JO:N 8:55 - ANU LUGOD N. T. (BSI)

⁵⁵ Cmpige:la nolu Bvm kintomang; ngo Bvm kindag. Ngo Bvm kinmang cmna, ngo lumvlo, ngo nolugvngkcmpc lume: luncpc iyc; ckvdaggom ngo Bvm kindag odokkc ngo Bvk agomkvdv:dcm lukamdcmpc ido.

JO:N 8:55 ပူးပေါင်းရင်းမြစ်များ

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

LU:KKC 10:22

“Appvng attarcm ngom bitung ngok Ba:bukokki; odokkc Abudc:ma:mvlo sc:kosin Awodcm kinmang, cdcmpcmanggom Abudc sc:kosong Awodcma:mvlo odokkc sc:komci lcngkanlv:dagnc Awodc bvm lcngkan dag.”

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

JO:N 10:15

Abudbv ngom kapc kindagji odokkc ngo Abudcm kindag; odokkc ngok turnamcm bera soben kvdv:dok lcga:pc tolvgdag.

JO:N 15:10

Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.

JO:N 15:21

Ckvdaggom bulu cdc appv:dcm ngok lcgangong iyc, lcga:dc bulu sc:ko ngom mclvgtagji kinmang.

JO:N 16:3

Odokkc bulu cdcm iyc lcga:dc bulu Abudcm kintomang, cdcmanggom, ngomsin.

JO:N 17:25

O dormokanc Abu, rcngamsc nom kintobong, cmpige:la ngo nom kinto; odokkc sc:bulu kindagjc no ngom mclvgtag.

JO:N 6:46

Sc:kobv Ru:ncpvnckotokkc mclvgnammcnc bv:ma:mvlo sc:kosin Abudcm kangkvmang; Bv Abudcm kangkvtak.

JO:N 8:19

Bulu Bvm cdcmpila tawuto, “Okolon nok Abudc?” Jisubv lubito, “Nolu ngomba: ngok Abudcmba: kinmang; nolu ngom kinya:mvlo, nolu ngok Abumcsin kinya:pc.”

JO:N 8:29

Odokkc sc:kobv ngom mclvgtagji ngok lcdulo dung; Bv ngom atcrc mcpakmang, kapila:nc ngo lo:dvscm Bv okodcm mc:podagji ido.”

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

JO:N 8:51

Aroru:pc, aroru:pc, ngo nolum lubidung, sc:koiyc ngok agomdcm tadmvlo, bv cdvlosin sinamcm ka:pa:suma:yc.”

JO:N 8:52

Jiwukvdv:dc Bvm luto, “Ngolu su:pak kindu:bong nokkolo uiko dung, Abrahambv sikang, lungor lunckvdv:dcmpc; odokkc nolu ludag, ‘Tani:akonc ngok agomcm tadmvlo bv cdvlosin sima:yc.’

AGER KVDVNG 17:23

Kapcnc ngo gvgo:la gvnamc odokkc noluk kumnam attarkvdv:dcm ka:namc, ngo scmpc adnam kumgcngko gvpa:suto, ‘Kinma:nam Uikolo:pc.’ Nolu cdcmpila okodcm kinma:pc kumdonc, cdcm ngo nolum lutadbidung.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

1 JO:N 1:6

Ngolu jodi lusuyc ngolukkc Bvkkokki ajon jonsunammc dung cdvlo ngolu kcmolo du:tungv:la, ngolu lume:ycm ludo odokkc arodokkcmpc turmang;

1 JO:N 2:22

Sc:kobv:n lume:luncdc sc:kobv Jisubv Kristobv:mang cmna lupakma:ncdc:ma:mvlo? Cdcna Kristobirudi:dc, sc:kobv Abudcmnang Awodcm lupakdagji.

1 JO:N 2:4

Bv sc:kobv ludagnc “Ngo Bvm kindag” cmpige:la Bvk lulvgkvdv:dcm lukamdcmpc tadma:yc lume:luncko, odokkc arro bvkkolo kamang;

1 JO:N 5:10

Sc:kobv Ru:ncpvnckc Awodo mc:jvgtonc bvk avyvngkolo lukanbinamdc dung. Sc:kobv Ru:ncpvncmc mc:jvgma:nc, Bvm lume: lunckopc ludag, lcga:dc bv Ru:ncpvnckc lukanbinamdcm mc:jvgtomang jc Ru:ncpvncbv Bvk Awodcm lubinamdcm.

LUNGOR LUNAM 3:9

Ka:toka, ngo cdc kumko okumkvdv:dcm Satankcpc imoyc sc:kobv ludagji jc bulu Jiwu cmna lusudag cmpige:la Jiwumang, cmpige:la lume:ycm ludag–ka:toka, ngo bulum gva:moyc odokkc nok alc kcra:lo lcbvngcm tuma:moyc, odokkc kintoka jc ngo aipc mc:to.