JU:D 1:12 - ANU LUGOD N. T. (BSI)

¹² Cdcbulu aisi:ma:nc imur-gvmurc noluk aipc mc:mvnsula donamtv:nam kvdv:do, kapc bulu bottcpc jcngka:mvnsudag, akoncm akonc ka:mvngo:la bulu avavkvdv:dc; aisi:ma:nc mukkangcbulu, csarki yugo:bomnamc; lcddarpc bvrduglok a:yc kama:nc vsvngc, lcnyikopc sinnc, appvrcm busa:nammc;

JU:D 1:12 ပူးပေါင်းရင်းမြစ်များ

METIU 15:13

Bv lubito, “Ngok Taycng among Abukc lema:nam sa:lennc vsvng amvng appv:dcm bupakycku

PILIPIANG KVDVNG 3:19

Buluk itcrsingapdc mopenmorenc, buluk Ru:ncpvncdc aki:dc, odokkc buluk anyi:pcnamdo bulu bottapc asincm mc:sudo, asinkvdv:dokki mo:pvsok attarkvdv:dcm mcnggo:bomdag.

IPESIANG KVDVNG 4:14

Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki.

LU:KKC 21:34

“Cmpige:la nolu avyc avkc lcgangc ansutoka ckvma:mvlo noluk asinkvdv:dc dose-doyela:lang tvngvr:dowursunam mcngkolo mc:dutsuyc odokkc sc turnamkvdv:sok agomcm mc:yoka, odokkc cdc longcdc nolum vgcmpc ketelebcmpc scbgabyc;

LU:KKC 8:6

Odokkc akedc vlvng tayc:lo dcngangkang; odokkc cdcbulu sangkang, cdcbulu sanpakkang, kapila:nc cdc jumangai.

JAKOB 5:5

Nolu mo:pvso sela:-badla dolv:donyyom dola turtobong; noluk asin kvdv:dcm papakdo longckolo jvngapmoto.

1 TIMOTI: 5:6

cmpige:la sc:kobv avyc-avycm kindag cmna mc:sudag bv turra du:du:do sinnc.

LU:KKC 16:19

“Mircmnc tani:ko dungai, sc:kobv ba:yomcmpc genc odokkc kangkannc ria onnoki sumnam attarcm gcdagai odokkc sc:kobv lo:dvscm mc:po mc:popc kvnggv:pc dopo dowanncm dodungaji.

LU:KKC 12:45

Ckvdaggom cdc ager gerya:ncdc avdc lusumvlo, ‘Ngok Ru:tumdc gvkankumangcida,’ odokkc ager gernc nc:ngkvdv:dcmna: milbong kvdv:dcm dcmrobbomyc, odokkc dola:-tv:la:la tvngvrsuyc,

MARKKC 4:6

Odokkc cdvlo do:nyidc sangka:nc cdcm ka:sanbomkang, odokkc cdcbulu appvr kama:la:yam sanpakkang.

METIU 13:6

Ckvdaggom cdcbulu do:nyi ka:namki sanpakkang; odokkc odokbulukkc appvr kama:la:yam sanangamkang.

HIBRIUKVDVNG 13:9

Gvyodla gvngubonc odokkc tadkvma:nam luyircm tadla gvyotmvnyoka; kapcnc cdc mc:yinsunamki asin kvnggv:namdc aiya:dag, okodc buluk mcmangke:ke:pc du:namdcm avkamotoma:ji apin donamkokkimang.