KOLOSIANG 1:10 - ANU LUGOD N. T. (BSI)

¹⁰ Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo.

KOLOSIANG 1:10 ပူးပေါင်းရင်းမြစ်များ

IPESIANG KVDVNG 4:1

Ngo cdcmpila, Ru:tumkc lcgangc makana:lo tumnamc, kumna ludung nolum gognamdok arckadopc turnamc turra dunggcdopc okolopc nolum gogtoji,

HIBRIUKVDVNG 13:21

nolum appvng ainc attarkokki mosv:dag jc nolu Bvk mcngkamcm iyc-gvycpc, noluk ara:lo gerla jc okodc bvkkcpc kapc ka:podagji, Jisu Kristokokki; sckkcpc bv amin gvnamc lo:dv-longkvlokkcpc gvpcnammcji. Amen.

1 JO:N 3:22

odokkc ngolu Bvkkolokkcm okodcmci kodoji Pa:do, lcga:dc ngolu Bvk lujvg lulvgkvdv:dcm lukamdcmpc gagla du:do odokkc okodc Bvm mc:lvgsumodagji.

JO:N 15:16

Nolu ngom balenmangai, cmpige:la ngo nolum balento odokkc agercm gerdopc lugablvgto odomvlo gvla a:yc e:dopc cmna odokkc noluk a:yckvdv:dc du:mvnna du:dopc cmna; odomvloyam nolu ngok aminno Abudcm okodcmci koycnc, Bv cdcmci nolum biycpc cmna.

1 TISSALONIANG 4:1

Adtcrso, bvrokvdvnga, ngolu kumna odokkc luyirla ludung nolum Ru:tum Jisukolo, jc nolu kapc ngolukkolokkcm kapc turpcnammcnc odokkc Ru:ncpvncmc mc:lvgsumopcnamcnc kinto, kappar nolu ila du:nc, nolu asudkoda bojc bojcyangko itvtoka.

HIBRIUKVDVNG 13:16

Ainc agercm gerpc mc:yamc:sayok odokkc nolukkc okko du:ji cdcm bisupc, kapcnc cdcmpinc palvgnam kvdv:dc Ru:ncpvncmc mc:lvgsumodag.

JO:N 15:8

Odokki ngok Abubv amin gvdag, odomvlo nolu bojcrungko a:yc gcdopc cmna, odokkc ngok agom tadjvgla gvmvnnc tani:yc cmna lcngkancm ibiyc.

TITUS 3:14

Odokkc ngoluk tani:kvdv:dcm bulu avkvdv:dcm ainc ager gernamdo gerdopc dungkaisumolang, mcna:pc manam atvlo idum gvdumsunam pa:dopc, odokkc arc kama:dopc ima:dopc.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

2 PITOR 1:8

Kapcnc jodi sc atvkvdv:sc nolukkc odokkc pv:namkopc du:yc, cdcbulu nolum agom ka:boma:pc cdcmanggom a:yc e:ma:dopc ngoluk Ru:tum Jisu Kristokc kinnamlo lc:pakma:yc.

KOLOSIANG 2:6

Kapc cdcmpila nolu Kristo Jisumc torvgsutonc Ru:tumdcm, cdcmpidag Bvkkolo turtoka,

1 TISSALONIANG 2:12

ngoluk appvngcm asincm pvtadopc lusv:toji odokkc nolum lugaplvkkaji Ru:ncpvnckc arckadopc turnamko turdopc, sc:kobv nolum Bvk avkc migom dokodo:pc gogdagji odokkc amin gvnamdo:pc.

KOLOSIANG 4:5

Mo:rongolok tani:kvdv:dcm nolu kinnc-pa:ncpc ila ila:sa:langka, appvng ayirkvdv:do aiyo:pc.

IPESIANG KVDVNG 5:15

Ka:tok ansuka:sula cmpcm kapc nolu lambcm gvdoji, asin mcngkinma:nc tani: kvdv:dcmpcmang cmpige:la kinnc-pa:ncmpc,

IPESIANG KVDVNG 2:10

Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

2 KORINTIANGKVDVNG 2:14

Cmpige:la Ru:ncpvncbv aipai pangka:langka, sc:kobv ngolum lo:dvscm Kristokokki mopvla mc:modagji, odokkc ngolukkokki Bvk kinnamlo nampodcm appv:lo:pc mcgo:lvgdag.

