KOLOSIANG 1:15 - ANU LUGOD N. T. (BSI)

¹⁵ Bv:na ka:begma:nam Ru:ncpvnckc yaloka:begdc, ru:nam appv:dok opo:nam appv:dc;

KOLOSIANG 1:15 ပူးပေါင်းရင်းမြစ်များ

JO:N 1:1

Lendo-a:dodo Gomugdc dungai, odokkc Gomugdc Ru:ncpvnckc lcdulo dungai, odokkc Gomugdc Ru:ncpvncbvai.

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

JO:N 14:9

Jisubv bvm lubito, “Ngo siddv longcko du:mvnma:lang, odokkc ckvdaggom nolu ngom kinmang, Pilipa? Sc:kobv ngom ka:tobo:nc Abubvmci ka:tobong; no kapc lula:don, ‘Ngolum Abudcmci lcngkanteika cmna?

JO:N 15:24

Ngo sc:kosin ima:nam agerko buluk ara:lo gertomvlo, bulu pa:bcm ima:ya:pc; cmpige:la su:pak bulu ka:tobong odokkc ngomna: Abumc anyipagcm tayumto.

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

PILIPIANG KVDVNG 2:6

Ru:ncpvnckcmpc Bv idaggomsin, Ru:ncpnckcmpc Bvkkvddvnc cmna kvtc:sutomaji.

KOLOSIANG 1:13

Bv ngolum kcmodok mokomla du:namdokkc mopvto odokkc ngolum Bvk aipc mc:nam Awodok migom dokodo:pc mckonsulvgto,

1 TIMOTI: 1:17

Dv:takkvdv:dok migomdo:pc, sima:nc, ka:begma:nam, Ru:ncpvnc akko:dc, mcnggcma:namclang amin gvnamc lo:dv-longkv lo:dv longnkvpc dungka:langka. Amen.

1 TIMOTI: 6:16

sc:kobv atcro:do sima:nammc du:ji odokkc ka:rvgsula:ma:nam pva:lo du:doji, sc:kom oko tani:ycsin cdvlosin kangkvma:nc cdcmanggom ka:la:ma:nc. Bvkkolo:pc mcnggcnammc odokkc lo: dv-longkvpc migom donamc dungka:langka. Amen.

HIBRIUKVDVNG 1:3

Bv Ru:ncpvnckc amin gvnamdcm unkonsumodag odokkc Bvk mour tubjedardcmpc inam-sa:nam lcngkandag, mo:pv ap pv:scm agomdok ilang gvlangki jo:sa:la. Cdvlo Bv pa:pkvdv:dok lcgangc narcngmotonc, Bv taycng amo:to Mcngcru:namlok lagbvgpc tedkang.

HIBRIUKVDVNG 1:6

Odokkc lckoda, cdvlo Bv opongarnamkvdv:dcm mo:pvso:pc gvboyckunc, Bv ludag, “Ru:ncpvnckc taycng lutad appv:dcm Bvm kummotoka.”

HIBRIUKVDVNG 11:27

Mc:jvgkokki bv Igiptclcm mcto, migomdok aglv:dcm pcsoma:pc; kapcnc bv menrasula du:to sc:kom ka:begma:ji.

LUNGOR LUNAM 3:14

“Odokkc Laodikia mondoli:dok taycng among lutad luncdo:pc adtoka: ced A:mendok agomkvdv:dcm cdc mc:jvg jvrvgncdokkc odokkc aro lukanbincdokkcm, cdc Ru:ncpvnckc ru:lenamdokkc.