KOLOSIANG 1:12 - ANU LUGOD N. T. (BSI)

¹² Abumc aipi bila: bila, sc:kobv ngolum ilang-gvla:ncpc imotoji pva:do dungkupcnc aipc kumnc tani:kvdv:dok lcdulo du:tc:mvndokupc.

KOLOSIANG 1:12 ပူးပေါင်းရင်းမြစ်များ

AGER KVDVNG 20:32

Odokkc Bvk ayang abonamdok agomdo:pc tolvgdung, okodc nolum mosa:pc mosa:ladagji odokkc nolum sc:kobulum narc:pc mopu:tonc buluk du:tcngcm du:bomdopc imola:dagji.

IPESIANG KVDVNG 1:11

Bvkkolo Bvk asin mc:namdok mcngkamdcmpc sc:kobv appvng agercm gerpvtdagnc Bvk luyirnamdok mcngkamdcmpc,

IPESIANG KVDVNG 1:18

Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

IPESIANG KVDVNG 3:6

cdcyam, kapc Ru:ncmc kinma:nc tani: kvdv:dc attar pa:tcmvnjoncji, amvr atcro:dok alc alagc, odokkc Kristo Jisukc pesunamdcm pa:tc:mvnnc tadponc agomdokki.

2 KORINTIANGKVDVNG 5:5

Sc:kobv ngolum sc attarsok lcgangarc mosv:tonc Ru:ncpvncbv, sc:kobv ngolum Yalodcm aroru:ngc lcngkanpc bitu:ji.

ROMANKVDVNG 8:17

odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

HIBRIUKVDVNG 3:14

Kapcnc ngolu Kristokolo orsudo, jodi ngolu mc:tinar–po:namdcm du:tcrdo:pc mcnggabtvla du:mvlo,

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

LUNGOR LUNAM 21:23

Odokkc cdc nogordc oko do:nycmsin cdcmanggom po:lom odok tayc:do ka:mopc mapcnam katomang, kapcnc Ru:ncpvnckc amin gvnamdci odok pva:dc, odokkc odok saki:dc cdc Awome:r sobendc.

HIBRIUKVDVNG 12:23

odokkc gvkumsunamdcm opongarnamkvdv:dcm taycng dungkoto amincm adgabtak, odokkc kcba: ba:nckolo:pc sc:kobv appvngkc Ru:ncpvnncji, odokkc tani:kvdv:dc monam aiyo:pc imonam yalo kvdv:dcm, odokkc Jisukolo:pc,

KOLOSIANG 2:2

jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

IPESIANG KVDVNG 5:20

lo:dvscm odokkc appvng lcgangc ngoluk Ru:tum Jisu Kristokc aminno Ru:ncpvnc Abumc aipai bila.

1 KORINTIANG KVDVNG 8:6

Ckvdaggom ngolukkcpc Ru:ncpvnc akkongko dung, Abudc, okolokkc appvng attarcm ru:lentoji odokkc okolokkc ngolu du:doji, odokkc Ru:tumako, Jisu Kristobv, sckkokki appvng attarkvdv:dc odokkc sckkokki ngolu du:du:ji.

ROMANKVDVNG 15:27

Cdcm ipc bulu mc:lvgsukangai, odokkc aroru:pci bulu bulukkcpc murkong langgcsucsin, kapila:nc Angu tani:kvdv:dc buluk yalodok akirba:d pa:namkvdv:dcm lukansukapc gvdomvlo, bulu bulukkcpc atv attar akirba:d kvdv:dok lcgangcsin ager gerncpc ipc ipcnammc.

JAKOB 3:9

Odokki ngolu Ru:tummc aipai bido odokkc Abudcm, odokkc odokki ngolu tani:kvdv:dcm pelvgdo, sc:kobulum Ru:ncpvnckcmpc motakji.

HIBRIUKVDVNG 3:1

Cdcmpidag, angunnc bvrrangkvdvnga, sc:kobulu taycng gognamcm tadmvndonc, Jisumc mc:toka, ngoluk lude:sunamlok ager gernamdc odokkc kumnam agerlok bottcnc.

KOLOSIANG 3:17

Odokkc oko okodcmci nolu idonc, agomki cdcmanggom agerlo, appvngcm Ru:tum Jisukc aminno ilangka, Ru:ncpvnckc Abudcm Bvkkokki aipai bila.

