JO:N 9:29 - ANU LUGOD N. T. (BSI)

²⁹ Ngolu kindag jc Ru:ncpvncbv Mose:mc agomcm luto, cmpige:la sc amiscmdan, ngolu kinmang bv okolokkc gvdu:song.”

JO:N 9:29 ပူးပေါင်းရင်းမြစ်များ

METIU 12:24

Cmpige:la cdvlo Parisi:kvdv:dc tattonc bulu luto, “Cdc Beeljebulkc igurkokkimvn, uikvdv:dok migom awodokki, cdc tani:dc uiycm mcnpakla:dang.”

METIU 26:61

Sc amisc ludagai, “Ngo Ru:ncpvnckc kumko okumdcm mopen morenna:dag, odokkc lowumlo cdcm motenna:dakku.”

LU:KKC 23:2

Odokkc Bvm bulu imur murncko cmna lurrobbomkang, scmpc lula: lula, “Ngolu sc tani:scm ngoluk amongkc ope:scm aima:pc ibodopc pa:to, odokkc Kaesarmc murkong bima:dopc lulvgdag ngolum, odokkc ludag Bv avdci Kristo migombv.”

JO:N 1:17

Kapila:nc Mose:kokki lujvglurodcm bitungai; ayangclang arodc Jisu Kristokokki gvido.

JO:N 7:27

Ckvdaggom sc amisc okolokkc gvdu:ji ngolu kindag; odokkc Kristobv cdvlo lenycji, sc:kosin Bv okolokkc gvnncji kinma:yc.”

JO:N 7:28

Cdcmpila Jisubv bottapc, kumko okumdo luyirkamdcmpc lugo:bito, “Nolu ngom kindag, odokkc ngo okolokkc gvnncji nolu kindag? Cmpige:la ngo avkc mcngkamkokki gvmang; sc:kobv ngom mclvgtagnc Bv arro, odokkc Bvm nolu kinmang.

JO:N 8:14

Jisubv lubito, “Ngok avkc agomcm lukanbidaggomci ngok lukanbinamdc arro, kapcnc ngo kinsudag ngo okolokkc gvdu:ji odokkc ngo okolopc gvdagji, cmpige:la nolu okolokkc gvdu:song cdcmanggom okolopc gvycsong ngo kinmang.

JO:N 9:16

Parisi:kvdv:dok akke luto, “Sc tani:sc Ru:ncpvnc kotokkcmang, kapila:nc Bv yodla ager germa:pc du:namdcmpc du:mang.” Ckvdaggom akedc luto, “Kapc papi:tani: akonc cdcmpinc agerko gerla:ycn?” Buluk ara:do angu angunammc lenkang.

JO:N 9:24

Cdcmpila lckoda bulu miglunc tani:dcm gogto, odokkc bvm luto, “Ru:ncpvncmc aipai cmtok; ngolu kindag jc sc tani:sc pa:pkannc.”

JO:N 9:30

Cdc tani:dc lubito, “Kapila, cdc mc:la mcgapla:ma:pc ipcnammcn! Bv okolokkc gvnncji nolu kinmang, odokkc ckvdaggom Bv ngok amigcm darmotoku.

AGER KVDVNG 22:22

Cddvlo:pc bulu bvk agomdcm tadmi:la tadto; odokkc bulu buluk alvgncm bc:dopc jc:sangkang, “Sc mo:pvsokkc cdcmpinc tani:dcm la:paktoka! Kapila:nc bv turra du:pa:mang.”

AGER KVDVNG 26:22

Silo longcso:pc Ru:ncpvnckolokkc pa:nam gvdumsunamcm pa:to, odokkc cmpila ngo sido adji:ncla bottcnc appv:lo lukanbila dagdung, okkomsin luma:pc cmpige:la Mose: lungor lunckc oko lunamkvdv:dc lukamdcmpci iycbo:ji cdcmong lula:

AGER KVDVNG 7:35

“Cdc Mose:dc sck agomcm bulu tattoma:nc, scmpc lula, ‘Nom sc:ko ngoluk migompc odokkc ka:sv:-mosv:nckopc imotang?’ Ru:ncpvncbv migom doncpclang mopvncpc mclvgto bvm agrubnc vsv:do lcngkansunc taycng among lutad luncdok alagdokki.

HIBRIUKVDVNG 1:1

Bojcru:lo odokkc angu angu lambcki Ru:ncpvncbv lekelokkcbong ngoluk abukvdv:dcm lungor lunckvdv:dokki luto;

HIBRIUKVDVNG 1:2

cmpige:la sc du:tcr longckvdv:so Bv ngolum Awo akokokki luto, sc:kom Bv appvng attarlo pangkonsuncpc tolvgtoji, sckkokki Bv Mo:pvscm ru:toji.