42 Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.
Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.
Kapila:nc ngok avkc ilang gvlangki ngo agomdcm lumang; Abudc sc:kobv ngom mclvgtagnc Bv avdci ngom lulvgcm lutag okkom lupcnamcji odokkc okko cmpcnammcji.
Jisubv, Abudc Bvk alagdo appvngcm bitung cmna kinna:yam, odokkc Bv:jc Ru:ncpvnckotokkc gvnnc odokkc Ru:ncpvnckoto:pc gvdagku cmna,
Nolu mc:jvgma:nci jc ngo Abudo du:mvndung odokkc ngok Abudc ngokkolo du:mvndung cmna? Ngok nolum lunam agomkvdv:dc ngok avkc ilang gvlangki lumang; cmpige:la cdc Abudc sc:kobv ngokkolo du:dagnc Bvk agercm Bv gerdag.
Su:pak ngolu kindagjc no appvngcm kindag, odokkc sc:kosin nom tawunam agomko tadpcnam kama:bong; odokki ngolu mc:jvgdagjc no Ru:ncpvnckotokkc gvka.”
O dormokanc Abu, rcngamsc nom kintobong, cmpige:la ngo nom kinto; odokkc sc:bulu kindagjc no ngom mclvgtag.
kapila:nc ngo bulum agomkvdv:dcm bitobong okodcm no ngom bitoji, odokkc bulu cdcmbulum torvgsutobong odokkc aropc kindag jc ngo nokkolokkc gvdung; odokkc bulu mc:jvgtobong jc no ngom mclvgtag.
Kapila:nc Ru:ncpvncbv Awodcm mo:pvso:pc mclvgto, mo:pvscm aimang cmna ludopcmang cmpige:la mo:pvscm jen Bvkkoki moturdopc cmna:mvn.
appvngcjen Awodcm mcnggcm mcnggcsudopc, bulu Abudcm mcnggcm mcngkamv:pc. Sc:kobv Awodcm mcnggcm mc:ma:ycnc Abudcm mcnggcm mc:mang sc:ko Bvm mclvgtu:ji.
Ngok Abukc aminnok ngo gvdung, odokkc nolu ngom torvgsumang; sc:koiycdan avkc aminno gvmvlo, bvm nolu torvgsuycpc.
Jisubv lubito, “Ngok avkc agomcm lukanbidaggomci ngok lukanbinamdc arro, kapcnc ngo kinsudag ngo okolokkc gvdu:ji odokkc ngo okolopc gvdagji, cmpige:la nolu okolokkc gvdu:song cdcmanggom okolopc gvycsong ngo kinmang.
Sc:kaikc jodi Ru:tummc aipc mc:namko kama:mvlo, bvm pelvgnampc ika:kangka. Ngoluk Ru:tuma, gvtokuk.
Cmpige:la cdvlo ayirdc pvngangka:nc, Ru:ncpvncbv Bvk Awodcm mclvgto, nc:ngc onamdcm, lujvglurodokkcm onamdc,
Odokkc ngolu ka:tobong jc lukancm lubitu:bong jc Abudc Rcngamsok Mopvtncpc idopc Bvk Awodcm mclvgto.
Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.
Odokkc Bv ngom turnamdok a:ncdok asidcm lcngkanto, arscmpc tong cmna lolatdag,