25 Bv lubito, “Bv pa:p kannciycsong kamangcincsong, ngo kinmang; agom apirkodan kindag, jc ngo migludagagom, su:pak ka:begkangku.”
Cmpige:la bv bulum lubito, “Ngom csa:mokunc tani:dc ngom luto, ‘Nok amrong asubdcm la:sala bomna gvkangkuka.’ ”
Cdcmpila lckoda bulu miglunc tani:dcm gogto, odokkc bvm luto, “Ru:ncpvncmc aipai cmtok; ngolu kindag jc sc tani:sc pa:pkannc.”
Bulu bvm luto, “Bv okkom nom ibiton? Bv kapc nok amigdcm ka:begmotokun?”
Cdc tani:dc lubito, “Kapila, cdc mc:la mcgapla:ma:pc ipcnammcn! Bv okolokkc gvnncji nolu kinmang, odokkc ckvdaggom Bv ngok amigcm darmotoku.
Sc:kobv Ru:ncpvnckc Awodo mc:jvgtonc bvk avyvngkolo lukanbinamdc dung. Sc:kobv Ru:ncpvncmc mc:jvgma:nc, Bvm lume: lunckopc ludag, lcga:dc bv Ru:ncpvnckc lukanbinamdcm mc:jvgtomang jc Ru:ncpvncbv Bvk Awodcm lubinamdcm.