KOLOSIANG 1:17 - ANU LUGOD N. T. (BSI)

¹⁷ Bv appvng attarcmyam po:pcbong lenpo:nc, odokkc Bvkkolo appvng attarc lckkopc gagpumsudag.

KOLOSIANG 1:17 ပူးပေါင်းရင်းမြစ်များ

JO:N 17:5

odokkc su:pak, Abba, no ngom amincm gvmoteika nok ka:de:pc nok lcdulo du:mvndodcm oko amin gvbokanc cdcmpinc amincm mo:pvscm ru:ma:dapci gvnamdokki.

JO:N 8:58

Jisubv bulum lubito, “Aroru:pc, aroru:pc, ngo nolum lubidung, Abrahammc oma:dokkcbong, ngo dung.”

AGER KVDVNG 17:28

kapcnc, “ ‘Bvkkolo ngolu turdo odokkc gvgo:do odokkc ngolu turra du:namdcm pa:do;’ noluk kobitang adnckvdv:dc:sin lunamdcmpc, “‘Kapila:nc ngolu aropakpci Bvkkolokkc lennc.’

1 KORINTIANG KVDVNG 8:6

Ckvdaggom ngolukkcpc Ru:ncpvnc akkongko dung, Abudc, okolokkc appvng attarcm ru:lentoji odokkc okolokkc ngolu du:doji, odokkc Ru:tumako, Jisu Kristobv, sckkokki appvng attarkvdv:dc odokkc sckkokki ngolu du:du:ji.

KOLOSIANG 1:15

Bv:na ka:begma:nam Ru:ncpvnckc yaloka:begdc, ru:nam appv:dok opo:nam appv:dc;

HIBRIUKVDVNG 1:3

Bv Ru:ncpvnckc amin gvnamdcm unkonsumodag odokkc Bvk mour tubjedardcmpc inam-sa:nam lcngkandag, mo:pv ap pv:scm agomdok ilang gvlangki jo:sa:la. Cdvlo Bv pa:pkvdv:dok lcgangc narcngmotonc, Bv taycng amo:to Mcngcru:namlok lagbvgpc tedkang.

HIBRIUKVDVNG 13:8

Jisu Kristobv c:mongc mclosin odokkc silosin odokkc lo:dvlongkvpc.

LUNGOR LUNAM 1:11

“Adtoka okodcm no ka:begdagji potindo odokkc cdcm mondoli: kvnvddo:pc mclvgtoka, Ipesu:pc odokkc Smirna:pc odokkc Pargamu:pc odokkc Tiatira:pc odokkc Sardi:pc odokkc Piladelpia:pc odokkc La-odikia:pc.”

LUNGOR LUNAM 1:17

Cdvlo ngo Bvm ka:begtoji, Bvk alcdo sipagncmpc ngo owa:to. Cmpige:la Bvk lagbvg alagdcm ngom scmpc lula pigabto, “Pcsoyok, ngo lenpongarncdc odokkc lentcrncdc, odokkc turra du:ncdc;

LUNGOR LUNAM 1:8

“Ngo Alpa:dc odokkc Omega:dc,” Ru:tum Ru:ncpvncdc ludag, sc:kobv du:ji odokkc sc:kobv dungaji odokkc sc:kobv gvkupcncdc:ji, cdc Appvngcm Migang ga:yangarncdc.

LUNGOR LUNAM 2:8

“Odokkc Smirna mondoli:kvdv:dok taycng lutad luncdo:pc adtok: “Lenpongarncdok odokkc lentcrdok agomkvdv:dcm, taycng among lutaddo:pc adtoka:, sc:kobv sika:ji odokkc turkangkuji.