JU:D 1:25 - ANU LUGOD N. T. (BSI)

²⁵ ngoluk Mopvtnc Jisu Kristokc ngoluk Ru:tumkolo:pc, amin gvnamc, migang ga:namc, motapnammc, odokkc migomdonamc, appvng ayirdok po:pcbong odokkc su:pak odokkc lo:dv longkvpc-ika:langka. Amen.

JU:D 1:25 ပူးပေါင်းရင်းမြစ်များ

1 TIMOTI: 1:17

Dv:takkvdv:dok migomdo:pc, sima:nc, ka:begma:nam, Ru:ncpvnc akko:dc, mcnggcma:namclang amin gvnamc lo:dv-longkv lo:dv longnkvpc dungka:langka. Amen.

JO:N 5:44

Nolu kapc mc:jvgycn, sc:kobv akon akonnokkcm aidag cmnamcm mancdcm odokkc Ru:ncpvnckolokkc gvinc aidag cmnamdcm mama:ncdcm?

ROMANKVDVNG 11:36

Kapila:nc Bvkkolokkc odokkc Bvkkokki odokkc Bvkkolo:pc appvng attarkvdv:dc. Lo:dvscm Bvkkolo:pc amin gvnamdc dungka:langka! Amen.

HIBRIUKVDVNG 13:8

Jisu Kristobv c:mongc mclosin odokkc silosin odokkc lo:dvlongkvpc.

LUNGOR LUNAM 1:6

Bvkkolo:pc sc:kobv ngolum aipc mc:dagji odokkc ngolum ngoluk pa:p kvdv:dokkcm mopvttoji Bvk i:dokki ngolum migom dokokopc motoji, Bvk Ru:ncpvnclang Abudok kumnam ager gergurncpcbulu imotoji, Bvkkcpc amin gvnamdc odokkc mopvnamdc lo:dv longkvpc dungka:langka. Amen.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

ROMANKVDVNG 16:27

Kinnc-pa:nc Ru:ncpvnc akko:dokkc aminc gvka:langka Jisu Kristokokki lo:dv-longkvpc! Amen.

METIU 6:13

Odokkc ngolum ka:bomc:bokolo:p gvboyoka, cmpige:la ngolum aima:nc yalodokkcm moya:langka.

IPESIANG KVDVNG 3:21

Bvkkcpc mondoli:lo aminc gvka:langka odokkc Kristo Jisukolo appvng opvnno, lo:dv-lo:dcm. Amen.

JO:N 4:22

Nolu okodcm kinma:ji cdcm ngolu kumdag; ngolu okodcm kindagji cdcm ngolu kumdo, kapila:nc mopvtnamdc Jiwudi:kvdv:dokkc lenyc.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.

TITUS 3:4

cmpige:la cdvlo Ru:ncpvnckc ainamdc odokkc ansv:nc asin gcnam aya:pc mc:nam ngoluk Moturncdc lenka:nc, Bv ngolum moturto,

TITUS 2:10

cmpige:la appv:dcm aroru:pc narc:pc lcngkandopc, odomvlojen appv:lo bulu Ru:ncpvnckc ngoluk Moturncdcm aiyo:pc lunam agomdcm gcycpc.

1 TIMOTI: 2:3

Cdc aidag, odokkc cdc Ru:ncpvnc ngoluk Moturnckc kangkolo torvgsula:nammc,

IPESIANG KVDVNG 3:10

Jc mondoli:dokki Ru:ncpvnckc bojcrungkopc inc kinnamdcm jen su:pak kinmoycpc migom doko mo:pvkvdv:do odokkc ilang-gvlang kvdv:do taycng dungkokvdv:do.

IPESIANG KVDVNG 1:8

Bvk ayangabonamlo mircmdokki okodcm ngolukkolo pidlvgtoji.

ROMANKVDVNG 11:33

O mircmdok o:rv:dc odokkc agom kinnamdc odokkc Ru:ncpvnckc kinnampa:namdc cddvkojc o:rv:dagnc! Kapc jc Bvk kcba:ba:namdc mala mapa:ma:namcnc odokkc kapcjc mcngkinma:namcnc Bvk lambckvdv:dc!

LU:KKC 1:47

Odokkc ngok asinsc Ru:ncsa:nckolo mc:podung ngok Moturnckolo,