JU:D 1:20 - ANU LUGOD N. T. (BSI)

²⁰ Cmpige:la nolum mc:bomsunamkvdvnga, av-avyc nolu mosa:sutoka noluk airu:pc angunnc mc:jvgnam kvdv:dokki; Angunnc Yalodo Kumnangka;

JU:D 1:20 ပူးပေါင်းရင်းမြစ်များ

IPESIANG KVDVNG 6:18

Yalodo appvng ayirlo kumlangka, appvng kumnamclang kumrcnamkokki. Cdc appv:do mentumsula du:namkokki ansuka:sula du:langka, aipc kumnc tani:kvdv:dok appvngkc lcgangc kumrcla kumna,

1 KORINTIANG KVDVNG 14:15

Okkom ngo ipcnammcn? Ngo yalodokki kumyc odokkc ngo asindokkisin kumyc; Ngo yalodokki ni:tom moyc odokkc ngo asindokkisin ni:tom moyc.

KOLOSIANG 2:7

appvrc pvra:la odokkc mosa:la odokkc mc:jvgdo mongapto, kapc nolum poyirtoji, aipai binamc pv:se-pv:yelangka.

1 TISSALONIANG 5:11

Cdcmpidag akoncm akonc asincm pvtamolang odokkc akoncm akonc mosa:lang, kappar nolu ila du:ji.

1 KORINTIANG KVDVNG 14:26

Cmpcmvlo okkon, bvrrangkvdvnga? Cdvlo nolu gvkumsudonc, appvngkc mc:jvg ni:tomko du:do, luyir agom ako, lungor agomko, gomug lunamko, cdcmanggom lukur lule:la lunamko. Appvng agercm aiya:la gvnamlcgangc gerka:langka.

ROMANKVDVNG 8:15

Kapila:nc nolu pcsokupc cmna pagbolok yallom torvgsumangai, cmpige:la nolu awo:lok yalodcm torvgsuto. Cdvlo ngolu “Abba!” Cmna gogtoji;

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

IPESIANG KVDVNG 4:29

Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc.

AGER KVDVNG 9:31

Cdcmpila mondoli:dc Judiang appv:do odokkc Galildo odokkc Samaria do mc:pomcnganna dunggai odokkc mosa:tungai; odokkc Ru:tummc pcsola du:dungai odokkc Angunnc Yalodok aipc du:bonamki bojc bojcla gvdungai.

IPESIANG KVDVNG 4:16

Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.

IPESIANG KVDVNG 4:12

Aipc kumnc tani:kvdv:dcm mosv:pc ager gernamdok lcgangc, Kristokc amvrdcm mosa:pc.

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

1 JO:N 5:4

Kapcnc okodci Ru:ncpvnckolokkc lenncnc rcngamscm mopvla:dag; odokkc cdcna rcngamscm mopvnamdc, ngoluk mc:jvgdc.

JAKOB 2:22

Nolu ka:tojc mc:jvgdc bvk agerdo du:mvndungai, odokkc mc:jvgdc agerkokki ipvtgvpvtto,

TITUS 1:1

Poulbv, ager gerya:nckon Ru:ncpvnckc odokkc Jisu Kristokc mclvgla ager gerncko, Ru:ncpvnckc balennamkvdv:dok mc:jvgdcm mc:barmopc buluk arodok kinnamdcm okodc dormo kanamki lckopc imvndagji,

1 KORINTIANG KVDVNG 10:23

“Appvng attarc lujvg-luro lukamdcmpc idag,” ckvdaggom appvng attarc idum-gvdumsumang. “Appvng attarc lujvg-luro lukamdcmpc idag.” Ckvdaggom appvng attarc tayc:pc mosa:lvgmang.

ROMANKVDVNG 15:2

ngoluk appvngc kajc bvkkc bvkkc kumrvko:rcm bvk ainam lcgangc bvm aikampomopc cmna aipc mc:molai.

AGER KVDVNG 15:9

Odokkc Bv bulukkoloklang ngolukkolok oko angucmsin du:motomang, cmpige:la buluk asinkvdv:dcm mc:jvgkokki mopu:to.

2 TIMOTI 1:5

Ngom noluk mc:juppc mc:jvgnamdcm mc:pa:motok, cdc nok ya:yo Loiskolo dunga:danna mc:jvgdcm dunganc odokkc nok anc Iunisekolo odokkc su:pak, ngo su:pak kindagrung, nokkolo dung.

1 TIMOTI: 1:4

cdcmanggom bulu av avkvdv:dc leke do:yvngc odokkc kvtcr kama:nc ope:ncgvng do:yvngcm kvla du:ma:dopc okodc mc:namcm mcnggo:modagnc taycng agom luyirnamdcmyam ima:pc okodc mc:jvglo:ji,

1 KORINTIANG KVDVNG 1:8

sc:kobv du:tcrdungapdo:pc ngoluk Ru:tum Jisu Kristokc longcdo.

LUNGOR LUNAM 13:10

Akonc jodi yc:bomkupcnammc, bv yc:bomkunamlo:pc gvdag, jodi sc:kaiyc madsvgdokki papakdo, madsvgru:dokki bvm papakpcnamc.

JU:D 1:3

Mc:bomsunam kvdvnga, ngoluk appvngc pa:nam mopvtdok agomcm kvnggv:pc nolukkolo:pc adlv:la ngo cdcm nolum lugotpc lula adpcnamdcm aidopc ka:to mc:jvgdok lcgangc gagtvla du:nam lcgangc okodcm lcko atcro:lo aipc kumnc tani:kvdv:dcm bitobo:ji.

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

AGER KVDVNG 6:7

Odokkc Ru:ncpvnckc agomdc bojcbomna gvbomkang; odokkc Jerusalemdo agom tadla gvmvnnckvdv:dok kvnamc kcrcng kcrc:pc, odokkc dormo ager gernckvdv:dok bojcrungc mc:jvgdok mcngkampc ikangai.