Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KOLOSIANG 1:23 - ANU LUGOD N. T. (BSI)

23 nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

အခန်းကိုကြည့်ပါ။ ကော်ပီ




KOLOSIANG 1:23
72 ပူးပေါင်းရင်းမြစ်များ  

Odokkc Bv bulum luto, “Mo:pvsok appv:lo:pc gvkangka odokkc ru:nam appv:dcm tadponc lutaddcm lutadta:ka.


cmpige:la ngo nok lcgangc kumdung nok mc:jvgdc:jen yogma:pcka; odokkc cdvlo no gvlatyckunc nok bvrokvdv:dcm tormolangka.”


bv okum monc tani:koncmpc idag, sc:ko o:rv:pc aru:dcm ngundagji, odokkc moko amo:dcm vlv:tayclo modagnc; odokkc cdvlo pu:mi: assc gvla pu:sangka:ji, asidc bidla cdc okumdcm nvnga:to, odokkc cdcm bidkukla:tomang, kapila:nc cdcm kvnggv:pc motungai.


“Tani: akonc ngokkolo du:ma:mvlo, bvm rcngke:ko papaknammcmpc papakdag odokkc sanpakdag; odokkc rcngke:kvdv:dcm sokumsudag, vmvlo cra:lvgla rompakdag.


Kapila:nc bv ngoluk ara:so kvtc:nammai, odokkc bv ipcnammcm sc lutad ager gernamso bitungai.


sc anyisok sc:komc no balentang sc ager gernamso idopc odokkc mclvgnam ager gerncpc idopc okodokkc Juda:bv gvyotla gvpakka:ji, bvk avkc mo:di:do:pc.”


Cmpige:la nolu tornamcm pa:ycpc Angunnc Yalodc cdvlo noluk tayc:lo:p pvnga:ycji, odokkc nolu ngok lukanbincpc ilangka Jerusalemdo odokkc Judiang appv:do odokkc Samariangdo odokkc mo:pvsok du:tcrpc.”


Cdvlo bulu gvla Ru:ncpvnckc ayangcm ka:begtoji, bv mc:pokang; odokkc Ru:tummc mc:jvgla du:ncpc idopc luyircm luto lo:dvscm mc:la gvangkunamdcmpc du:dopc;


agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.


Cdcmpinamc odo Jerusalemdo Jiwuyc, odokkc Ru:ncpvncmc aipc mc:nc tani:yc do:mvr kcvgso du:nc appvng opvnlokkc dungai.


Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.


Cmpige:la nok alcdokki dagrobtoka; kapcnc ngo odok lcgangc nom lcngkansuto, nom togclvgpc ngokkolo oko okkom ka:begtoji cdcmbulum lukanbidopc odokkc nokkokki cdc sc:kobulum ngo lcngkansuycji;


Odokkc sckkolo:sin motur turnamc kamang, kapila:nc taycng kcyvgso oko amincsin kamang tani:kvdv:dok ara:lo okodokki ngolu mopvsupcnammcji.”


Cmpige:la ngo tawudung bulu tattoma:lang? Aropakpci bulu tatto; kapila:nc “Gomugdc mo:pvsok appv:lo:pc gvlenkang, odokkc buluk agom kvdv:dc mo:pvsok du:tcrlo:pc.”


kapila:nc Ru:ncpvnckc ngom binam ayang abodokki Jisu Kristokc migom ager gerncpc idopc Angu tani:kvdv:do:pc Ru:ncpvnckc tadponc lutaddok kumnam ager gernc tani:kvdv:dok gernam agerki, odomvlo ja:te Angu tani:kvdv:dok binamdc, Angunnc yalodokki narc:mola torvgsuycpc.


ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;


odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.


Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.


Apollo:bv cmpcmvlo sc:kon? Poulbv sc:kon? Ager gerya:nckvdv:dc sckkokki nolu mc:jvgtoji, ako akopc Ru:tumbv lulvgnamdcmpci.


Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki–ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji!


Ngo:sin cdcmpc? Bulu Kristok ager gerya:nci? Ngo aiya:nc ako–ngo simadnc tani:koncmpc ludung–bojcru:yangko bottaya:nc agerkokki, bojcru:yangko makana:lo tumkosula, kvngapla:ma:namko dcmkosula, odokkc lckko: lckko:lo sipcmna ila.


sc:kobv ru:toji anu lugoddok migom ager gerncpc ngolum motoji, jvgnam lujvglurolo:mang cmpige:la Yalodo; kapila:nc adnam lujvglurodc mokedag, cmpige:la Yalodc turnamcm bidag.


Cdcmpidag, Ru:ncpvnck ayangki sc agerscm gerdom, ngolu asinc adji:ma:yc.


Bvkkokki lckopc agercm gerbosula, odokkc, ngolu nolum kumna:sola: ludung Ru:ncpvnckc ayangabodcm cmmumpc torvgsuyoka.


Ngo pcsodag ngo nolukkolo cmmumpci agercm gertoisong.


Kapcnc Yalodokki, mc:jvgki, ngolu dormokanamdcm toya:la toka:la dung.


Nolu aiyo:pc dugdungai; sc:ko nolum arodcm lukamdcmpc tadpc motumton?


Odokkc kajc ngolu ainc agercm gerla du:tvla gerdvryoka, Kapila:nc gaddvlo ngolu gadycku, ngolu jodi asincm mclvgma:mvlo.


Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,


sckkolo mosa:nam appv:dcmci lckopc mokumsutag odokkc Ru:tumkolo angunnc kumko okumpc bottasa:do;


odokkc jc Kristobv:jen noluk asin arangkvdv:do mc:jvgkokki du:ycdagycpc; jc nolu, aipc mc:namlo appvrc amo:bo pvrgabycpc.


Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.


cdcyam, mondoli:dc, okodokkcpc ngo migom ager gerncpc ika:ji taycng among migom ager gerkodokkcmpc okodcm ngom noluk lcga:pc bitungaji, Ru:ncpvnckc agomdcm Pv:dandopc kinapmodopc,


appvrc pvra:la odokkc mosa:la odokkc mc:jvgdo mongapto, kapc nolum poyirtoji, aipai binamc pv:se-pv:yelangka.


jc sc:kosin ipusire:sokki cngunma:ycpc cmna. Nolu av avkvdv:dci kindag jc cdc ngoluk pa:pcnampc ipcnammc.


Kapcnc sok lcgangc, cdvlo ngo cmpcsin menrasula:toma:bo:ji, ngo mclvgto jc ngo:jen noluk mc:jvgdcm kinna:ycpc, kapcnc pcsonam lcgangc jc kapcji ila cdc ka:bomc:bomoncdc nolum ka:bomc:bomoto odokkc jc ngoluk ager gernamdc cmmumpc iycpc.


Cmpige:la, ngolu longcdokkcpc ila:yam, kajc ngolu asinc ansv:lai, odokkc mc:jvgloklang aipc mc:namlo angkcng torasunancdcm gclai, odokkc tukkudok tornc dumlupko moturdokkcm gclai.


Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki,


Ngo Bvm aipai bido sc:kobv ngom sc tornamscm bitu:ji odok lcgangc, kapila:nc Bv ngom mc:jvg-jvrvgncko cmna kcbangba:to Bvk agerlo ngom gerdopc togc:lvgla,


Odok lcgangc ngom lutad luyirncpclang mclvgla ager gerncpc mclvgbito kapc ngo arodcm lubitu:ji, ngo lume:ycm lumang, Angu tani:kvdv:dok poyirnc mc:jvglo:lang arolo.


Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.


cdcmpimilo jen ngolum Bvk aya:pc mc:namkokki aidag cmna luycnc odokkc lo:dv longkvpc turnamlok mc:tomla du:namdok du:ngkonsumvnncpc iycpc.


cdcmpidag ngok dormo kancdc mc:jvgkokki turyc, odokkc jodi bv lamkupc ngedtedyc, ngok yalosc bvkkolo mc:poma:yc.”


Kapcnc ngolu Kristokolo orsudo, jodi ngolu mc:tinar–po:namdcm du:tcrdo:pc mcnggabtvla du:mvlo,


cmpige:la Kristobv awo akoncmpc Ru:ncpvnckc okumdo mc:jvgjvrvgdagai. Odokkc ngolu Bvk okumc ngolu jodi mc:tinsutvla du:mvlo odokkc ngoluk mc:tinno bottcpc mc:sutvmvlo.


Cdcmpc inamc ngolukkc sc:kobv taycng amongkvdv:do bottcru:nc dormoager gernc du:la, Jisubv, Ru:ncpvnckc Awodc, kajc ngoluk lude:sunamdcm gagtvla du:lai.


Ngolukkc sc yalodok arorungc dung odokkc lo:dvpc du:nc ollung ke:tumsunanc, mc:tinko kumko okumdok arang sorkomnam gasor kekondo:pc gva:nanc,


Ngoluk Ru:tum Jisukc Abudc akirba:d pa:ncpc ika:langka! Bvkkc bottcru:nc aya:pc mc:namki ngolu anupc turkangku Jisu Kristokc sikolokkc lckoda turkunamdokki mc:tintvla du:tvnamdo:pc,


Sc:kobv Ru:ncpvnckc ilang gvlangki ka:ridagrila lc:dagji mc:jvgki du:tcr ayirdo mopvko lcngkanpc cmna dung.


cmpige:la nolu Bvkkolok oko yonnvgnamdcm pa:tonc nolukkolo du:tvmvnyc, odokkc nolukkc manam kama:yc jc nolum sc:kosin poyir pcnam kama:yc; kapc Bvk yonnvgnamdc nolum appvng agomcm poyirdagnc, odokkc cdc arro, odokkc poyirtonc, Bvkkolo du:mvntoka.


No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