KOLOSIANG 3:16 - ANU LUGOD N. T. (BSI)

¹⁶ Odokkc aipai bisuncpc itoka. Kristokc agomdc nolukkolo mitcmircmpc dungka:langka, akoncm akonc poyirra odokkc lusv:la, appvng taycngamong kinnamki, odokkc ni:tomcmna: kumnam ni:tomcm odokkc yalosok ni:tomkvdvngc Ru:ncpvnckolo:pc noluk asinkvdv:do aipai bipc bila.

KOLOSIANG 3:16 ပူးပေါင်းရင်းမြစ်များ

METIU 26:30

Odokkc cdvlo bulu Ru:ncpvnckc ni:tom abangko motonc, bulu Olib adi:do:pc gvlento.

LU:KKC 2:51

Odokkc Bv buluk lcdulo gvmvnkangku odokkc Najaretpc gvkangku, odokkc buluk agom lukamdcmpci tattoku; odokkc Bvk ancdc cdc appvng agomdcm bvk asinbo mcnggapla lc:to.

JO:N 15:7

Nolu ngok dungkolo du:mvnmvlo, odokkc ngok gomung kvdv:dc nolukkolo du:mvnmvlo, nolu okkomci madoji kotoka, odo cdcm noluk lcgangc ibiycpc.

ROMANKVDVNG 10:17

Cdcmpinamc mc:jvgdc a:dag okodcm taddagji, odokkc okodcm taddagji Kristomc lutad lubinamdokkc a:dag.

ROMANKVDVNG 15:14

Ngo av avyc noluk agomcm mc:tv:sudag, ngok bvrokvdvnga jc nolu av avkvdv:dc ainammc pv:namkopc dung, appvng kinnam-pa:namc bi:la dung, odokkc akoncm akonc luyirla:dag.

1 KORINTIANG KVDVNG 14:15

Okkom ngo ipcnammcn? Ngo yalodokki kumyc odokkc ngo asindokkisin kumyc; Ngo yalodokki ni:tom moyc odokkc ngo asindokkisin ni:tom moyc.

1 KORINTIANG KVDVNG 14:26

Cmpcmvlo okkon, bvrrangkvdvnga? Cdvlo nolu gvkumsudonc, appvngkc mc:jvg ni:tomko du:do, luyir agom ako, lungor agomko, gomug lunamko, cdcmanggom lukur lule:la lunamko. Appvng agercm aiya:la gvnamlcgangc gerka:langka.

IPESIANG KVDVNG 1:17

jc ngolu Ru:tum Jisu Kristokc Ru:ncpvncbv, amin gvnamlok Abudc nolum taycng Yalo kinnamcm biycpc odokkc Bvk kinnamlok lungor lunamc.

IPESIANG KVDVNG 5:17

Cdcmpidag okkomsin monba:ncmpc iyoka, cmpige:la Ru:tumkc asin mc:namdc okkoji kintoka.

IPESIANG KVDVNG 5:19

cmpige:la Yalodokki bi:ncpc itoka, akoncm akonc kumnam ni:tomki odokkc tadponc lutad ni:tad ni:tomki odokkc yaloki du:nam ni:tomki, mola odokkc tadporu:nc a:bangki Ru:tumkolo:pc noluk asin appv:dokki mola,

IPESIANG KVDVNG 5:26

Jc bv bvm narc: pc:sc:mola:ycpc cmna, bvm agom asidokki vrpu:la:yam.

KOLOSIANG 1:28

Bvm ngolu lutadgo:bido, appvng tani:ycm lutadno:bila odokkc taycng among kinnam appvngki taniycm luyirbila, jen Kristokolo appvng tani:ycm jv:dopc mca:lvgyc.

KOLOSIANG 1:9

Odokkc cdcmpila, ngolu cdcm tadbegdo longcdokkc, ngolu noluk lcgangc kumngasumang, ngolujen Bvk mcngkamdcmpc kinnamki odokkc mcngkinnamkokki Ru:tumkolo arckanc turnamcm turgcboycpc cmna.

KOLOSIANG 4:6

Noluk agom kvdv:dcm lo:dvscm ayangabo kamolangka, aloki yonnampc, odomvlo jen nolu kinycpc nolu appvngcm kapc lutalsupcnammcji.

1 TISSALONIANG 1:8

Kapila:nc nolukkolokkc Ru:tumkc agomdc Makedoniang do:pclang Akaiango:do:pc gvtomang, cmpige:la noluk Ru:ncpvnckolo mc:jvgdc appv:lo:pc gvngapkang, cdcmpcjc ngolu okkomsin lupcnampc itomang.