ROMANKVDVNG 6:4

Ngolum cdcmpila Bvk lcdulo agolo lc:to sinamlo:pc baptismo binamdokki, odomvlo jen Kristomc sikolokkcm turmokunamcmpc Abudok amingvnamdokki, ngolusin turnamlok lambcm gvpcnammc.

IPESIANG KVDVNG 5:10

odokkc okodc Ru:tummc aipc mc:lvgsumodagji kinpc cmna itoka.

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

PILIPIANG KVDVNG 1:11

Dormokanamlok a:yckvdv:dc bi:la okodc Jisu Kristokokki gva:doji, Ru:ncpvnckc amin gvnamclang aipai binam lcgangc.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

TITUS 3:1

Bulum migom donc kvdvng odokkc kanggabdaggabnc kvdv:dok agom lulvg tadkampc du:dopc mc:pa:dopc lutoka, agom taddopc, atv mcnggcnam ager lcgangc mosv:sula du:dopc, sc:komsin aima:nc agomcm luma:dopc,

KOLOSIANG 3:20

Kowawkvdvnga, noluk ancabukvdv:dok agom lukamdcmpc appvngagomlo tadlangka, kapcnc cdc Ru:tummc mc:lvgsumodag.

IPESIANG KVDVNG 4:13

Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc.

HIBRIUKVDVNG 11:5

Mc:jvgkokki Inosmc tayc:pc la:sa:to odomvlojen bv sinamcm ka:pa:ma:ycpc cmna; odokkc bvm pa:tokumang kapila:nc Ru:ncpvncbv bvm gvbokangku cdcmpinamc bvm gvbokuma:dapc bv Ru:ncpvnckc kcra:pc du:mvn gvmvnna mc:pomcnganmoto.

2 TIMOTI 2:4

Oko mimag monncsin agerro du:dom okum agerdo gergo:la du:mang, bvk ka:la gernamdc bvm gerdopc mca:lvgncdcm mc:lvgsumopc cmna mc:nampc ila:yam.

KOLOSIANG 2:19

Odokkc Tukkudcm gaggabtvla du:ma:pc, okolo amvr appv:dc mosv:dagji odokkc lckopc ri:pumsutagji odok mosetsuko kvdv:dok odokkc i:rkvdv:dokki, sv:namdokki sv:do okodc Ru:ncpvnckolokkcji.

PILIPIANG KVDVNG 4:18

Ngo binam appv:dcm pa:to odokkc bojcko; ngo pv:dankang, Ipapraditu:kolok noluk mclvgnam amandcm torvgsula, kvnggv:pc namu:nc palvgnamdcm, Ru:ncpvnckcpc torvgsunam odok mc:lvgsunamko.

IPESIANG KVDVNG 1:17

jc ngolu Ru:tum Jisu Kristokc Ru:ncpvncbv, amin gvnamlok Abudc nolum taycng Yalo kinnamcm biycpc odokkc Bvk kinnamlok lungor lunamc.

2 KORINTIANGKVDVNG 9:8

Odokkc Ru:ncpvncbv nolum pv:sepv:yenamko appvng akirba:dcm nolum bila:dag, odomvlo jen nolukkc lo:dcm appvng pv:namkopc pa:ycpc odokkc appvng ainc ager kvdv:dok lcgangc pv:se-pv:yenamkopc biycpc.

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

ROMANKVDVNG 4:12

odokkc cdcmv:pc gadpuknam kvdv:dok abudc sc:kobulu cmmumpc gadpukma:ji cmpige:la mc:jvgdcmsin lukamdcmpc taddagji okodc ngoluk abu Abrahamkc bvm gadpukma:dapc dungaji.

ROMANKVDVNG 1:13

Ngo nolum kintoka cmna mc:dag, bvrokvdvnga, jc ngo mcna:mcna:pc nolukkolo:pc gvpc cmna mc:to (cmpige:la su:paklo:pc motumna lc:tag,) cdcmpc ila jc ngo:jen nolukkolok arvgcm gaddopc Ru:ncpvncmc kinma:nc tani:kvdvng ara:do:pc cdcmv:pc.

2 KORINTIANGKVDVNG 5:9

Cdcmpidag ngolu mcngkampc du:mvndaggom, ngolu cdcm ngoluk mcngkampc itu:bong Bvm aipc mc:lvgsumopc cmna.

3 JO:N 1:6

sc:kobv nok aipc mc:namdcm mondoli:do lukanbitoji. No bulum ainc agercm Ru:ncpvnckcpc geryc bulum gvmokunamdo.