KOLOSIANG 3:15 - ANU LUGOD N. T. (BSI)

¹⁵ Odokkc Kristokc mcngandc noluk asinkvdv:dcm ka:sv:bommotoka, okodo:pc nolum aropakpc gogtoji amvrakkongkolo:pc.

KOLOSIANG 3:15 ပူးပေါင်းရင်းမြစ်များ

JO:N 14:27

“Mc:po-mcngancm ngo nolum lc:bidung; ngok mc:pom ngo nolum lc:bitung; mo:pvsok bikampc ngo nolum bimang. Noluk asinkvdv:dcm mc:pin-mcngoksuyoka, cdcmpcmanggom pcsomoyoka.

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

1 TISSALONIANG 5:18

Kapila:nc cdcna Ru:ncpvnckc noluk lcgangc Kristo Jisukolo mcngkamc.

ROMANKVDVNG 5:1

Cdcmpila:yam, ngolum mc:jvgkokki ainc cmana lunamkokki, ngolukkc ngoluk Ru:tum Kristokokki Ru:ncpvnckolo mcnganc dung.

KOLOSIANG 3:17

Odokkc oko okodcmci nolu idonc, agomki cdcmanggom agerlo, appvngcm Ru:tum Jisukc aminno ilangka, Ru:ncpvnckc Abudcm Bvkkokki aipai bila.

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

IPESIANG KVDVNG 5:20

lo:dvscm odokkc appvng lcgangc ngoluk Ru:tum Jisu Kristokc aminno Ru:ncpvnc Abumc aipai bila.

2 KORINTIANGKVDVNG 9:11

Nolu airu:pc mircmycpc appvng agerlo bottcru:pc bila:namdokki, okodc ngolukkokki Ru:ncpvnckolo:pc aipai binamcm lenmoycpc;

IPESIANG KVDVNG 4:4

Amvr akkongko odokkc Yalo akkongko, kapc nolum mc:tin akkongkolo:pc gogtagaji cd nolum gognamdokkc,

ROMANKVDVNG 14:17

Kapila:nc Ru:ncpvnckc migom doko mo:pvdc dormo kanamclang mcnganc odokkc Angunnc Yalodo mc:pobadnamc;

1 TIMOTI: 2:1

Appv:lok adangarpo:pc, cdcmpila, ngo lulvgdung jc kumna lunamkvdv:dcm, kumnamcmbulu, amikc lcgangc kumnamcm, odokkc aipai binamcmbulu appvng tani:ycm bilangka,

KOLOSIANG 2:7

appvrc pvra:la odokkc mosa:la odokkc mc:jvgdo mongapto, kapc nolum poyirtoji, aipai binamc pv:se-pv:yelangka.

IPESIANG KVDVNG 5:1

Cdcmpidag Ru:ncpvnckcmpc imvntoka, aipc mc:bomsunam ommangcmpc.

2 KORINTIANGKVDVNG 4:15

Kapila:nc cdc appv:dc noluk lcgangc, odomvlo jen kapc ayangc bojc bojcya:pc gvbarka:nc bojcya:ng tani:yc aipai binamc bojcya:yc, Ru:ncpvnckc aminc gvdopc.

LUNGOR LUNAM 7:12

“Amen! Akirba:dclang amin gvnamc odokkc kinnamc odokkc aipai binamc odokkc ilang gvlangc odokkc tornamc ngoluk Ru:ncpvnckc lo:dv longkvpc lo:dv longkvpc ika:langka! Amen!”

IPESIANG KVDVNG 4:16

Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.

KOLOSIANG 1:12

Abumc aipi bila: bila, sc:kobv ngolum ilang-gvla:ncpc imotoji pva:do dungkupcnc aipc kumnc tani:kvdv:dok lcdulo du:tc:mvndokupc.

HIBRIUKVDVNG 13:15

Cmpcmvlo kajc Ru:ncpvnckolo:pc aipai bila Bvkkokki mcma:pc palvgnamko bila:jc, cdcyam, nabbersok appv-a:ycko Bvk amincm lukansuncko.

1 KORINTIANG KVDVNG 7:15

Cmpige:la mc:jvgma:nc ajondc gvpansupc mc:ycmvlo, cdcm cdcmpc imotoka; cdcmpinc agerdo cdc bvrodcma:m bvrmcdcm yc:tummang. Kapila:nc Ru:ncpvncbv ngolum gogto mc:pomcngan lcgangc.

ROMANKVDVNG 1:21

Cdcmpidag bulum mc:yinsutomang; kapila:nc Ru:ncpvncmc bulu kindagagom bulu Ru:ncpvnckoncmpc Bvm mcnggcpcnamcm mcnggctomang cdcmanggom bv aipai bitomang, cdcmpige:la buluk mcngkolo bulu cmmumpc Bvkkcpc batpakkang, odokkc buluk kinsupa:suma:n asinkvdv:dc kcmokang.

1 KORINTIANG KVDVNG 10:17

Lcga:dc pitangc aborongko, ngolu sc:kobulu amvr atcrongkoji; kapila:nc ngolu appvngc pita:dcm lckopc dodo.

1 TIMOTI: 6:12

Ainc mc:jvgdok lcgangc silvg-siya:la mc:toka lo:dv-longkvpc turnamdcm gagtvla du:toka okodo:pc nolum gogtoji cdvlo no ainc lude:sunamdcm bojcrung lukanbinclok kcra:lo lusukaji.