KOLOSIANG 2:2 - ANU LUGOD N. T. (BSI)

² jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

KOLOSIANG 2:2 ပူးပေါင်းရင်းမြစ်များ

KOLOSIANG 1:27

Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc.

KOLOSIANG 4:8

Ngo bvm nolukkolo:pc cdc agomru:dok lcgangc mclvgtung, jc nolu kinycpc kapc ngolu idagji odokkc jc bv noluk asinkvdv:dcm bottapc mc:moycpc.

IPESIANG KVDVNG 6:22

Ngo nolukkolo:pc bvm mclvgtung sc mc:namsokpak lcgangc, jc nolu kinycpc ngolu kapc idagji, odokkc jc bv noluk asinkvdv:dcm kvnggv:moycpc.

KOLOSIANG 3:14

Odokkc odo appv:dokkcmyam aipc mc:namcm gctoka, okodc appvngcm lckopc aropakpc ogpumsudagji.

ROMANKVDVNG 16:25

Su:pak Bvkkolo:pc sc:kobv nolum ilang-gvla:mola:dagnc ngok tadponc lutaddcmpc odokkc Jisu Kristom lutad lubikamdcmpc okodcm lc:sula dv:tag dv:tagkvdv:dc lc:tagaji.

PILIPIANG KVDVNG 3:8

Aropakpci appvngcm ngo yogkang cmnai kvdo ngok Kristo Jisu Ru:tummc kinnamdok appvngcmyam arckaya:namdok lcgangki. Bvk lcgangc du:gcm gvto, odokkc cdcmbulum yoppaknam attarc cmna kvtobong.

PILIPIANG KVDVNG 2:1

Cdcmpidag atv asin pvtapc mc:monamko du:mvlo Kristokolo, aipc mc:namlok lubonko lcgangko du:mvlo, Yalodo atv itcngko du:mvlo, atv aisunamkolang aya:pc mc:namko du:mvlo,

2 PITOR 1:3

Bvk taycng among ilang gvla:dc ngolum appvng attarcm bito cdc noluk turnamdok agom katc:nc odokkc ru:nckcmpc ainc agerkanamc, Bvk kinnam agomki sc:kobv ngolum gogtoji Bvk avkc amin gvnamdo:pc odokkc anguru:pc ainamlo:pc,

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

JO:N 10:30

Ngo:lang Abubv akkongc.”

JO:N 6:69

Odokkc ngolu mc:jvgtobong, odokkc ngolu kintobong jc no Ru:ncpvnckc angunncdc.”

HIBRIUKVDVNG 10:22

kajc aro asinki kcra:pc gva:lai mc:jvgc pv:namrungko du:la, ngoluk asinkvdv:dc abkatla narc:la odokkc aima:si:ma:nc mc:namlokkc odokkc amvrkvdv:dcm angunnc asikokki.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

HIBRIUKVDVNG 6:11

Odokkc ngolu mc:dag noluk appvngc c:mo:pinc kvnggv:pc mc:namcm pv:namkopc mc:tindokkc du:tcrdo:pc du:ma:sisscm lcngkanka:langka cmna,

KOLOSIANG 1:9

Odokkc cdcmpila, ngolu cdcm tadbegdo longcdokkc, ngolu noluk lcgangc kumngasumang, ngolujen Bvk mcngkamdcmpc kinnamki odokkc mcngkinnamkokki Ru:tumkolo arckanc turnamcm turgcboycpc cmna.

GALATIANG KVDVNG 3:28

Jiwucba: Girikko odo kamang, pagbokoba: motunamko kamang, milbongkoba: nc:vgko kamang; kapila:nc nolu appvngc Kristo Jisukolo akkongc.

1 KORINTIANG KVDVNG 2:12

Su:pak ngolu rcngamsok yalodcm pa:mang, cmpige:la cdc Yalodcm okodc Ru:ncpvnc kolokkcji jen odomvlo ngolu Ru:ncpvnckokki ngolum binam amankvdv:dcm mcngkinycpc cmna.

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

JO:N 16:15

Abudokkc du:nc appv:dc ngokkc; cdcmpidag ngo luto jc Bv la:yc okodc ngokkcji odokkc nolum lukanna lubiyc.

JO:N 10:38

Cmpige:la ngo gerdu:mvlo cdcmbulum, nolu ngom mc:jvgcimanggom, agerkvdv:dcmci mc:jvgtoka, odomvlo nolu kinycpc odokkc Abudc:jc ngokkolo dung odokkc ngo Abudokkolo dung.”

JO:N 5:23

appvngcjen Awodcm mcnggcm mcnggcsudopc, bulu Abudcm mcnggcm mcngkamv:pc. Sc:kobv Awodcm mcnggcm mc:ma:ycnc Abudcm mcnggcm mc:mang sc:ko Bvm mclvgtu:ji.

JO:N 5:17

Ckvdaggom Jisubv bulum luto, “Ngok Abubv su:paksin gertvla dung, odokkc ngo ager gerla dung.”

