KOLOSIANG 3:12 - ANU LUGOD N. T. (BSI)

¹² Cdcmpcmvlo gctoka, Ru:ncpvnckc balennam akoncmpc, angunncpc odokkc aipc mc:nampc, aya:sitapc mc:ncpc, ayangabopc mc:ncpc, ansv:nc asin gcnamc, rcmakpc asin gcnamc, odokkc mentumsula du:namc,

KOLOSIANG 3:12 ပူးပေါင်းရင်းမြစ်များ

IPESIANG KVDVNG 4:32

Akonc akoncm asin ansv:pc mc:mvnsula ansv:n asinkokki, akonc akonc mcyinsula, kapc Ru:ncvbv nolum Kristokolo mcyinsutoji.

IPESIANG KVDVNG 4:2

appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula,

1 JO:N 4:19

Ngolu aipc mc:dag, kapila:nc Bv ngolum aipc mc:po:to.

KOLOSIANG 3:10

Okodcm kinnamlo anumotakji odok ru:ncdok dumsimigmo ila.

2 PITOR 1:10

Cdcmpidag, bvrrangkvdvnga, bojcya:pc mc:bola ager gerncpc itoka nolum gognamdcmlang balennamdcm aroru:pc mcnga:supc, kapcnc jodi nolu cdcm iyc nolu cdvlosin ilang gvla:ma:pc ima:yc;

1 TISSALONIANG 5:15

Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.

2 KORINTIANGKVDVNG 6:6

Napv-narcngkokki, kinnamkokki, menya:sula du:namkokki, asin aya:pc mc:namkokki, Angunnc Yalodc, narc:pc:sc:nc ayangc, aropaknc agom lunamc, odokkc Ru:ncpvnckc tornamdc;

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

1 PITOR 1:2

Ru:ncpvnc Abubv balenna odokkc ru:scgla lc:namc odokkc Yalodokki narc:dopc mopu:la Jisu Kristomc lukam taddopc odokkc Bvk i:dokki abkatdopc: Ayangc odokkc mcnganc nolukkolo bojc bojcla dungka:langka.

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

ROMANKVDVNG 1:7

Ro:mdo Ru:ncpvnckc aipc mc:nam appv:do:pc, sc:kobulum angunnc tani:pc gogtoji bulukkolo:pc: Ngoluk Abu Ru:ncpvnckolokkc nolukkolo:pc ayangc mc:po odokkc Ru:tum Jisu Kristokolokkc.

TITUS 1:1

Poulbv, ager gerya:nckon Ru:ncpvnckc odokkc Jisu Kristokc mclvgla ager gerncko, Ru:ncpvnckc balennamkvdv:dok mc:jvgdcm mc:barmopc buluk arodok kinnamdcm okodc dormo kanamki lckopc imvndagji,

METIU 24:31

Odo Bvk lutad lunc tani:kvdv:dcm bottaru:pc bc:nc tu:lungki mulla gogyc, odokkc bulu Bvk balenna la:nam tani:kvdv:dcm appv:lokkcm gogkumsuyc, do:mvrtok among du:tcr akolokkc du:tcr akondo:pc.

LU:KKC 18:7

Odokkc Ru:ncpvncbv Bvk malennam kvdv:dcm, sc:kobulu Bvm longc-yumcpc kumna gognc kvdv:dcm motuma:yclang? Bv buluk lcgangc bojcpakko toya:la du:ma:yclang?

LU:KKC 1:78

ngoluk Ru:ncpvnckc rcmakpc mc:yinsunamdokki, cdvlo cdc longcdc ngolukkolo pvnga:ycnc taycng amo:tokkc

MARKKC 13:27

Odokkc Bv taycng among lutad lunckvdv:dcm melenamlvgyc, odokkc rcngansok appv:lokkcm Bvk agom tadjvgla gvmvnnc tani: kvdv:dcm langkumsuycku, mo:pvsok du:tcr appv:-dokkcm taycng among du:tcrdo:pc.

IPESIANG KVDVNG 4:24

Ru:ncpvnck dumsimigmoru:pc ru:nam aropc dormokanamki odokkc angukokki.

2 TIMOTI 1:9

sc:kobv ngolum moturtonc odokkc ngolum angunnc gognamki gogtonc, ngoluk aipc ager gernamkokkimang cmpige:la Bvk avkc mc:jongkokki mcngkampc odokkc dv:takkvdv:dok po:pcbong cdc oko aya:dcm ngolum Kristo Jisukolo bitoji,

PILIPIANG KVDVNG 1:8

Kapcnc Ru:ncpvncbv ngok lukanbinnc, kapc ngo noluk appvngkc lcgangc aipc mcngkesula sitoji Kristo Jisukc aipc mc:namki.

IPESIANG KVDVNG 1:4

Cdcmanggom Bv kapc ngolum Bvkkolo balenna la:toji, mo:pvsok amo:scm ru:lenma:dapci, jc ngolu angunpcnamc odokkc Bvk kcra:do aimang cmna lukosupcnammang.

ROMANKVDVNG 9:11

ngoluk toku abu Isahakbv, bulum omangadagom odokkc ainckoba: aima:ncko itomang, Ru:ncpvnckc balenna manamdok mcngkvdc du:tvdopc, ager lcgangkimang cmpige:la Bvk gognamkokki,

MARKKC 13:22

Lume:lun Kristokvdv:dc odokkc lume:la lungor lunc tani:kvdv:dc lenyc odokkc mcngapla:ma:nam kanggodcm lcngkanyc, gvyodbola gvbopcmna, pagmvlo, cdc balennam kvdv:dcmsin.

MARKKC 13:20

Odokkc Ru:tumbv cdc longc kvdv:dcm andcmomangamvlo, oko tani:ycsinci turra:ma:yapc; cmpige:la agom tadjvla gvmvnnc tani:kvdv:dok lcgangc, sc:kom bulum Bv mc:la balentonc, Bv longckvdv:dcm andc:moto.

METIU 24:22

Odokkc cdc longc kvdv:dcm andc:momangamvlo, oko tani:taworcsin turma:ya:pc; ckvdaggom agom tadjvgla gvmvnnc bangula lc:nam kvdv:dok lcgangc cdc longckvdv:dcm andc:moyc.

LUNGOR LUNAM 17:14

bulu Awo me:r sobendcm mimagcm moyc, odokkc cdc Awome:rdc bulum mopvyc, kapcnc Bv Ru:tum kvdv:dok Ru:tumc odokkc Migomkvdv:dok Migomc; odokkc cdc bvk lcdulo du:mvnnckvdv:dcm ballena la:namc odokkc mc:jvg jvrvgnc cmna gognamc.”

2 JO:N 1:13

Nok balennam bvrmcdok ommangkvdv:dc nom kumtadsudag

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

ROMANKVDVNG 13:14

Cmpige:la Ru:tum Jisumc gctoka, odokkc adin amvrdokkcpc okkomsin lc:yoka, odok mc:namdcm mc:tcsumopc cmna.

1 KORINTIANG KVDVNG 13:4

Aipc mc:namdc mentumsula du:namc odokkc aya:pc mc:namc; Aipc mc:namdc amigdvgncmang cdcmanggom pirtapc mansuncmang; cdc ngowong cmna mc:suncmang cdcmanggom ikat-siyatla incmang.