JO:N 9:39 - ANU LUGOD N. T. (BSI)

³⁹ Jisubv luto, “Kcba: ba:nam lcgangc ngo mo:pvso:pc gvdung, jc sc:kobulu ka:pa:ma:nc ka:pa:yckupc cmna, odokkc sc:kobulu ka:pa:dagji bulu migluycpc cmna.”

JO:N 9:39 ပူးပေါင်းရင်းမြစ်များ

METIU 11:5

miglunckvdv:dc ka:begdungku odokkc lambcgvla:ma:pc ngedgo:nckvdv:dc gvla:dungku, ngero:-ro:namkvdv:dc narcngkangku odokkc ru:benckvdv:dc tadbegamkangku, sinckvdv:dcm turabmodungku, odokkc opankvdv:dcm tadponc lutaddcm lubidung.

METIU 15:14

Bulum atcro:pc gvmotok; bulu miglunc gvgcbonnc. Odokkc miglunc tani: akonc miglunc tani:akoncm gvbomvlo, anyipakdc jiko:lo owa:yc.”

METIU 6:23

nok amikdc aiyo:la du:ma:mvlo, nok amvr appv:dc kcmmo-jv:jv:yc. Cdcmpc odo nok saki:dc kcmomvlo, cddvko kcmmo-jv:jv:ycsong!

LU:KKC 1:79

Kcmolo odokkc siko ugyumlo tedla du:nckvdv:dcm pvangcm bikapc, ngoluk alckvdv:dcm mc:pola dungkolo gvbodopc.”

LU:KKC 13:30

Odokkc ka:toka, akke lcddarpc sc:kobulu gvpongarpc iycji, odokkc akke gvpongarpc gcdung sc:kobulu lcddarpc iyckuji.”

LU:KKC 2:34

Odokkc Simionbv bulum gerka:-pungka:lang cmto odokkc bvk anc Meri:mc luto, “Ka:toka, sc kowaoscm Israel ope:dok bojcru:lokkc aima:pc inamclang ainam lcgangc mclvtung, odokkc lugc-gcnamlok kanggotpc idopc

LU:KKC 4:18

“Ru:tumkc Yalodc ngokkolo dung, kapila:nc Bv ngom opannckvdv:dcm tadponc do:yv:dcm lutaddopc vrtung. Bv ngom makana:lo lvgla lc:namkvdv:dcm mclvgkunamcm odokkc miglunckdv:dcm ka:begkunamcm lutaddopc ngom mclvgtag, sc:kobulum nv:jcmna lc:tagnc bulum motudokupc,

LU:KKC 7:21

Odo ayirdo Bv bojcrungko kinamcnlang sibc:bclc:la sinncm odokkc aima:nc yallom mcnpagamla dungai, odokkc bojcru:lokkcm migluncm ka:begmotoku.

JO:N 12:31

Su:pak sc mo:pvsok kcbangcm ba:dung, su:pak sc mo:pvsok migom donckvdv:dcm la:pagamyc;

JO:N 12:46

Ngo pva:pc ila mo:pvso:pc gvdung, jc sc:kobvi ngom mc:jvgycnc bv:jen kcmolo du:tvpc ima:yc.

JO:N 3:17

Kapila:nc Ru:ncpvncbv Awodcm mo:pvso:pc mclvgto, mo:pvscm aimang cmna ludopcmang cmpige:la mo:pvscm jen Bvkkoki moturdopc cmna:mvn.

JO:N 3:19

Odokkc scmpcna kcbang ba:la lunamdc, jc pva:dc mo:pvso pvkang, odokkc tani:kvdv:dc pva:dcmyam kcmodcm aipc mcngkang, lcga:dc bulu buluk ager gernam kvdv:dc aimangai.

JO:N 8:12

Jisubv lckoda bulum luto, scmpc lula, “Ngo mo:pvsok pvangc; sc:kobv ngok lcdulo gvmvnycnc kcmolo gvgo:ma:yc, cmpige:la turra du:namsok pvangcm pa:yc.”

JO:N 8:15

Nolu adinamvr mcngkampc kcbangcm ba:mang.

JO:N 9:25

Bv lubito, “Bv pa:p kannciycsong kamangcincsong, ngo kinmang; agom apirkodan kindag, jc ngo migludagagom, su:pak ka:begkangku.”

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

2 KORINTIANGKVDVNG 2:16

Akonkcpc sikolokkc sikolo:pc nambegc, akondokkcpc turnamlokkc turnamlo:pc namponc. Sc atvkvdv:sokkcpc, sc:ko pv:dang?

IPESIANG KVDVNG 5:14

Cdcmpidag cdcm lutag, “Kinsutoka, O yubla du:na, odokkc darobtoka yubkodokkc, odokkc Kristobv nolum pvangcm biycpc.”

2 TISSALONIANG 2:10

Odokkc appvng aima:nc yadnamc cdc sc:kobulu singapkupcncji buluk lcgangc, kapila:nc bulu arodcm aipc mc:pc mc:lv:tomang odokkc cdcmpila turpc.

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.

1 JO:N 2:11

Cmpige:la sc:kobv bvk bvrodcm tayumdonc kcmolo dung odokkc kcmolo gvgo:dag, odokkc bv okolopc gvgo:dagji bv kinmang, lcga:dc kcmodc bvk amigcm miglumoto.