KOLOSIANG 3:1 - ANU LUGOD N. T. (BSI)

¹ Cdcmpcmvlo nolum Kristokc turkolo turmotoku, taycng amo:to du:nc attarkvdv:dcm matoka, okolo Kristobv, Ru:ncpvnckc lagbvg alagpc du:ji.

KOLOSIANG 3:1 ပူးပေါင်းရင်းမြစ်များ

METIU 22:44

‘Ru:tumbv ngok Ru:tummc luto, Ngok lagbvkkc alagdo tettok, nok mirukvdv:dcm ngok alc kcvgso lc:ma:sisscm?’

METIU 26:64

Jisubv bvm luto, “No:na cdcmpc lutonc. Ckvdaggom ngo nom ludung, su:pakkolokkc nolu tani:kc Awodcm Ru:ncpvnckc lagbvgpc tedla du:dopc ka:begyc, odokkc taycngamo:tok mukkangki gvidokupc.!”

METIU 6:20

Cmpige:la nok lcga:pc taycng amo:to murkongcm mckumtoka, okolo tapum manggom argomc domang odokkc okolo dopsongc gva:mang odokkc dopso:mang.

METIU 6:33

Cmpige:la maa:danna Bvk migom dokodcm mapo:lang odokkc Bvk dormo agomdcm odokkc cdc appv:dcm nolum biycpc.

MARKKC 12:36

Dawidbv avdc, Angunnc Yalodokki lula:nammcm pa:la, lulento: ‘Ru:tumdc ngok Ru:tummc luto Ngok lagbvk alakpc tedtoka Nok mirukvdv:dcm alckcvgbo lcngap-ma:sisscm.’

MARKKC 14:62

Odokkc Jisubv luto, “Ngowvng; odokkc nolu tani:kc Awodcm bottap mcngcsunamdok tayc:do teddopc ka:begyc, odokkc taycng do:mvrtok mukkangkokki gvdokupc ka:begyc.”

MARKKC 16:19

Cmpige:la Ru:tum Jisubv, bulum Bv lungapdodcm taycng amo:c bompakkangku, odokkc Ru:ncsa:nckc lagbvgpc tedkang.

LU:KKC 12:33

Noluk attar du:nc appvngcm kopagamtok, odokkc kogo:ncm binamkvdv:dcm bitoka, akuma:nc sogcncm nolu avkcm avyc mosv:sutoka, taycngamo:tok jidma:nc murkong lcngkumnancko, okolo oko dopsongcsin gva:ma:ji odokkc tabvncsin pvdmvgma:ji.

LU:KKC 20:42

Kapila:nc Dawidbv avdc avyc Ni:tomkvdv:do lusutag, ‘Ru:tumdc ngok Ru:tummc luto, Ngok lagbvkkc alagdo tedtok.’

LU:KKC 22:69

Cmpige:la su:pakkolokkc tani:kc Awodc Ru:ncpvnckc ilang gvla:namdok lagbvg alagdo tedyc.”

AGER KVDVNG 2:34

Kapila:nc Dawidbv taycng amo:pc dc:sa:tokumang; cmpige:la bv avdc luto, Ru:tumdc ngok Ru:tummc luto, Tedtok ngok lagbvgpc.

AGER KVDVNG 7:55

Cmpige:la bv, Angunnc Yalodokki pvnamkopc pa:la, taycngto:pc ka:sa:to odokkc Ru:ncpvnckc ungjv:cm ka:begto, odokkc Jisumc Ru:ncpvnckc lagbvkpc dagla du:dopc ka:to;

ROMANKVDVNG 8:34

Cdc Ru:ncpvnc bv:na sc:kobv aidag cmna lunamdc; sc:kon aimang cmna lupcncdc? Cdc Kristo Jisubv, sc:kobv sika:ji, c:v, sc:kom sikolokkcm turmotokuji, sc:kobv Ru:ncpvnckc lagbvg alakpc du:ji, sc:kobv ncrkvgpc ngoluk lcgangc kumbila du:nc?

ROMANKVDVNG 8:6

Adin amvrdo asin mcnga:namdc sinamc, cmpige:la Yalodo asin mcngga:namdc turnamclang mc:pomcnganc.

2 KORINTIANGKVDVNG 4:18

Kapila:nc ngolu ka:begnam attarkvdv:do:pc ka:mang cmpige:la ka:begma:nam attarkvdv:do:pc; kapila:nc ka:begnam attarkvdv:dc lo:tungongko du:nc, cmpige:la ka:begma:nam attarkvdv:dc lo:dvpc du:tvnc.

IPESIANG KVDVNG 4:10

Sc:ko Bv gvitonc cdc Bv sc:ko taycng among appvngcmyam owudru:pc mo:tc:pc dc:sangkangku, jc Bv:jen appvng attarcm pvngapmoycpc.

IPESIANG KVDVNG 5:22

Amil gvnc nc:ngkvdv:dc, noluk milbongkvdv:dok agomcm tadlangka Ru:tumkc agomcm tadkamv:pc.

KOLOSIANG 2:20

Nolu jodi Kristokc lcdulo simvnkang Mo:pvsok ncrkvg yalokvdv:do sika:bong, kapila nolu su:paksin mo:pvsokkcmpc turdon? Kapila nolu lujvglurokvdv:do tolvgsudon.

KOLOSIANG 3:2

Noluk asinkvdv:dcm tayc:tok attarkvdv:do mcnga:toka, mo:pvso du:nc attarkvdv:do:mang.

HIBRIUKVDVNG 1:13

Cmpige:la oko taycng lutad lunncm Bv cdvlai luton, “Ngok lagbvgpc tedttok, nok miru kvdv:dcm nok alckvdv:dok lcgc:pc imoma:sisscm.”

HIBRIUKVDVNG 1:3

Bv Ru:ncpvnckc amin gvnamdcm unkonsumodag odokkc Bvk mour tubjedardcmpc inam-sa:nam lcngkandag, mo:pv ap pv:scm agomdok ilang gvlangki jo:sa:la. Cdvlo Bv pa:pkvdv:dok lcgangc narcngmotonc, Bv taycng amo:to Mcngcru:namlok lagbvgpc tedkang.

HIBRIUKVDVNG 10:12

Cmpige:la cdvlo Kristobv appvng ayirlok pa:p lcgangc palvgcm akkongkopc bito, Bv Ru:ncpvnckc alag lagbvgpc tedkang,

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

HIBRIUKVDVNG 8:1

Su:pak ngolu oko lugoddok ludu:nc cdc scmpc ngolukkc cdcmpc dormo ager gernclok bottcncko du:nc, akonc sc:ko Migomdok taycng amo:tok dungkodo lagbvkpc dungka:nc.

1 PITOR 3:22

Jisu Kristokc sikolokkc turkunammcmpc sc:kobv tayc:pc gvkangkuji odokkc taycng among lutad lunckvdv:dokki Ru:ncpvnckc lagbvk alakpc tedkang, ilang gvlangnc, odokkc tornamc Bvkkcpc ikang.