 2:11

Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.

1 KORINTIANG KVDVNG 6:18

Aisi:ma:nc ager gernamcm mcpaktoka. Tani:akonc inam ake pa:p appv:dcm amvrdok ru:yido idag; cmpige:la aisi:ma:nc ager gernc tani:dc bvk avkc amvrdok birudivpc gerdag.

IPESIANG KVDVNG 4:19

Bulu asin torkcng kcrc:ncpc ikang odokkc bulu avkvdv:dc aima:pc yammnc mago-kanggo:ncpc ikang, appvng narc:ma:nc agercm ilvng-gvlvngmole:dag.

2 KORINTIANGKVDVNG 12:21

Ngo pcsopc mc:dag jc ngo cdvlo lckoda gvycnc ngok Ru:ncpvncbv noluk kcra:lo ngom asincm ansv:moycpc, odokkc ngo cdc bojcrungko sc:kobulu po:pc pa:bcm ikanc odokbuluk lcgangc mc:dvrra kappa:ycpc odokkc narc:ma:nam lcgangc asinc mc:dvrra mc:lattokuma:ji, aisi:ma:nc ager gernam kvdv:dok lcgangc, odokkc nc:ng ka:bogo:namc okodcm bulu idaggvdagji.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

ROMANKVDVNG 7:23

Cmpige:la ngok alc alakkvdv:so ngo ina-gvnanc kvdv:so lujvg luro akonkoda mimag moka:mvnsuncko dung ngok asinbok lujvg lurodokki odokkc ngom pa:bdok lujvglurodo:pc yc:tumna lc:ncko okodc ngok ina-gvnanc kvdv:do du:dodagdoji.

METIU 15:19

Kapila:nc asin ara:bokkc aima:nc mc:nam sagnamc lendag, tani: mokenammc, ami nc:ngcm la:namc amilo gvma:dapc ika:mvnsunammc, dopso:nammc, yadla lubisunamc, aima:pc luka:nam.

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.

JAKOB 4:1

Okko mimagcm molenmodang, odokkc noluk ara:lo okko pamvnsunamcm lenmodang? Cdc noluk asinkvdv:dok mc:ru-mc:mangkokkima:lang cdc mimag mola du:nc noluk adinamvr kvdv:do?

1 KORINTIANG KVDVNG 6:13

“Donamdc aki:dok lcgangc odokkc aki:dc donamdok lcgangc” odokkc Ru:ncpvncbv anyipakdcm akondcmna: akondcm anyipakdcm momvgyc. Amvrdcm aisi:ma:nc ager gernam lcgangcmang, cmpige:la Ru:tumkc lcgangc, odokkc Ru:tumbv amvrdok lcgangc.

ROMANKVDVNG 6:6

Ngolu kindagjc ngoluk aku amvrdcm Bvk lcdulo kurusdo pvtketo odomvlojen pa:b kanc amvrdcm momvgmosvgycpc cmna, odokkc ngo cdvlosin pa:blok pagbopc ima:dopc cmna.

HIBRIUKVDVNG 13:4

Noluk ara:lo yamnc gvnam-la:namc aipc mcnggcsuka:langka, odokkc midang monamdok asubc narc:pc:scng ka:langka; kapcnc Ru:ncpvncbv aima:pc asin gcnckvdv:dcm odokkc ami miycng langgo:nckvdv:dcm kcbangcm ba:ycku.

HIBRIUKVDVNG 12:16

jc sc:kosin aima:n ager gerncpc cdcmanggom Esaukcmpc dormo kama:pc ipcma:namc, sc:kobv bvk ododokkcbong pa:nam onam sottom apin kosak lcgangc kopaksutonc.

1 TISSALONIANG 4:3

Kapila:nc sc Ru:ncpvnckc mcngkamdc, noluk angunna gvnamdc; jc nolu aima:pc, mc:boka:bonamlokkc (nc:ng milbong ka:bomc:bonammc) gc:rlangka;

1 KORINTIANG KVDVNG 5:1

Aropakpc cdcmpc lubidung jc noluk ara:lo aisi:ma:pc imvngvmvnsutung, odokkc cdcmpc inamc ui-inc kvdv:dok ara:lo:sinci ka:begmang; Kapila:nc tani:akonc bvk abudok nc:lok lcdulo du:mvndung.

ROMANKVDVNG 7:5

Ngolu amvrsok mcngkampc turla du:dodcm, ngoluk pa:b ilv:la mc:namkvdv:dc, lujvglurodokki dowusa:la, sinamlokkcpc a:yc e:dopc ngoluk alcalak kvdv:dc ager gerla dungai.

ROMANKVDVNG 1:29

Bulukkc appvng aisi:ma:nc ager gernam ipa:ma:nam ager, ka:bomc:bonam, ncnamc pv:namkopc dungai. Mirupc mc:namongc bi:la, tani:mokenc, pamvnsunamc, yadnamc, cmpcsin ka:lv:mvnsuma:namc, bulu pvsvpasapc agom luka:mvnsunc,

ROMANKVDVNG 1:26

Sok lcga:pc Ru:ncpvncbv bulum mcngc kama:nam ilvng-gvlv:lo:pc tolvgto. Buluk nc:ngkvdv:dc jontcng ajoncm jonma:pc jongo:to,

1 TISSALONIANG 4:5

cdc angutani: kvdv:dok ka:bomc:bonampcmang sc:kobulu Ru:ncpvncmc kinma:ji!

1 KORINTIANG KVDVNG 6:11

Cmpige:la nolum vrpu:to, nolum narc:pc:scmoto, nolum Ru:tum Jisu Kristokc aminno ainc cmna kcbangcm ba:tobong odokkc ngoluk Ru:ncpvnckc Yalodo.

KOLOSIANG 2:11

Bvkkolo nolusin gadpuknammcmsin gadkosuka, adin-amvrdcm la:paksula Kristokc gadpuknamdo;

1 TIMOTI: 6:10

Kapcnc murkongcm aipc mc:bonamdc appvng aima:n agerlok appvrc, cdc cdcmpc mc:bonamdc jc akke bulu mc:jvgkvdv:dokkc gvyotla gvpakka:bong odokkc buluk asinkvdv:dcm bojcrung dvgnamkokki nvgkesungaptobong.

HIBRIUKVDVNG 13:5

Noluk turnamdo murkongcm aipc mc:bola mc:yoka, odokkc nolukkc okko du:ji cdcmong mc:tv:sula du:langka; kapcnc Bv luto, “Ngo cdvlosin bila:ma:pc ima:yc cdcmanggom nolum mcma:yc.”