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

METIU 11:25

Odo ayirdo Jisubv lutadla lubito, “Ngo nom aipai bido, Ba:ba, taycng amo:tok odokkc mo:pvsok Ru:tuma, no:na scmbulum kinnc-pa:nc tani:kvdvdokkcm odokkc mcngkinma:nc kvdv:dokkcm lc:sitonc odokkc kowaukvdv:dcm lcngkanto;

1 JO:N 5:7

Odokkc Yalodc lukanbinamc, lcga:dc Yalodc:na arodc.

1 JO:N 3:19

Sokki ngolu kinyc jc ngolu arodokkc, odokkc ngoluk asinkvdv:dcm lckoda aroru:pc lusula:dag Bvk kcra:lo cdvloi ngoluk asinc ngolum aimang cmna lukedagji,

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

2 PITOR 1:10

Cdcmpidag, bvrrangkvdvnga, bojcya:pc mc:bola ager gerncpc itoka nolum gognamdcmlang balennamdcm aroru:pc mcnga:supc, kapcnc jodi nolu cdcm iyc nolu cdvlosin ilang gvla:ma:pc ima:yc;

1 TISSALONIANG 5:14

Odokkc ngolu nolum luyircm ludung, bvrokvdvnga, lo:bagnckvdv:dcm luyirrang, Pcsonckvdv:dcm asincm bottcpc mc:molang, bo:lkama:nckvdv:dcm idumgvdumsulang, bulu appv:dok lcdulo mentvlang.

1 TISSALONIANG 3:2

odokkc ngolu Timoti:mc mclvgto, ngoluk bvrodcm odokkc Ru:ncpvncmc ager gerya:ncdcm Kristokc tadponc lutaddo, noluk mc:jvglo nolum mcjv:sudopc odokkc nolum lusv:mosv:pc,

1 TISSALONIANG 1:5

kapcnc ngoluk tadponc lutaddc nolukkolo:pc agomongkokki pvnga:mang, cmpige:la kvnggv:pc ilang gvla:lo:sin odokkc Angunnc Yalodo odokkc pv:namko aropakpc mc:namc bi:danna. Nolu kindag kapinc tani:pc ngolu noluk kcra:lo lcngkansubikaji noluk lcgangc.

AGER KVDVNG 4:32

Cdcmpidodcm cdc mc:jvgnc kvdv:dok ajon jonsunamdc asin atcrongkopc odokkc yalo atcrongkopc idagai, odokkc sc:kosin lumangai sc:koi atvko pa:toji cdc bvk avkc cmna, cmpige:la bulukkc appvng attarcmci lcko-lakkopc lc:dagai.

METIU 13:11

Odokkc Bv bulum lubito, “Nolukkcpc taycng amo:tok migom mo:pvdok lc:sula lc:nam agom kindopc lubitagbong, ckvdaggom bulum cdcm bima:da.

LU:KKC 1:1

Sc:kobulu lendodokkcbong amikkokki ka:nckvdvnga:nc odokkc agomdok lutadbigo:ncp ika:ji, bulu ngolum luyirkamdcmpc,

ROMANKVDVNG 2:4

Cdcmanggom no mc:ya-mc:sala mcngka:la ka:donci Bvk cddvkojc ayang-abodcm odokkc mentumsula du:namdcm? No kinma:nci jc Ru:ncpvnckc ayang-abodc nom asin mc:dvrra mc:latsudokupc mc:modag cmna?

1 KORINTIANG KVDVNG 14:31

Kapila:nc nolu appvngc lungorcm akon lcdulok akonc lula:dag, odomvlojen appvngc tadyirsuycpc odokkc appvngc bottapc mc:suycpc;

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

IPESIANG KVDVNG 3:3

Kapc mcngapla:ma:namdcm ngom kinmotungaji kangor ka:namki, kapc ngo andc:pc adtoji.

IPESIANG KVDVNG 3:16

jen Bvk mitc-mircmdok amin gvnamdcmpc Bv:jen nolum tornamki kvnggv:modopc Bvk Yalodokki asin arangkc amibo,

KOLOSIANG 1:26

dv:takkvdv:do odokkc opvnkvdv:do mcngapla:ma:nam agomdcm lc:sila lc:namdcm cmpige:la su:pak Bvk aipc kumnc tani:kvdv:dcm lcngkanambito.

KOLOSIANG 2:19

Odokkc Tukkudcm gaggabtvla du:ma:pc, okolo amvr appv:dc mosv:dagji odokkc lckopc ri:pumsutagji odok mosetsuko kvdv:dok odokkc i:rkvdv:dokki, sv:namdokki sv:do okodc Ru:ncpvnckolokkcji.

KOLOSIANG 4:3

odokkc ngoluk lcgangcsin kumnangka, Ru:ncpvncbv ngolukkcpc yabgoko moge:biycpc agomdok lcgangc, Kristokc mcngapla:manam agomdcm lugo:bipc, okodok lcgangc ngo makana:lo tumnampc idu:ji;