29 Odokkc sc:kobv ngom mclvgtagji ngok lcdulo dung; Bv ngom atcrc mcpakmang, kapila:nc ngo lo:dvscm Bv okodcm mc:podagji ido.”
Bv agom luposula du:dodcm, ka:toka cdvlo, kamponc mukkang atakkonc bulum yv:lubto, odokkc mukkang ara:dokkc gomugko lukang, “Sc ngok mc:bomsunam Aowo, sc:kom ngo aipc mc:lvgsudagnc; Bvk agomcm tattoka.”
Ckvdaggom Jisubv bvm lubito, “Scmpc su:pak imopo:tok; kapila:nc cdcmpc appvng dormo agercm ipvtgvpvtpcnamc.” Odo bv cdcmpc imoto.
odokkc ka:tok, taycngamo:tokkc gomugko, scmpc lukang, “Sc ngok airu:pc aipc mc:nam Awwo, sckkolo ngo airu:pc mc:tv:sudoji.
Ckvdaggom ngo Abudc kvnggv:pc agom lukampc ido, odomvlojen mo:pvsc ngo Abudcm aipc mc:dag cmna kinycpc. Darobtoka, kajc sokkc gvkangkuboi.
Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.
Ayirdc pvnga:du:bong, aropakpc cdc pvnga:du:bong, cdvlo nolum mcnpitmcnyitycnc, appvng taniycm bvkkc okumno; odokkc ngom atcrongcm mcpakyc; ckvdaggom ngo atcro:ma:yc, kapila:nc Abudc ngok lcdulo dung.
Ngo nom mo:pvso amincm gvmotobong, agerdcm gerpvtla no okodcm ngom gerpvttoka cmna lutungaji;
Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.
“Ngo avkc ilang-gvlangkokki okkomsin ila:mang; ngok tannamdcmpc, ngo kcbangcm ba:do; odokkc ngok kcba:dc arodag, kapila:nc ngok mcngkamcm ngo mamang cmpige:la Bvk mcngkamcm mado sc:ko ngom mclvgtu:ji.
Kapila:nc ngo taycng amo:tokkc gvidung, ngok avkc mcngkamdcmpc gerkapcmang, cmpige:la sc:kobv ngom mclvgtagnc Bvk mcngkamcm gerkapc;
Ckvdaggom ngo kcbangcm ba:mvlo, ngok atcrongc kcba:dcm ba:mang, cmpige:la ngo:lang Bv sc:kobv ngom mclvgtoji.
Cmpige:la Ru:tumbv ngok kcra:do dagkang odokkc ngom tornamcm bito pv:dandopc lutaddcm lubidopc, jc appvng Angu tani:kvdv:dc cdcm tadla:dopc. Cdcmpc ngo inggolok nappa:lokkc gvpvtsuto.
Ru:tumbv nok yalodo du:mvnka:langka. Nok lcdulo ayang-abbo dungka:langka.
Kapcnc ngolukkc dormo ager gerncko kamang sc:kobv ngoluk ilang-gvlang aya:sitapc mc:ma:pc ima:yc, cmpige:la sc:kobv appvng agerlo anka:la kangkvcm pa:tonc kapcji ngolu, ckvdaggom pa:b ima:pc.
Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko.
Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;
odokkc ngolu Bvkkolokkcm okodcmci kodoji Pa:do, lcga:dc ngolu Bvk lujvg lulvgkvdv:dcm lukamdcmpc gagla du:do odokkc okodc Bvm mc:lvgsumodagji.