KOLOSIANG 3:15

Odokkc Kristokc mcngandc noluk asinkvdv:dcm ka:sv:bommotoka, okodo:pc nolum aropakpc gogtoji amvrakkongkolo:pc.

IPESIANG KVDVNG 5:4

Ya:nc agomc du:mangka:langka, cdcmanggom lutum-lulumna lunam agomcm, cdcmanggom mcngcsagcma:pc lunamc, okodc:bulu aima:ji; cmpige:la cdcmyam aipai binamc dungka:langka.

IPESIANG KVDVNG 4:6

Sc:kobv appvngcm taycngarya:ngc odokkc appvngkokki, odokkc appv:lo.

1 KORINTIANG KVDVNG 9:23

Ngo cdcm tadponc lutaddok lcgangc ido, jc ngo odok akirba:dkvdv:dok pa:mvnpc cmna.

ROMANKVDVNG 11:17

Cmpige:la rcngke:kvdv:dok akke dvrsodamkang, odokkc nolusin, yumrang Jolpai oiyinnc, Jolpai vsvng amv:dokkcm mitcmircmdcm pa:mvnsupc cmna pasotge:la ilvgto, rcngke:kvdv:dcm pa:la bottapc lusuyok.

ROMANKVDVNG 9:23

Bvk amin gvnamdok mircmdcm lcngkanpc ayangabodok lcgangdcm, okodcm bv po:pcbong amingvnam lcgangc mosv:toji, ngolumci sc:kom Bv gogtoji,

JO:N 20:17

Jisubv bvm luto, “ngom gagkvyok, kapila:nc su:paksin ngo Abukoto:pc pv:sangkuma:da; cmpige:la ngok bvrrang kvdvngolo:pc gvkangkuk odokkc bulum lulangka, ngo Abukoto:pc dc:sang dungkubong odokkc noluk Abukodo, ngok Ru:nc sa:nclang noluk Ru:ncsa:nc koto:pc.”

JO:N 4:23

Cmpige:la ayirdc pvnga:du:bong, odokkc su:pakna, kumnckvdv:dc cdvlo Abudcm yalokokki odokkc arokokki kumycpc, kapila:nc cdcmpcna Abudc Bvm kumtoka cmna madagnc.

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

LUNGOR LUNAM 22:14

Cdc sc:kobulu migom gcnam attar kvdv:dcm nvpu:sula du:dagji bulu akirba:d pa:nc ja:te bulukkc turnam vsv:dokkcm pa:la:nam ilang gvlang pa:ycpc odokkc bulu nogordo:pc yabgokvdv:dok gva:laycpc.

LUNGOR LUNAM 22:5

Odokkc yummc cdvlosin kakuma:ycbong; bulu atv saki:lok pvangko cdcmanggom do:nyiko lagima:ycbong kapcnc Ru:tum Ru:ncpvncbv buluk pva:pc iycku, odokkc bulu lo:dv longkvpc migom doycku.

1 JO:N 1:3

Jc ngolu okodcm ka:tonc odokkc tattonc ngolu nolum lutadbidu:sin, odomvlo jen ngolukkokki ajon jonsunammcm jonsuycpc; odokkc ngoluk ajon jonsunamdc Abudokki odokkc Bvk Awo Jisu Kristokokki.

1 PITOR 5:1

Cdcmpila ngo noluk ara:dok abv:nc kvdv:dcm abv:nckoncmpc lusvngcm ludo, odokkc Kristokc ipusire:ycm pa:mvnnamdok lukanbincpc ila cdc amin gvkupcnc lendoku longcdok pa:tc:mvnncpcsin ila.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

2 KORINTIANGKVDVNG 11:14

Odokkc mcngapla:ma:nampc imang, Kapila:nc Uidc:sin bv avdcm pva:lok taycng among tani:yc cmna lc:sula lcngkansudag.

IPESIANG KVDVNG 2:18

Kapila:nc Bvkkokki ngolu anyipagc Yalo akkolo Abukodo:pc gva:napc gva:langcm pa:to.

IPESIANG KVDVNG 5:8

Cmpige:la su:pak nolu Ru:tumkc pva:do dung;

IPESIANG KVDVNG 5:11

Kcmolok a:yc kama:nc ager kvdv:do okkomsin imvnyoka, cmpige:la cdcmbulum mcpaktoka.