JO:N 8:47 - ANU LUGOD N. T. (BSI)

⁴⁷ Sc:kobv Ru:ncpvnckcnc Ru:ncpvnckc agomcm taddag; nolu kapila cdcmbulum tadma:nc lcga:dc nolu Ru:ncpvnckcmang.”

JO:N 8:47 ပူးပေါင်းရင်းမြစ်များ

JO:N 12:48

Sc:kobv ngom lupakycnc odokkc ngok agom lunamkvdv:dcm torvgsuma:ycnc kcbang ba:namko du:do; ngok lunam agomkvdv:dc:na du:tcr longcdo bvk kcba:pc iycku.

JO:N 18:37

Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

JO:N 5:25

“Aroru:pc, aroru:pc, ngo nolum lubidung, ayirdc pvnga:du:bong, odokkc cdc su:pagvngbong, cdvlo sinckvdv:dc Ru:ncpvnckc Awodok gomugcm tadbegycnc, odokkc cdc sc:kobulu tadycnc turyc.

JO:N 6:65

Odokkc Bv luto, “Cdcmpila:na ngo nolum lubitonc jc Abudc:ma:mvlo sc:kobv:sin ngokkolo:pc gva:la:mang Abudc togcsuma:mvlo.”

JO:N 8:37

Ngo kindag nolujc Abrahamkc opvnc cmna; ckvdaggom nolu ngom mokepc cmna mago:dag, lcga:dc ngok agomc nolukkolo dungkoko pa:mang.

JO:N 8:43

Nolu kapila mcngkin-tadkinma:n ngo okkom ludu:ji? Cdc lcga:dc nolu ngok agomkvdv:dcm tadrasula:ma:la:mvn.

JO:N 8:45

Cmpige:la, ngo arodcm lubiga:lok, nolu ngom mc:jvgmang,

1 JO:N 3:10

Odokki cdcm ka:begycpc jc sc:kobulu Ru:ncpvnckc ommangcji, odokkc sc:kobulu uikc ommangcji: sc:kobvi arrom ima:ji Ru:ncpvnckcmang, cdcmanggom sc:kobv bvk bvrodcm aipc mc:ma:ji.

1 JO:N 5:1

Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.

2 JO:N 1:9

Sc:kobvi gvgcla gvdonc odokkc Kristokc ncrkvg agomdcm lukamdcmpc Ru:ncpvncbv kamang; sc:kobv ncrkvg agom lukamdcmpc du:tvdagnc Abudc:lang Awo anyipakdc du:ng.

3 JO:N 1:11

Aipc mc:bomsunam kvdvnga, aima:ncdcm ka:yv:sula gvyoka cmpige:la aincdcm ka:yv:sula imvngvmvnnangka. Sc:kobv aincm idagji Ru:ncpvnckc; sc:kobv aima:ncm idagnc Ru:ncpvncmc kangkvmang.