KOLOSIANG 2:4 - ANU LUGOD N. T. (BSI)

⁴ Ngo scm ludung jc nolum sc:kosin yadla agomki yadpcnammang.

KOLOSIANG 2:4 ပူးပေါင်းရင်းမြစ်များ

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

METIU 24:4

Odokkc Jisubv bulum lubito “Ansu-ka:sutoka nolum sc:kosin yadyodbomma:dopc.

MARKKC 13:22

Lume:lun Kristokvdv:dc odokkc lume:la lungor lunc tani:kvdv:dc lenyc odokkc mcngapla:ma:nam kanggodcm lcngkanyc, gvyodbola gvbopcmna, pagmvlo, cdc balennam kvdv:dcmsin.

AGER KVDVNG 20:30

odokkc nolukkolok avyvngkolokkc tani:kvdvngc lenna tu:ladnc agomcm luyc, buluk lcdulo:pc mc:jvgnc gvmvnnc tani:kvdv:dcm gvpakdopc cmna.

1 KORINTIANG KVDVNG 2:4

odokkc ngok agom lunamdcmlang ngok lutad lubinamdc:bulu kinnampa:namlok lujubla lunam agommangai, cmpige:la Yalodok aiyo:pc lcngkannam ka:de:pc gernam agerkokki odokkc ilang gvlangkokki,

2 KORINTIANGKVDVNG 11:3

Cmpige:la ngo pcsodag jc tabvdc kapc I:bmc bvk aimangkokki, noluk mc:namsagnam kvdv:dokkcm gvyotboyc Kristomc mc:jupla odokkc angunpc kumnamdokkcm.

GALATIANG KVDVNG 2:4

Cmpige:la lume:lunc bvrrangcm kinmango:pc gva:bola, sc:ko ngo mcngkampc du:namcm ruyugla tadlenpc cmna gva:tonc okodc ngolukkc Kristokolo du:ji, jc bulu ngolum makana:lo tumla:dopc cmna–

IPESIANG KVDVNG 4:14

Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki.

IPESIANG KVDVNG 4:17

Su:pak scm ngo kvnggv:pc cdc cmna ludung odokkc Ru:tumkolo lukanbidung, jc nolu Ru:ncmc kinma:nckvdv:dok dungkamdakkampc du:pcru:namma:yc, buluk asin mc:nam-sagnamdok cmmumpc inamkvdv:dcm;

IPESIANG KVDVNG 5:6

Nolum sc:kobv:sin nolum cmmum agomkokki yadkosuyoka, kapcnc odokbuluk lcgangki jc Ru:ncpvnckc aglv:dc lunamdcm tadma:nc aowangkvdv:do:pc pvnga:dag.

KOLOSIANG 2:18

Nolum sc:komsin arckama:ncpc atvma:nckopc imoyoka, avyc aima:pc itvsula odokkc taycng lutadkvdv:dcm kumla, bvk kangorkvdv:dcm ka:la, lugodkama:pc go:puta:sa:la bvk adinamvr mcnggodlok mc:nc asindokki.

KOLOSIANG 2:8

Cdcm ka:tok jc nolum sc:kosin asin kangkurla kinnam agom odokkc cpv:pc yadnamlok ki:rugpc rugkosuyoka, tani:kvdv:dok lutcng gvtcngkvdv:dcmpc, mo:pvsok ncrkvg yalokvdv: dokkcmpc, odokkc Kristokcdcmpc ima:pc.

2 TIMOTI 2:16

Cdcmpinc sel-belainc agom luke:nc tani:kvdv:dcm mcpaklangka, kapila:nc cdc tani:kvdv:dcm bojc bojcya:pc dormo kama:lo:pc gvbodag,

2 TIMOTI 3:13

cdvlo aima:nc tani:kvdv:dc aima:namlokkc aima:pc ila gvboycnc, yadnc kvdvngc odokkc yadnamc.

1 JO:N 2:18

Ommangkvdvnga, sc du:tcrnam ayirdc; odokkc nolu kapc tattonc jc Kristo birudi: gvdobong, cdcmpila su:pak bojcrungko Kristo birudi:yc lenka:bong; cdcmpige:la ngolu kindag jc sidc du:tcr ayircbong.

1 JO:N 2:26

Ngo scm nolukkolo:pc addung cdc sc:kobulu nolum yadycnc buluk agomcm;

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

2 JO:N 1:7

Kapcnc bojcrungko yadnc rcngamso gvlenamka:bong, sc:ko tani:kvdv:dc Jisumc adin amvrpc gvnamdcm arro cmna luma:ji; cdcmpinc tani:dc:na yadncdc odokkc Kristobirudi:dc.

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.

LUNGOR LUNAM 20:3

odokkc cdcm mokaplvgto odokkc cdcm bvk tayc:do tubjetlvgto, jc lv:ying dv:takdc gvngapma:sisscm, bv cdvlosin opvnkvdv:dcm yadpcnammang. Odok lcdupc bvm ayir adjio:ko mclenru:lvgpa:yc.

LUNGOR LUNAM 20:8

Satandcm bvk makana:dokkc mclennvgyc odokkc opvnkvdv:dcm yadkapc gvlenyc okodc:bulu mo:pvsok sungken appi:lo du:ji, cdcyam, Gogdc:lang Magogdc, mimag lcgangc bulum gogkumsuto; buluk kvnamdc bulu siycnglok sulli:kvddvko idagai.