26 dv:takkvdv:do odokkc opvnkvdv:do mcngapla:ma:nam agomdcm lc:sila lc:namdcm cmpige:la su:pak Bvk aipc kumnc tani:kvdv:dcm lcngkanambito.
Odokkc Bv bulum lubito, “Nolukkcpc taycng amo:tok migom mo:pvdok lc:sula lc:nam agom kindopc lubitagbong, ckvdaggom bulum cdcm bima:da.
Bulu bvm luto, ‘Kapilanc sc:kosin ngolum ager germopc gogmang.’ Bv bulum luto, ‘Nolusin ngok angurba:riolo:pc gvkang.’
Odo Bv bulum lubito, “Nolum Ru:ncpvnckc migom dunggcnam amo:dok ncrkvg agomdcm lubitung, cmpige:la mo:rongkc du:nckvdv:dcm appvng agomdcm kvkanbinam do:yvngki lubidung;
“Nolum Ru:ncpvnckc Migom doko mo:pvdok lc:sula lc:nam agomdcm bitu:bong; cmpige:la akelokkcpc cdc bulu kvkanbila kvnam do:yv:lo dung, odomvlo bulu ka:tu:la:sin ka:begma:ycpc, odokkc tattu:la:sin bulu mcngkinsuma:ycpc.
Cmpige:la ngolu lc:sula odokkc gagsila lc:nam Ru:nvcpnckc kinnam pa:nam bido, okodcm Ru:ncpvncbv ngolum amin gvmonam dv:takkvdv:dc aima:dapc kvnggv:pc lulvgla lutoji.
jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,
odokkc ngoluk lcgangcsin kumnangka, Ru:ncpvncbv ngolukkcpc yabgoko moge:biycpc agomdok lcgangc, Kristokc mcngapla:manam agomdcm lugo:bipc, okodok lcgangc ngo makana:lo tumnampc idu:ji;
odokkc su:pak ngoluk Moturnc Kristo Jisukc lennamdokkc lcngkantag, sc:kobv sinamcm la:paktonc odokkc turnamclang lo:dv longkvpc dornc mcrupc tadponc lutaddokki.