JU:D 1:3 - ANU LUGOD N. T. (BSI)

³ Mc:bomsunam kvdvnga, ngoluk appvngc pa:nam mopvtdok agomcm kvnggv:pc nolukkolo:pc adlv:la ngo cdcm nolum lugotpc lula adpcnamdcm aidopc ka:to mc:jvgdok lcgangc gagtvla du:nam lcgangc okodcm lcko atcro:lo aipc kumnc tani:kvdv:dcm bitobo:ji.

JU:D 1:3 ပူးပေါင်းရင်းမြစ်များ

1 TIMOTI: 6:12

Ainc mc:jvgdok lcgangc silvg-siya:la mc:toka lo:dv-longkvpc turnamdcm gagtvla du:toka okodo:pc nolum gogtoji cdvlo no ainc lude:sunamdcm bojcrung lukanbinclok kcra:lo lusukaji.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

JU:D 1:20

Cmpige:la nolum mc:bomsunamkvdvnga, av-avyc nolu mosa:sutoka noluk airu:pc angunnc mc:jvgnam kvdv:dokki; Angunnc Yalodo Kumnangka;

LUNGOR LUNAM 12:11

Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.

TITUS 1:4

Tituskolo:pc, ngok awodc lo:dcm mc:jvgnamlo: Ayangc odokkc mcnganc Ru:ncpvnc cdc Abudokkc odokkc Kristo Jisubv ngoluk Morturnckolokkc.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

2 TIMOTI 1:13

Aropc ainc agomkvdv:dok lukamdcmpc tattoka okodcm ngokkolokkcm tadtoji, mc:jvgdo:lang aipc mc:namdo okodc:bulu Kristo Jisukolo du:ji;

1 TIMOTI: 1:18

Sc lujcmscm ngo nom lulvgdung, Timoti:ya, ngok aowa, lungor lunamdok lukamdcmpc okodc nokkolo:pc sudkandagnc, jc cdc bulukkokki ilanggvlangcm pa:la nolu ainc mimagcm motoka, mc:jvgdcm mcnggabbomla odokkc ainc mcngc-saggcm mcnggabbomna.

GALATIANG KVDVNG 2:5

bulum ngolu kcvgpc du:namdcm tadtomang cdcmv:pc migyap ako lcgangcsinci; jc tadponc agomdok arodcm noluk lcgangc mosv:la lc:ycpc cmna.

HIBRIUKVDVNG 13:22

Ngo nolum kumna:sola: ludung, bvrrangkvdvnga, ngok lujvgpc luyirra lunam agom kvdv:scm mcnggcmvntoka, kapcnc ngo nolukkolo:pc andcngo:pc attobong.

AGER KVDVNG 9:22

Ckvdaggom Soulbv ilang gvla:namlok kvnggv:barbomkang, odokkc Damaskudok du:nc Jiwukvdv:dcm mcngkin-mc:para: ma:dopc ingapto Jisubv:jc Kristobvai cmnamdcm lulenlua:bila.

1 TISSALONIANG 2:2

cmpige:la ngo Pilipi:do cmpci du:gcm gvttoibong odokkc anyv:sudopc ittoibong, kapc nolu cmpci kindagji, ngolukkolo asina:ngc pvtanammc ngoluk Ru:tumkolo dungai nolum Ru:ncpvnckc tadponc lutaddcm lubipc kvnggv:pc birudi:ko kcra:lo.

1 KORINTIANG KVDVNG 15:3

Kapila:nc ngo mayangarnamdcmpc okodcm ngo pa:toji, jc Kristobv ngoluk pa:p lcgangc Ru:nckc agom jvggabdcmpc sikang,

AGER KVDVNG 4:12

Odokkc sckkolo:sin motur turnamc kamang, kapila:nc taycng kcyvgso oko amincsin kamang tani:kvdv:dok ara:lo okodokki ngolu mopvsupcnammcji.”

AGER KVDVNG 18:28

Kapila:nc astoro:dok agom kvdv:dcm lcngkanna Kristobv jc Jisubvai, kvnggv:ru:pc Jiwukvdv:dcm ka:de:pc aromang cmna lupakto.

