KOLOSIANG 1:22 - ANU LUGOD N. T. (BSI)

²² Bv su:pak Bvk amvrdok adindo Bvk sinamdokki lckomotokubong, nolum angunpc odokkc aima:pc lugcngkama:dopc odokkc aimang cmna luka:la ludopc Bvk kcra:do,

KOLOSIANG 1:22 ပူးပေါင်းရင်းမြစ်များ

LU:KKC 1:75

angunna odokkc dormokanamkokki Bvk kcra:lo odokkc ngoluk turradu:dag appv:so.

ROMANKVDVNG 7:4

Cdcmv:pc, ngo bvrokvdvnga, nolu lujvglurodokkcpc sitobong Kristokc amvrdokki, odomvlojen nolu amikcpc idopc bvkkcpc sc:kom sikolokkcm turmotokuji ngolujen Ru:ncpvnckcpc a:ycm e:dopc.

2 KORINTIANGKVDVNG 11:2

Ngo noluk lcgangc taycng asin dvgnamko dvgdag, Kapila:nc ngo nolum Kristokcpc nolum tadpvrbitung nolum milbong akkongcm bvkkcpc mc:la gvnc yamnckoncmpc.

2 KORINTIANGKVDVNG 4:14

kinna jc sc:kobv Ru:tum Jisumc turmotokunc ngolumsin Jisukc lcdulo turmoycku odokkc noluk lcdulo Bvk dungkodo:pc langa:ycku.

2 KORINTIANGKVDVNG 5:18

Cdc appv:dc Ru:ncpvnckolokkc, sc:kobv Kristokokki ngolum Bvkkolo lckomotokuji odokkc ngolum lckomokunam agerdcm bito;

IPESIANG KVDVNG 1:4

Cdcmanggom Bv kapc ngolum Bvkkolo balenna la:toji, mo:pvsok amo:scm ru:lenma:dapci, jc ngolu angunpcnamc odokkc Bvk kcra:do aimang cmna lukosupcnammang.

IPESIANG KVDVNG 5:27

Jen Bv avdc mondoli:dcm avdo:pc ungjerdopc bisuycpc, atv aima:nc agomko cdcmanggom, saradnc intakko, cdcmanggom cdcmpinc atv attarc, jc bv:jen anguycpc odokkc atv narc:ma:nam kama:pc.

KOLOSIANG 1:28

Bvm ngolu lutadgo:bido, appvng tani:ycm lutadno:bila odokkc taycng among kinnam appvngki taniycm luyirbila, jen Kristokolo appvng tani:ycm jv:dopc mca:lvgyc.

1 TISSALONIANG 4:7

Kapcnc Ru:ncpvncbv ngolum napvnarc:ma:namlo:pc gogmang. Cmpige:la angunno:pcmvn.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

HIBRIUKVDVNG 10:10

Odokkc odo mcngkamdokki ngolum narcdopc mopu:to Jisu Kristokc amvrdcm tolvgla bila lckkattcrcm lo:dvlongkv lcgangc.

HIBRIUKVDVNG 10:20

anupc odokkc turnc lambcdokki okodcm Bv ngoluk lcgangc moge:tonc sorkomnam gasordokkc, cdcyam, Bvk adindokki,

HIBRIUKVDVNG 13:21

nolum appvng ainc attarkokki mosv:dag jc nolu Bvk mcngkamcm iyc-gvycpc, noluk ara:lo gerla jc okodc bvkkcpc kapc ka:podagji, Jisu Kristokokki; sckkcpc bv amin gvnamc lo:dv-longkvlokkcpc gvpcnammcji. Amen.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

2 PITOR 3:14

Cdcmpidag, aipc mc:bomsunamkvdvnga, nolu scmbulum toya:la du:namc, Bvkkokki oko koiyangcmsin kama:pc pa:dokupc cdcmanggom imursiyar kama:dopc, odokkc mcnganna mcngandopc.

JU:D 1:24

Su:pak Bvkkolo:pc sc:kobv nolum oledma:dopc du:bodagnc odokkc nolum Bvk amin gvkodc mc:po mc:pola atv imurko kama:dopc gva:mola:dagnc, cdc Ru:ncpvnc akko:do:pc,