KOLOSIANG 1:6 - ANU LUGOD N. T. (BSI)

⁶ Tadponc lutaddcm okodc nolukkolo:pc pvngangka:ji, kapc aroru:pc kapc aropakpci mo:pv appv:soi a:yc e:dung odokkc sv:bomna gvdung–cdcmv:pc noluk av-avkvdv:do, noluk taddo longcdokkc odokkc Ru:ncpvnckc aya:dcm tadkintoji arolo.

KOLOSIANG 1:6 ပူးပေါင်းရင်းမြစ်များ

METIU 24:14

Odokkc sc migom du:tc:dok tadponc lutadscm mo:pv appv:so lungapbiyc, appvng opvnnok lukansubinampc; odokkc cdc gvtcr gvngapdc a:yc.

METIU 28:19

Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

MARKKC 16:15

Odokkc Bv bulum luto, “Mo:pvsok appv:lo:pc gvkangka odokkc ru:nam appv:dcm tadponc lutaddcm lutadta:ka.

MARKKC 4:8

Odokkc ake amni:kvdv:dc ainc amo:lo dc:yi:kang odokkc a:yc engkang, sangkang odokkc bojcbomna vyvng awumko odokkc vyvng akkcngkopc odokkc lvngkokopc.”

JO:N 15:16

Nolu ngom balenmangai, cmpige:la ngo nolum balento odokkc agercm gerdopc lugablvgto odomvlo gvla a:yc e:dopc cmna odokkc noluk a:yckvdv:dc du:mvnna du:dopc cmna; odomvloyam nolu ngok aminno Abudcm okodcmci koycnc, Bv cdcmci nolum biycpc cmna.

JO:N 17:19

Odokkc buluk lcgangc ngo avyc tolvgsudung, bulusinjen arolo tolvgsuycpc cmna.

JO:N 4:23

Cmpige:la ayirdc pvnga:du:bong, odokkc su:pakna, kumnckvdv:dc cdvlo Abudcm yalokokki odokkc arokokki kumycpc, kapila:nc cdcmpcna Abudc Bvm kumtoka cmna madagnc.

AGER KVDVNG 11:18

Cdvlo bulu cdcm tadtoji bulu aso:pc dungapkang odokkc bulu Ru:ncpvncmc amincm gvmoto, scmpc lula, “Cmpcmvlo Angu opvnkvdv:dcmsin Ru:ncpvncbv turnamcm pa:dokupc asin mc:dvrra mcngkutsunamcm bitu:bong.”

AGER KVDVNG 12:24

Cmpige:la Ru:ncpvnckc agomdc gvbarbomkang odokkc bojc bojcpc gvbarbomkang.

AGER KVDVNG 16:14

Noluk agom tadnckvdv:dok akonc Tiatira nogordok Lidia cmnam nc:ngkai, ba:yomcmpc genc attarcm konckonc, sc:kobv Ru:ncpvncmc kumncka:ji. Ru:tumbv bvk asindcm Poulbv okodcm lubitoji cdcm tadgapdopc kuge:moto.

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

ROMANKVDVNG 1:13

Ngo nolum kintoka cmna mc:dag, bvrokvdvnga, jc ngo mcna:mcna:pc nolukkolo:pc gvpc cmna mc:to (cmpige:la su:paklo:pc motumna lc:tag,) cdcmpc ila jc ngo:jen nolukkolok arvgcm gaddopc Ru:ncpvncmc kinma:nc tani:kvdvng ara:do:pc cdcmv:pc.

ROMANKVDVNG 15:19

Angunnc Yalodok ilang gvlangkokki, odomvlo jen Jerusalemdokkc odokkc dunggong appvngc Illirikumdo:pc ngo pv:namkopc Kristokc tadponc lutaddcm lugo:bito,

ROMANKVDVNG 15:28

Cdvlo cdcmpidag ngo scm ingaptoji odokkc bulukkolo:pc scm bipakto, okodcm la:sa:toji, ngo nolukkodok gvko lambcdokkc Ispeinpc gvtvla du:yc.

ROMANKVDVNG 16:26

Cmpige:la su:pak la:lennvgtoji odokkc lungor lunckvdv:dok adnamkokki appvng opvnkvdv:dcm kinabmotoji, Ru:ncpvnckc lulvgnamdcmpc, mc:jvgdok mcngkampc tadnamdcm langa:pc–

2 KORINTIANGKVDVNG 10:14

Kapcnc ngolu av avyc bottcsumang, ngolu nolum pa:ma:nammcmpc idaggomsin; ngoluar cddvko mo:tc:pc nolukkolo:pc Kristokc tadponc lutaddokki gvpo:nai.

2 KORINTIANGKVDVNG 6:1

Bvkkokki lckopc agercm gerbosula, odokkc, ngolu nolum kumna:sola: ludung Ru:ncpvnckc ayangabodcm cmmumpc torvgsuyoka.

IPESIANG KVDVNG 3:2

Mclvgla jc nolu Ru:ncpvnckc okum ru:tum aya:dok tadtonc cdcm ngom bitungai noluk lcgangc.

IPESIANG KVDVNG 4:21

Mc:jvgla jc nolu Bvk agomcm tadtobong odokkc bvkkolo luyirkosuto, kapc arodc Jisukolo:ji.

IPESIANG KVDVNG 4:23

Odokkc noluk asinkvdv:dok yalodo anumonamc, odokkc anu scwu-sobabdcm gcdo,

IPESIANG KVDVNG 5:9

pva:dok ommangcmpc lambc gvtok (kapcnc pva:dok a:ycdcm appvng ainamlo odokkc dormokanamlo odokkc arolo pa:do,)

PILIPIANG KVDVNG 1:11

Dormokanamlok a:yckvdv:dc bi:la okodc Jisu Kristokokki gva:doji, Ru:ncpvnckc amin gvnamclang aipai binam lcgangc.

PILIPIANG KVDVNG 4:17

Ngo:jc amandcm maka cdcmpila:mang; cmpige:la nolukkc bojcbomna gvbomnamdcm ngo mado.

KOLOSIANG 1:10

Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo.

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

1 TISSALONIANG 1:5

kapcnc ngoluk tadponc lutaddc nolukkolo:pc agomongkokki pvnga:mang, cmpige:la kvnggv:pc ilang gvla:lo:sin odokkc Angunnc Yalodo odokkc pv:namko aropakpc mc:namc bi:danna. Nolu kindag kapinc tani:pc ngolu noluk kcra:lo lcngkansubikaji noluk lcgangc.

1 TISSALONIANG 2:13

Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

2 TISSALONIANG 2:13

Cmpige:la ngolu Ru:ncpvncmc lo:dcm aipai bipcrung idag noluk lcgangc, bvrokvdvnga Ru:tumkolo mc:bomsunamkvdvnga, kapila:nc Ru:ncpvncbv nolum lendodokkcbong motudopc cmna balento, Yalodokki narc:dopc mopu:la odokkc arodo mc:jvgnamdokki.

1 PITOR 5:12

Silbanu kolokkc, aipc mc:jvg jvrvgnc bvrokopc kapc ngo mcnggabdagnc bvm, ngo nolukkolo:pc andcngo:pc adtobong, luyirra lula odokkc lulenbila jc cdc Ru:ncpvnckc aropc ayangdc; oddong nolu du:di:di:la du:toka.