KOLOSIANG 2:19 - ANU LUGOD N. T. (BSI)

¹⁹ Odokkc Tukkudcm gaggabtvla du:ma:pc, okolo amvr appv:dc mosv:dagji odokkc lckopc ri:pumsutagji odok mosetsuko kvdv:dok odokkc i:rkvdv:dokki, sv:namdokki sv:do okodc Ru:ncpvnckolokkcji.

KOLOSIANG 2:19 ပူးပေါင်းရင်းမြစ်များ

LU:KKC 5:38

Cmpige:la anu angur ala:dcm alang pvgcngkolo pvpa:ru:yc.

JO:N 17:21

nokkcmpcsinci, Abba, ngokkolo, odokkc ngo nokkolo, bulusinjen ngolukkolo, odomvlojen rcngamsc mc:jvgycpc no ngom mclvgtung cmna.

AGER KVDVNG 4:32

Cdcmpidodcm cdc mc:jvgnc kvdv:dok ajon jonsunamdc asin atcrongkopc odokkc yalo atcrongkopc idagai, odokkc sc:kosin lumangai sc:koi atvko pa:toji cdc bvk avkc cmna, cmpige:la bulukkc appvng attarcmci lcko-lakkopc lc:dagai.

ROMANKVDVNG 11:17

Cmpige:la rcngke:kvdv:dok akke dvrsodamkang, odokkc nolusin, yumrang Jolpai oiyinnc, Jolpai vsvng amv:dokkcm mitcmircmdcm pa:mvnsupc cmna pasotge:la ilvgto, rcngke:kvdv:dcm pa:la bottapc lusuyok.

1 KORINTIANG KVDVNG 1:10

Ngo nolum kumna ludung, bvrokvdvnga, ngoluk Ru:tum Jisu Kristokc aminkokki, jc noluk ara:lo luker luyermvnsunammc kapcma:namc, cmpige:la jc nolu asin akko:do lckotoka odokkc c:mo:pinc kcbangcm ba:toka.

1 KORINTIANG KVDVNG 11:3

Cmpige:la ngo nolum kintoka cmna mc:dag jc appvng tani:lok ru:tumdc Kristobv, nc:ng tani:lok ru:tumdc milbo:dc, odokkc Kristokc ru:tumdc Ru:ncpvncbv.

1 KORINTIANG KVDVNG 3:6

Ngo lelvgto, Apollo:bv asidcm pvlvgto, cmpige:la Ru:ncpvncbv sa:moto.

IPESIANG KVDVNG 1:22

odokkc bv appvng attarcm Bvk alc kcvgpc lc:to odokkc appvng attarrok Bvm mittukpc ru:to mondoli:dok lcga:pc,

IPESIANG KVDVNG 1:23

okodc Bvk amvrcji, Bvk pvnam pvngapnamdc sc:kobv appvngcm appv:lo pvngapmodagji.

IPESIANG KVDVNG 2:21

sckkolo mosa:nam appv:dcmci lckopc mokumsutag odokkc Ru:tumkolo angunnc kumko okumpc bottasa:do;

IPESIANG KVDVNG 4:3

Yalodo lckolakkopc inamdcm du:tv:la mcnganno lckopc du:dopc.

IPESIANG KVDVNG 5:29

Kapcnc sc:ko tani:ycsin cdvlosin bvk avkc adincm tayumsumang, cmpige:la mosv:sudag odokkc mosv-momosudag, Kapila:nc ngolu Bvk amvrdok ami akonc.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

KOLOSIANG 1:10

Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo.

KOLOSIANG 1:18

Bv amvrdok mittukdc, mondoli:dokkc; Bv lenpo:dc, sikolokkc opongarnamdc, jc appvngloi Bv bottarya:ncpc iycpc.

KOLOSIANG 2:2

jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

1 TISSALONIANG 3:12

odokkc Ru:tumbv nolum akonc akoncm odokkc appvng tani:ycm aipc mc:namdcm mc:barra gvmoteika, ngolu kapc nolum idagji,

1 TISSALONIANG 4:10

odokkc aropakpci nolu Makedonia:dok bvrokvdv:dcm nolu aipc mc:dag. Cmpige:la ngolu nolum luyircm lula lusv:dung, bvrokvdvnga, cdcmpc iyang iyangla gvdopc, ansvngo:pc du:pc bottcpc mc:tinna turradu:dopc,

2 TISSALONIANG 1:3

Ngolu Ru:ncpvncmc aipai bipcrung idag noluk lcgangc lo:dcm, bvrokvdvnga, kapc aidagji cdc, kapila:nc noluk mc:jvgdc kvnggv:pc bojcbomna gvbomdung, odokkc nolu appvngkc aipc mc:namkvdv:dc akonc akoncm bojcbomdung.

1 PITOR 3:8

Adtcrso, nolu appvngc, yalo atcrongkopc ilangka, aya:sitapc mc:mvnsunamlo, bvrokvdv:dcm aipc mc:namlo, rcmakpc asin gcnamlo odokkc asinc rcmago:la ila.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.