JO:N 8:48 - ANU LUGOD N. T. (BSI)

⁴⁸ Jiwukvdv:dc Bvm luto, “No Samariangko cmna lusunamdc aroma:lang odokkc uiko dung cmnamdc?”

JO:N 8:48 ပူးပေါင်းရင်းမြစ်များ

METIU 10:25

Agom tadjvgla gvmvnnc tani:dokkcpc bvk luyirncdcmpc inamdci pv:dag, odokkc pagbodc bvk ru:tumdcmpc inamdci pv:sepv:yedag. Bulu okum cra:dok ru:tumdcmci Belsobub cmyc, cddvk abayangko lubarla bulu cra:dok luggcm gcync!

METIU 10:5

Cdc vyvngkolang anyidcm Jisubv mclvgto, scmpc bulum lulvgla, “Angu tani:kvdv:dok dungkolo:pc gvyoka, odokkc Samariang kvdv:dok oko tawonnoksin gvyoka.

METIU 11:18

“Kapila:nc Jo:nbv gvto dotosinmang tv:tosinmang, odokkc bulu ludag, ‘Bvkkc ui ako dung;’

METIU 12:24

Cmpige:la cdvlo Parisi:kvdv:dc tattonc bulu luto, “Cdc Beeljebulkc igurkokkimvn, uikvdv:dok migom awodokki, cdc tani:dc uiycm mcnpakla:dang.”

METIU 12:31

Cdcmpidag ngo nolum lubidung, imur appvngcm odokkc luyola lunamkvdv:dcm tani:kvdv:dokkcm mc:yinsuyc, ckvdaggom Yalodok lukamdcmpc tadma:pc luyotnammcm mc:yinsuma:yc.

METIU 15:7

Nolu kcvgpc asin mcngunc kvdvngc! Isaia:bv Ru:ncpvnckc agomcm lungordodcm airu:pc luto noluk agomcm, cdvlo bv lungorkaji!

JO:N 1:19

Odokkc sc:na Jo:nkc lukan binamdc, cdvlo “No sc:kobv:n?” Cmna Jiwudi:kvdv:dok dormo ager gernclok gvgcbonc kvdv:dcmnang Lebiang kvd:dcm Jerusalem dokkcm bvm tawudopc mclvgtungaji.

JO:N 10:20

Bulukkodok bojcrungkonc luto, “Bvkkc uiko dung, odokkc Bv simadncko; kapila Bvk agomcm tadycn?”

JO:N 13:13

Nolu ngom Luyirnclang Ru:tumc cmna gogdag; odokkc nolu goggabdag, kapila:nc ngo cdcmv:pc innc.

JO:N 4:9

Samaria: nc:dc Bvm luto, “No kapc cdcmpc, Jiwudi:ge:la, ngokkolok tv:pc cmna koka:n, Samaria:dokkcm?” Kapila:nc Jiwudi:kvdv:dc Samaria: kvdv:dokki okkomsin gvmvndomvnsumangai.

JO:N 7:20

Tani:kvdv:dc luto, “Nokkc uiko dung! Sc:ko nom mokepc cmna madu:n?”

JO:N 8:22

Odo Jiwukvdv:dc luto “Bv avdc mokesuycnci, Bvk lukamdcmpc, ‘Ngo okolopc gvdagji nolu gvla:mang cmna’?”

JO:N 8:52

Jiwukvdv:dc Bvm luto, “Ngolu su:pak kindu:bong nokkolo uiko dung, Abrahambv sikang, lungor lunckvdv:dcmpc; odokkc nolu ludag, ‘Tani:akonc ngok agomcm tadmvlo bv cdvlosin sima:yc.’

ROMANKVDVNG 15:3

Kapila:nc Kristobv avdc avycm aipc mc:tv:sumomangai; cmpige:la, cdcm adla lc:namdcmpc, “nom aisi:ma:pc lugc:nc kvdv:dok lugcnamdc ngokkolo pa:to.”

HIBRIUKVDVNG 13:13

Cdcmpidag kajc ngolu Bvkkolo:pc dungkumsula dungkodokkc moro:pc gvlenkai, odokkc Bvk ipusire:namdcm menrasunamdcm menrasulai.

JAKOB 2:19

Nolu mc:jvgdo jc Ru:ncpvncbv ako; nolu ainc agercm gerdo. Cdcmpc uikvdv:dc:sin mc:jvgdag–odokkc pcsola jingo:sudag.