KOLOSIANG 2:13 - ANU LUGOD N. T. (BSI)

¹³ Odokkc nolu, imur ager gernam odokkc noluk adinno gadpukma:namno sila dungaji, Ru:ncpvncbv Bvk lcdulo turmotoku, ngoluk appvng gvmurkvdv:dcm mc:yinsuge:la,

KOLOSIANG 2:13 ပူးပေါင်းရင်းမြစ်များ

IPESIANG KVDVNG 2:1

Odokkc nolum Bv turmotoku, cdvlo aima:nc ager kvdv:dokki odokkc pa:p kvdv:dokki sila dungaji okolo nolu lcko gvkaji.

ROMANKVDVNG 8:11

Bvk yalodc sc:kobv Jisumc sikolokkcm turmotokuji nolukkolo du:mv-dagmvlo, sc:kobv Jisumc sikolokkcm turmotokuji noluk sikunc amvrkvdv:dcmsin turnamcm Bvk Yalodokki biyc okodc nolukkolo du:do dagdoji.

2 KORINTIANGKVDVNG 3:6

sc:kobv ru:toji anu lugoddok migom ager gerncpc ngolum motoji, jvgnam lujvglurolo:mang cmpige:la Yalodo; kapila:nc adnam lujvglurodc mokedag, cmpige:la Yalodc turnamcm bidag.

HIBRIUKVDVNG 9:14

Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.

2 KORINTIANGKVDVNG 5:19

cdcna, Kristokolo Ru:ncpvncbv lckomodungakui Bvkkokki rcngamscm, buluk imursiyarcm buluk birudi:pc, odokkc ngolum lckomokunamdok lutadcm togclvgla.

IPESIANG KVDVNG 2:11

Cdcmpidag mc:pa:toka jc nolu ayirkolo adin-amvrlo Ru:ncmc kinma:nc opvnkvdvngai, gadpukma:namc cmna okodcm gadpuknam kvdv:dc gogdagaji; okodcm adinamvrlo alakkokki motoji–

LU:KKC 15:32

Mc:pomcngannamdc airu:dagai, kapila:nc sc nok bvrosc sikangai, odokkc turkangku; bv yokkangai, odokkc pa:toku.’ ”

LU:KKC 15:24

Kapila:nc sc ngok awosc sikangai, odokkc su:pak lckoda turkangku; bv yokkangai, odokkc pa:toku,’ odokkc bulu mc:porobbomkang.

JAKOB 2:26

Kapcnc yalodc amvrdc:ma:mvlo kapc sincpc idagnc, cdcmv:pc mc:jvgdc agerkvdv:dc:ma:mvlo sinnc.

IPESIANG KVDVNG 5:14

Cdcmpidag cdcm lutag, “Kinsutoka, O yubla du:na, odokkc darobtoka yubkodokkc, odokkc Kristobv nolum pvangcm biycpc.”

1 KORINTIANG KVDVNG 15:45

Cdcmpila cdcm adtag, “Ru:lenpo:nam tani: Adambv turnc tani:pc ikang;” Lcddarkc Adambv turnam-binc yalopc ikang.

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

1 JO:N 2:12

Ngo nolum addung, ame:onc ommang kvdvnga, lcga:dc noluk pa:pkvdv:dcm Bvk lcgangc mc:yinsutobong.

1 KORINTIANG KVDVNG 15:36

Ci monba:ba:nc tani:ya! No okodcm piddonc cdc sima:sisscm sa:ma:yc.

JO:N 5:21

Kapila:nc Abudc sinncm moturge:kula bulum turrnamcm bikunammcmpc, cdcmv:pc Awodc sc:komci mc:dagnc bvmmci turnamcm bidag.

LU:KKC 9:60

Cmpige:la Bv bvm luto, “Sinckvdv:dcm buluk avkc sinckvdv:dc yudopc lc:tok; ckvdaggom noluk lcga:pc, gvkang odokkc Ru:ncpvnckc Migom doko mo:pvdok agomdcm lutadbigo:ta:ka.”

HIBRIUKVDVNG 6:1

Cdcmpidag kajc Kristokc lusa:nam astrong agom lukamo:dcm mcge:la odokkc sv:titsunampc sv:sa:la kvnggv:la gvlai: lckoda sinam ager gernamkvdv:dok lcgangc odokkc Ru:ncpvnckc mc:jvgnamdok lcgangc lckoda dunggcngkoko mosa:ma:pc,

1 TIMOTI: 5:6

cmpige:la sc:kobv avyc-avycm kindag cmna mc:sudag bv turra du:du:do sinnc.

ROMANKVDVNG 4:17

“Ngo nom ope:ncgvng abaru:lok abupc ru:tu:bong” –bv sc:kom mc:jvgdagji cdc Ru:ncpvncdok ka:de:pc, sc:kobv sinncm turnam bidagji odokkc attar kama:ncm kadopc gogdagji.

JO:N 6:63

Cdc yalodc:mvn turnamcm bincdc, adindc oko arrcsin kamang; ngok noluk agom lunamkvdv:dc yallolang turnamc.

JAKOB 2:20

Nolu lcngkansulv:dagnci, c:i okkomsin kinma:nc tani:ya, ager germa:nam mc:jvgdc:jc okopcsin imang cmna?

JAKOB 2:17

Cdcmpidag mc:jvgo:dokki, odokkc jodi ager kvdv:dc kamang, sinnc.

1 TIMOTI: 6:13

Ru:ncpvnckc dungkolo sc:kobv appvngcm turnamcm bidagji, odokkc Kristo Jisubv sc:ko Bv lukanbinamdo Potindok Pilatkc kcra:do ainc lukanbinamko lutonc,

KOLOSIANG 2:12

odokkc nolum Bvk baptismo:do agolo lc:tobong, okodo nolusin mc:jvgkokki sikolokkcm Ru:cpvnckc ager gernamdokki turmotoku, sc:kobv Bvm sikolokkcm turmotokuji.