1 TISSALONIANG 4:18

Cdcmpidag akoncm akonc mc:pomvnsumotoka sc agomkvdv:sokki.

2 TISSALONIANG 3:15

Bvm mirupc ka:yoka, cmpige:la bvm bvrokoncmpc lulomla lutadlangka.

1 TIMOTI: 6:17

Cdc mircmnckvdv:dokkcpc sc mo:pvso, bulum bottcpc lubonsudopc luma:dopc lujcmtoka, cdcmanggom buluk mc:tindcm oddar cmnamma:nc mitcmircmma:lo mc:ma:pc cmpige:la Ru:ncpvnckolo sc:kobv mitcmircmru:pc ngolum appvngkokki du:podagpodopc moru:lvgtagnc.

2 TIMOTI 3:15

sckkolok no cdcm kintoji odokkc kapc kowawdokkc no angunnc adnamkvdv:dcm kintoji okodc:bulu nom moturnam lcgangc luyirla:dagji Kristo Jisukolo mc:jvgla.

TITUS 3:6

okodcm Bv ngoluk tayc:lo mircmpc Jisu Kristo ngoluk Moturncdokki pvrumlvgtojc,

JAKOB 1:5

Nolukkolok sc:koiyc jodi kinjvgla kinnam pv:ramyc, bvm Ru:ncpvnckolok komotoka, sc:kobv appvng tani:ycm aya:la mc:jong kadjo:la odokkc sc:kobv aima:pc ge:ma:pama:pc, odokkc cdcm bvm biycpc.

JAKOB 3:17

Cmpige:la tayc:tokkc gvinc kinnam agomdo lenpo:danna narcngtong cmdag, odokkc mcnganbola:dag, mc:jubmcngkabdag, lugab agom lcgangc tadmvnsudag, mc:yinsunamc bi:danna odokkc ainc apva:ycbulu du:dag. Mc:momc:ya kama:ncpc ila cdcmanggom mc:jupmcngkap kama:ncpc ima:pc.

JAKOB 5:13

Nolukkolok sc:koiyc kidu:ramdu:nci? Bvm kummotoka. Sc:koiyc mc:podu:nci? Bvm R:ncpvnckc aipai ni:tom momotoka.

1 JO:N 2:14

Ngo nolukkolo:pc addung abukvdvnga, lcga:dc nolu kindag sc:kobv dunga: dokkcbong du:ji. Ngo nolukkolo:pc addung, ya:me:kvdvnga, lcga:dc nolu kvnggv:dag, odokkc Ru:ncpvnckc gomugdc nolukkolo du:mvndag, odokkc nolu aima:ncdcm mopvto.

1 JO:N 2:24

Okodcm nolu lendodokkcbong tadtoji du:mvmka:langka. Jodi nolu okodcm dunga:dodokkc tadtonc nolukkolo du:mvntvyc, odo nolu Awodo odokkc Abudo du:mvntvyc.

1 JO:N 2:27

cmpige:la nolu Bvkkolok oko yonnvgnamdcm pa:tonc nolukkolo du:tvmvnyc, odokkc nolukkc manam kama:yc jc nolum sc:kosin poyir pcnam kama:yc; kapc Bvk yonnvgnamdc nolum appvng agomcm poyirdagnc, odokkc cdc arro, odokkc poyirtonc, Bvkkolo du:mvntoka.

2 JO:N 1:2

arodok lcgangki okodc ngolukkolo du:tvmvndagji odokkc ngolukkolo lo:dv longkvpc du:mvnycji.

LUNGOR LUNAM 14:3

odokkc bulu anu ni:tomko modag migom dungkodok kcra:do odokkc turra du:nc simvn dorpi:dok odokkc abv:nc tani:kvdv:dok kcra:do sc:kosin cdc ni:tomdcm mokaisula:tomang cdc lvngko kolang lv:ying yv:pi:-appi:dcma:pc sc:kobulu mo:pvsokkcm rcpvttoji.

LUNGOR LUNAM 15:3

Odokkc Mose:kc ni:tomdcm modag, cdc Ru:ncpvnckc ager gerya:ncdcm, odokkc scmpc Me:r Awodok ni:tomdcm lula:lula: “Bottcru:nc odokkc mc:la mcngapla:ma:namdc nok agerkvdv:dc, O Ru:tum Ru:ncpvnc Appvngcm ilang-gvla:ncdc! Aropc kcbang ba:namc odokkc nok lambc kvdv:dc arodag, O: dv:takloksin dv:tak kvdv:dok Migom!

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.