JO:N 9:22 - ANU LUGOD N. T. (BSI)

²² Bvk anc-abudc cdcmpc luto kapila:nc bulu Jiwukvdv:dcm pcsodagai, kapila:nc Jiwukvdv:dc odo ru:sutagai sc:kaiyc Bvm Kristobv cmna luycnc, bvm kumko okumdokkc mcn nenlvgyc.

JO:N 9:22 ပူးပေါင်းရင်းမြစ်များ

LU:KKC 6:22

“Tani:kvdv:dc cdvlo nolum tayumycji nolu gernc-pu:nc, odokkc bulu cdvlo nolum angupc du:moycji odokkc nolum aima:pc luycji, odokkc nolum amincm aisi:ma:nc cmna minycji, Tani:kc Awodok lcgangc!

JO:N 1:19

Odokkc sc:na Jo:nkc lukan binamdc, cdvlo “No sc:kobv:n?” Cmna Jiwudi:kvdv:dok dormo ager gernclok gvgcbonc kvdv:dcmnang Lebiang kvd:dcm Jerusalem dokkcm bvm tawudopc mclvgtungaji.

JO:N 16:2

Bulu nolum kumko okumnokkcm mcnnenlvgyc; ncrkvgpc, ayirdc pvnga:du:bong cdvlo sc:kobv nolum mokeycnc bv Ru:ncpvncmc agerko gerbidung cmna mc:yc.

JO:N 19:38

Odok lcdudcm Arimatia:dok Josepbv, sc:kobv Jisukc agom tadjvgla gvmvnna:nc, ckvdaggom kinmango:pc tadna:ji Jiwukvdv:dcm bv la:yila:ycnci cmna tawuto, odokkc Pilatbv bvm la:yidopc lulvgto. Cdcmpila bv gvto odokkc Bvk sima:dcm jo:pakbomkang.

JO:N 20:19

Odo longcdok yumcayirdo, kvnvd longcdok a:pongarnc longcdo, agom tadjvgla gvmvnnc tani:kvdv:dc yabgo kvdv:dcm mokabamsula dungai bulu okolo dungaji, Jiwu kvdv:dcm pcsola, Jisubv gva:la buluk ara:do dagkang odokkc bulum luto, “Nolukkolo mc:po mcnga:nc dungka:langka.”

JO:N 7:13

Ckvdaggom Jiwukvdv:dcm pcsola:yam sc:kosin ka:de:pc Bvk agomcm lutomang.

JO:N 9:18

Jiwukvdv:dc bv:jc migludagai odokkc ka:begkangku, ka:begkunc tani:dok anc-abudcm gogge:la,

JO:N 9:21

Cmpige:la bv kapc su:pak ka:begkangkunc ngolu kinmang, cdcmpcmanggom bvk amig pirnyidcm sc:ko ka:begmotokusong ngolu kinmang. Bvm tadtoka; bv bottaka:bong, bv avyc avkc agomcm lubisuycpc.”

JO:N 9:34

Bulu bvm lubito, “No papi:loksin papi:pc onamc, odokkc noi ngolum luyirpcnncn?” Odokkc bulu bvm nv:lenlvgto.

JO:N 9:35

Jisubv tattojc Bvm cdcmpc nv:lennvgto cmna, odokkc bvm rvgsuge:la Bv luto, “No tani:kc Awodcm mc:jvgdagyc?”

AGER KVDVNG 4:18

Cdcmpila bulum bulu gogangge:la Jisukc aminno okkomsin ludanyobong cdcmanggom luyiryok cmna sanggabdanna lurvdto.

AGER KVDVNG 5:13

Akedc akosin buluk lcdulo du:mvnpc cmna mcngkvla:tomang, cmpige:la tani:kvdv:dc bulum airu:pc mcnggc-sudagai.

AGER KVDVNG 5:40

Cdcmpila bulu bvk luyirdcm tatto, odokkc bulu mclvgla ager gerdopc mclvgnam tani:kvdv:dcm gogangkunamc, bulu bulum dcmto odokkc Jisukc aminnok agom luma:dopc sa:jcmna luto, odokkc bulum mclvgtoku.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”