AGER KVDVNG 17:3

Kristokcpc ipusire: pangge:la sikolokkc turkupcnamai cmnamdcm lulen-lua:la lubila, odokkc scmpc lula, “Sc Jisuscm sc:kom ngo nolum lutadcm lubidu:ji, bv:na Kristodc.”

JU:D 1:17

Cmpige:la nolu mc:pa:ru:pa:yc, mc:bomsupcnam kvdvnga, ngoluk Ru:tum Jisu Kristokc luno:la lunamkvdv:dcm;

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

1 PITOR 5:12

Silbanu kolokkc, aipc mc:jvg jvrvgnc bvrokopc kapc ngo mcnggabdagnc bvm, ngo nolukkolo:pc andcngo:pc adtobong, luyirra lula odokkc lulenbila jc cdc Ru:ncpvnckc aropc ayangdc; oddong nolu du:di:di:la du:toka.

KOLOSIANG 1:2

Aipc kumnc tani:kvdv:do:pc odokkc Kolosiangkvdv:dok Kristokolo mc:jvg jvrvgnc bvrokvdv:dc: Nolukkolo:pc aya:pc mc:namc odokkc ngoluk Abu Ru:ncpvnckolokkc mcnganc.

PILIPIANG KVDVNG 1:1

Poullang Timoti:bv, Kristo Jisukc ager gerya:nc– Kristo Jisukolo du:nc aipc kumnc tani:kvdvng sc:kobulu Pilipi:do du:nc, paduri:kvdv:dokki odokkc dormo ager igur-gvgurnc kvdv:do:pc:

IPESIANG KVDVNG 1:1

Poulkolokkc Ru:ncpvnckc mcngkamdokki Kristo Jisukc mclvgla ager germonammc, Ainc Kumnc tani:kvdv:do:pc sc:kobulu Kristo Jisukolo mc:jvgdagsinji:

GALATIANG KVDVNG 6:11

Kangkvtok kapinc bortanc do:jvgkko ngo nolukkolo:pc addu:nc ngok avkc alagkokki.

AGER KVDVNG 28:28

“Cdcmpcmvlo cdcm nolum kinabmokang ka:langka jc sc Ru:ncpvnckc mopvtsc Ru:ncmc kinma:nc kvdv:do:pc mclvgtagbong; bulu tadycpc.”

AGER KVDVNG 20:27

kapila:nc ngo Ru:ncpvnckc appvng ru:su-pa:sunammcm nolum lubinamdcm ngedkud sutomang. Nolu avkvdv:dc avkvdv:dok lcgangc ansulangka odokkc noluk appvng kcrc:dok lcgangc,

GALATIANG KVDVNG 3:28

Jiwucba: Girikko odo kamang, pagbokoba: motunamko kamang, milbongkoba: nc:vgko kamang; kapila:nc nolu appvngc Kristo Jisukolo akkongc.

AGER KVDVNG 6:7

Odokkc Ru:ncpvnckc agomdc bojcbomna gvbomkang; odokkc Jerusalemdo agom tadla gvmvnnckvdv:dok kvnamc kcrcng kcrc:pc, odokkc dormo ager gernckvdv:dok bojcrungc mc:jvgdok mcngkampc ikangai.

AGER KVDVNG 9:13

Cmpige:la Anania:bv lubito, “Ru:tuma, cdc amidok agomcm bojcrungko ngo tadtung, nok Jerusalemolok kumnc tani:kvdv:dcm cddvkopc okkom itoji;

HIBRIUKVDVNG 6:9

Ngolu cdcmpc ludaggom, cdcmpc idaggom noluk agomlo, aipc mc:bomsunam kvdvnga, ngolu turnam pa:namdok atvcm aiya:pc mc:dag.

2 PITOR 2:21

Kapcnc bulukkcpc cdvlosin kinma:yamvlo cdc aiya:ya:pc cdc dormokanamdok lambcdcm cdc cdcm kinge:la:sin bulum angunnc lulvgcm lunamdokkc gvlatkunamdcmpcyam.

JU:D 1:1

Ju:dbv, Jisu Kristokc ager gerya:nc odokkc Jakobkc bvrro– Cdc sc:kobulum gogtagji bulukkolo:pc, Ru:ncpvnckolo odokkc Abudo aipc mc:bomsunamdo odokkc Jisu Kristokcpc lc:nam kvdv:do:pc: