JO:N 9:14 - ANU LUGOD N. T. (BSI)

¹⁴ Cdcmpidodcm cdc yodla ager germa:pc du:nam longgai cdvlo Jisubv amo:dcm yondubkaji odokkc bvk amikdc darkaji.

JO:N 9:14 ပူးပေါင်းရင်းမြစ်များ

MARKKC 2:23

Ager germa:pc yodla du:nam longckolo Bv arvg arangkolok gvdungai; odokkc bulu lambc gvla du:dodcm Bvk agom tadjvgla gvmvnnc tani:kvdv:dc a:yckvdv:dok pvrrobbomkang.

LU:KKC 14:1

Ager germa:pc yodla du:nam longcdo Bv gvla migom donc tani:akolok okumkolo sc:kobv Parisi:anc doddom, bulu bvm ka:la dungai.

JO:N 5:16

Odokkc cdda:na Jiwudi:kvdv:dc kapila Jisumc ipusire:ycm ikaji, kapila:nc Bv Ager germa:pc yodal du:do longcdom cdcm gerto.

JO:N 5:9

Odo vgcmpc cdc tani:dc csangamkangku, odokkc bvk amrong asubdcm la:sangge:la gvkangku.

JO:N 9:13

Bulu tani:dcm Parisi:kvdv:do:pc gva:boto sc:kobv po:pc miglula dungaji.

JO:N 9:6

Bv cdcm lutu:la amo:bo takircm sugla amo:dcm yondupto odokkc tani:dok amikkvdv:dcm yonnvgbito bvm yondupnam amo:dokki, scmpc lula, Gvkang, Siloam pa:ta:do vrpu:suta:ka (okodcm Mclvgnammc cmdagaji.)